تويت
الدكتور محمد حسن «وما زال الحنين متدفقاً»
ومــازال الحنين متدفقاً
ليل الحزن الراكد بين عينيك
مدد رجلو
وبدد حلما نبت برعم فرحة
بين ايديك.
اتلاقينا
زي برقين
اتلاقحوا واثمروا
غيمة هجين
لمن تنزل مطرة تلون شكل الطقس
المابي يلين
جيتي علي وجيتك
شايل شهقة دهشة بتنده ليك
من عيني النور الصافي
الفيه ملامح وصفك ابهى
والمع من القمر الفاقع
حين اكتمل البدر سبوع
زي خديك
وانت تمدي اصبع ايدك ولي بتهمسي
هاك قلبي ...
بمد حرفين
من قلبي وليك بدندن
هاك دمي.
واعاين ليك
تهرب عينك مني وتسكن جوة الجوف
وادسك مني
وادسك فيني
ونحلم جوة الحلم الساكن فيك
مريودة وعاشق
ومانع
من اسفار تتوشح لون الغربة الحالكة
مشبعة بي انفاس المدن الما بتنوم
شاربة روائح كل موانئ الهجرة الهالكة
واجري عليك
اضمك جوة الجوف المهري سنين
وهدهد قلبي
ولي اترنم وغني حزين .
ومازال الحنين متدفق
ليل الحزن الراكد بين عينيك
مدد رجلو
وبدد حلما نبت برعم فرحة
بين ايديك.
اتلاقينا
زي برقين
اتلاقحوا واثمروا
غيمة هجين
لمن تنزل مطرة تلون شكل الطقس
المابي يلين
جيتي علي وجيتك
شايل شهقة دهشة بتنده ليك
من عيني النور الصافي
الفيه ملامح وصفك ابهى
والمع من القمر الفاقع
حين اكتمل البدر سبوع
زي خديك
وانت تمدي اصبع ايدك ولي بتهمسي
هاك قلبي ...
بمد حرفين
من قلبي وليك بدندن
هاك دمي.
واعاين ليك
تهرب عينك مني وتسكن جوة الجوف
وادسك مني
وادسك فيني
ونحلم جوة الحلم الساكن فيك
مريودة وعاشق
ومانع
من اسفار تتوشح لون الغربة الحالكة
مشبعة بي انفاس المدن الما بتنوم
شاربة روائح كل موانئ الهجرة الهالكة
واجري عليك
اضمك جوة الجوف المهري سنين
وهدهد قلبي
ولي اترنم وغني حزين .
ومازال الحنين متدفق
