تويت
الدكتور محمد حسن «موعود بيك»
موعود بيك
جيتي وشايلة ربيع الدنيا الحالم
بين ايديك
جيتك وشايل كل الشوق
في كلمة تلائم ( موعود بيك)
وكانت مطرة
وضحكة زهرة
وغيمة ملانة محنة وشايلة
الفال الباسم
من خديك
غيمة
بتكتب
نقطة ونقطة
وكل ما تكتب نقطة بحسك
همسة بتصرخ وتنده ليك.
ما تلاقينا مجرد صدفة
كان في الغيب- الفيه الخاطر
سادر وهايم-
قلبي وقلبك متمازجين
وكل حروف متبعثرة جوة تطن
وتزن
مليانة انين
بتحكي الرؤيا الوعد القادم
عن اتنين
بيناتهم فاصلة
ورحلة طويلة بين كونين
كلمة نبوءة
وشوقا ساكن في عينين،
والوجدان
مشحون بي رسمك
في الياف العصب النزفت وجدا ليك.
شفتك
لمن جينا ،حداه النيل ،
وكانت لقيا
عند القيف الفيه الليل
متوسد حلمهُ،
ومن القمر الباسم بين نجمين
جاك متسلسل
زي شلال ما ليه مثيل
القاَ باهرعمد قلبي وقلبك ،
بين ايديا حرير يديك
دخلنا الموية الصافية وطاهرة
ومن تكوينها هديتك تاج
من تكوينك
جاتني هديتك
قلبا وافي و لي أمين
اتهامسنا :
- يا مريودة
- يا موعود
- يا معشوقة
- سيد الناس
يا أنبل شاعر
- أميرة شعري
وكل كلام منظوم وحنين.
وبقيت مشدود
بين الفعل الكامن في التجويف
والضو الباهر في العينين
وبقيت مشدوه
يا مريودة
وانت بتسرحي في جواي
موال وغنا
مسدار الريدة المابتقال
يمتد يطول
كل ما الليل النافر يطول
والغربة سنين
جيتيني
يا عز البهجة الكاسية ربيع
جيتك انا
شايله هواك
في العينين
جيتي وشايلة ربيع الدنيا الحالم
بين ايديك
جيتك وشايل كل الشوق
في كلمة تلائم ( موعود بيك)
وكانت مطرة
وضحكة زهرة
وغيمة ملانة محنة وشايلة
الفال الباسم
من خديك
غيمة
بتكتب
نقطة ونقطة
وكل ما تكتب نقطة بحسك
همسة بتصرخ وتنده ليك.
ما تلاقينا مجرد صدفة
كان في الغيب- الفيه الخاطر
سادر وهايم-
قلبي وقلبك متمازجين
وكل حروف متبعثرة جوة تطن
وتزن
مليانة انين
بتحكي الرؤيا الوعد القادم
عن اتنين
بيناتهم فاصلة
ورحلة طويلة بين كونين
كلمة نبوءة
وشوقا ساكن في عينين،
والوجدان
مشحون بي رسمك
في الياف العصب النزفت وجدا ليك.
شفتك
لمن جينا ،حداه النيل ،
وكانت لقيا
عند القيف الفيه الليل
متوسد حلمهُ،
ومن القمر الباسم بين نجمين
جاك متسلسل
زي شلال ما ليه مثيل
القاَ باهرعمد قلبي وقلبك ،
بين ايديا حرير يديك
دخلنا الموية الصافية وطاهرة
ومن تكوينها هديتك تاج
من تكوينك
جاتني هديتك
قلبا وافي و لي أمين
اتهامسنا :
- يا مريودة
- يا موعود
- يا معشوقة
- سيد الناس
يا أنبل شاعر
- أميرة شعري
وكل كلام منظوم وحنين.
وبقيت مشدود
بين الفعل الكامن في التجويف
والضو الباهر في العينين
وبقيت مشدوه
يا مريودة
وانت بتسرحي في جواي
موال وغنا
مسدار الريدة المابتقال
يمتد يطول
كل ما الليل النافر يطول
والغربة سنين
جيتيني
يا عز البهجة الكاسية ربيع
جيتك انا
شايله هواك
في العينين
