تويت
حمزة يوسف «عصا التّرحال»
عصا التّرحال
لمّاالدُّنيا تبدا تقيف يشيل الزّول عصا التّرحال
يلف الدّنيا صيف وخريف عشمان في مطر بلّال
****
يخُت أهدافو قدّامو يشوف في الدّنيا مافي محال
يصحّي جوارحو لو ناموا يحفّزا بانصلاح الحال
****
لا هاميهو قول واشي لا يثنيهو مهما قال
يتم مشوارو لو ماشي إن قصر السّفر أو طال
****
ينزّل رحلو في الغُربة قصدو يحقق الآمال
يبدا حياتو بي رغبة ويغرق في بحور الفال
****
يلاقي التّمُوا قبلو سنين باكين الفراق الطّال
ديمة الحسرة في عينين دموعا على الخدود هطّال
****
صبرو يقل يزيد همُّو يبكي الفرقة بي إهمال
لمّا يعيد كلام أمُّو خاتّاك دُخري يا البلّال
****
يدنقر مرّة تاني يصُد يغالب هم صِبِح تقّال
يجُرُّو تحت يصلبو الحد وبي فوقو العرق شلّال
****
يعيش نارين قبُل موتو فراق أهلو وكلام عُذّال
يلوح بي إيدو للفاتو وهو الخسران في كل الحال
****
خسران الشّباب الفات ما بيرجعلو تاني محال
ونفسُو اتقطّعت زفرات حليل الصوتو كان جلجال
لمّاالدُّنيا تبدا تقيف يشيل الزّول عصا التّرحال
يلف الدّنيا صيف وخريف عشمان في مطر بلّال
****
يخُت أهدافو قدّامو يشوف في الدّنيا مافي محال
يصحّي جوارحو لو ناموا يحفّزا بانصلاح الحال
****
لا هاميهو قول واشي لا يثنيهو مهما قال
يتم مشوارو لو ماشي إن قصر السّفر أو طال
****
ينزّل رحلو في الغُربة قصدو يحقق الآمال
يبدا حياتو بي رغبة ويغرق في بحور الفال
****
يلاقي التّمُوا قبلو سنين باكين الفراق الطّال
ديمة الحسرة في عينين دموعا على الخدود هطّال
****
صبرو يقل يزيد همُّو يبكي الفرقة بي إهمال
لمّا يعيد كلام أمُّو خاتّاك دُخري يا البلّال
****
يدنقر مرّة تاني يصُد يغالب هم صِبِح تقّال
يجُرُّو تحت يصلبو الحد وبي فوقو العرق شلّال
****
يعيش نارين قبُل موتو فراق أهلو وكلام عُذّال
يلوح بي إيدو للفاتو وهو الخسران في كل الحال
****
خسران الشّباب الفات ما بيرجعلو تاني محال
ونفسُو اتقطّعت زفرات حليل الصوتو كان جلجال
