تويت
محمد عبدالله حرسم «سنبلاية وبندقية حلاتك»
سنبلاية وبندقية
حلاتك
حلاتك وانتى من طين الأرض فتانة يانعة وخضراء تطلع
شايلة في ايديكى نخلة فاس ومنجل وابتسامة وطفل برضع
طفل برضع عزنا ونيلنا وفخارنا
طفل بشبه سنبلة مزروعة فينا وفى مدارنا
وحلاتك وانتى عنوانا وقرارنا
فيكى من طينا وخدارنا
شايلة باكر احلي باكر ضؤ نهارنا شمعة فينا وفى مسارنا
طالة من فوق المآذن وهالة من كل المنابر
في قرانا النائية باقةطالعة من شرف الحناجر
راية عالية علينا غالية لا تنزل ولا بنبدل
وأيد تعلم في القراية وايد تعلم في صغارنا
الوصية الجاية من ناسنا وكبارنا
ابقو عشرة على القضية
وشيلو في أيد سنبلاية
وفى الثانية شيلو البندقية
حلاتك وانتى طالعة مع الفجر خطوة لينة وخطوة باقة
للطبول إلفينا داقة للخوازيق البتمحق فينا ماحقة
وانتى طالعة مع الدغش غيمة للوادي بترش
واسوق وخرتاية وتمر مركوب وسروال وبرش
شايلة الوضؤ ومارقة في الباطل تقش
ومن كل فجة على المسام فينا بتخش
يا غرة في جبهة غبش
خبينى بينك وبين مسامك خلينى زيك طلقة تحرس ابتسامتك
ماجينا في الزمن الصعب نتقاسم الهم والكلام ماشيين سوا
وشك معاى ضؤ الطريق شايلين سوا صفق السلام
ماجينا في الزمن الصعب رغم الرياح عاملين تمام
قفلنا بابنا وختينا عنوان للكلام
دخلونا من كل الجهات منعونا نبنى كمان صلات
ترفع عيونك وين ؟لا فوق تكون هيهات
دخلونا في الساحات مطرونا بالرقصات والسكرة لامن جات
مرق الكبير الفات يلعب مع اللاعباتالفات الفات سبعة لفات
ما جينا في الزمن الصعب نرفع الرايات
لكين كمان الباعو فينا كتار وناس الرجول ثابتات
وسويت عشانك كل شي شان تبهجيني وابهجك والبس ملامحك
غتيت معالمك بى ابتسامة وراية عالية علينا غالية
ما تنزل ولا بنبدل
مهما بينا الدنيا ضاقت ومهما زاد عدد الاعادى
حلاتك وانتى فينا وفى المداين وفى البوادي
مشتولة في كل الشوارع والبيوت
ابقو عشرة على القضية
علو صوتكم في الجوامع وفى المداين
وازرعو النخل العوالى اللابهادن ولا بلاين
وختو صوتكم جوه في قلب الروادى
يا نعيش زى ما دايرين
يا نموت من اجل الزين
نحرس ارضك نحرس عرضك وبيت الطين
ويا نموت مبسوطين وفرحانين
شان تفضلي انتى الزين
شان تملى العين
شان البرضع منك يفضل هو الزين
شان تفضلي انتى الزين
حلاتك
حلاتك وانتى من طين الأرض فتانة يانعة وخضراء تطلع
شايلة في ايديكى نخلة فاس ومنجل وابتسامة وطفل برضع
طفل برضع عزنا ونيلنا وفخارنا
طفل بشبه سنبلة مزروعة فينا وفى مدارنا
وحلاتك وانتى عنوانا وقرارنا
فيكى من طينا وخدارنا
شايلة باكر احلي باكر ضؤ نهارنا شمعة فينا وفى مسارنا
طالة من فوق المآذن وهالة من كل المنابر
في قرانا النائية باقةطالعة من شرف الحناجر
راية عالية علينا غالية لا تنزل ولا بنبدل
وأيد تعلم في القراية وايد تعلم في صغارنا
الوصية الجاية من ناسنا وكبارنا
ابقو عشرة على القضية
وشيلو في أيد سنبلاية
وفى الثانية شيلو البندقية
حلاتك وانتى طالعة مع الفجر خطوة لينة وخطوة باقة
للطبول إلفينا داقة للخوازيق البتمحق فينا ماحقة
وانتى طالعة مع الدغش غيمة للوادي بترش
واسوق وخرتاية وتمر مركوب وسروال وبرش
شايلة الوضؤ ومارقة في الباطل تقش
ومن كل فجة على المسام فينا بتخش
يا غرة في جبهة غبش
خبينى بينك وبين مسامك خلينى زيك طلقة تحرس ابتسامتك
ماجينا في الزمن الصعب نتقاسم الهم والكلام ماشيين سوا
وشك معاى ضؤ الطريق شايلين سوا صفق السلام
ماجينا في الزمن الصعب رغم الرياح عاملين تمام
قفلنا بابنا وختينا عنوان للكلام
دخلونا من كل الجهات منعونا نبنى كمان صلات
ترفع عيونك وين ؟لا فوق تكون هيهات
دخلونا في الساحات مطرونا بالرقصات والسكرة لامن جات
مرق الكبير الفات يلعب مع اللاعباتالفات الفات سبعة لفات
ما جينا في الزمن الصعب نرفع الرايات
لكين كمان الباعو فينا كتار وناس الرجول ثابتات
وسويت عشانك كل شي شان تبهجيني وابهجك والبس ملامحك
غتيت معالمك بى ابتسامة وراية عالية علينا غالية
ما تنزل ولا بنبدل
مهما بينا الدنيا ضاقت ومهما زاد عدد الاعادى
حلاتك وانتى فينا وفى المداين وفى البوادي
مشتولة في كل الشوارع والبيوت
ابقو عشرة على القضية
علو صوتكم في الجوامع وفى المداين
وازرعو النخل العوالى اللابهادن ولا بلاين
وختو صوتكم جوه في قلب الروادى
يا نعيش زى ما دايرين
يا نموت من اجل الزين
نحرس ارضك نحرس عرضك وبيت الطين
ويا نموت مبسوطين وفرحانين
شان تفضلي انتى الزين
شان تملى العين
شان البرضع منك يفضل هو الزين
شان تفضلي انتى الزين
