تويت
الدكتور محمد حسن «إتناغمنا»
تــنـاغــمـــنـــا
إتناغمنا
وكانت آخر نجمة تودع باقي الليل
قلنا كلام مرسوم بي خيط النور
وكان مشهادنا
نسمة صبحا زي الفال
وموجة تداعب قيف النيل
كانت لحظة
زي ميلاد الكلمة..
لما العاشق
يغازل معنى مدكن جوة الجوف
تتراوح حملا هد الحيل .
واتوكلت
صابر جوة السفر الما معروف
كيف اتكور
او
لي وين بيودي مسارو
وانت معاي
ايقونة صبري
وحاجة تهدي القلق الويل
آه من غربة
سرقت حبة فرحة دخرتها ليك
فقدت دروب الرجعة
وكل آمال نديانة وحالمة
لا ليك بتودي قصايدي الهايمة
ولا بتجيبك غيمة تبلل
شوقي الشلته
وكان عينيك يا الغالية دليل
وآه من آهة معطنة شوق
لا انداحت ليك قصيدة
لاجواي سكت الدوبيت
وفقدت ملامح حرفا
ليك بيميل
آه من بسمك لما يغازل شبق الشوق
البين عيني
وارحل جوة عوالم
من اوصافك
لون الالفة المابتقال ،
سحر اللهج الطاعم وحاني
همس الكلمة ولمحة حسنك
الماخد عقلي .
وافتح باب لي شوقا
عربد جوة البال
بين يدينا
كم بتبرعم ريدنا ويكبر
ونحن نغني
(يا ميطيرة
صبي الريدة
في عينينا
يا ميطيرة
وتضحك لينا غمامة خجولة
وبين انداها حنان موسوم
وليك بغني
آه من ريدك
عطر كل انفاسي
وخلا وريدي ليك ينثال
إتناغمنا
وكانت آخر نجمة تودع باقي الليل
قلنا كلام مرسوم بي خيط النور
وكان مشهادنا
نسمة صبحا زي الفال
وموجة تداعب قيف النيل
كانت لحظة
زي ميلاد الكلمة..
لما العاشق
يغازل معنى مدكن جوة الجوف
تتراوح حملا هد الحيل .
واتوكلت
صابر جوة السفر الما معروف
كيف اتكور
او
لي وين بيودي مسارو
وانت معاي
ايقونة صبري
وحاجة تهدي القلق الويل
آه من غربة
سرقت حبة فرحة دخرتها ليك
فقدت دروب الرجعة
وكل آمال نديانة وحالمة
لا ليك بتودي قصايدي الهايمة
ولا بتجيبك غيمة تبلل
شوقي الشلته
وكان عينيك يا الغالية دليل
وآه من آهة معطنة شوق
لا انداحت ليك قصيدة
لاجواي سكت الدوبيت
وفقدت ملامح حرفا
ليك بيميل
آه من بسمك لما يغازل شبق الشوق
البين عيني
وارحل جوة عوالم
من اوصافك
لون الالفة المابتقال ،
سحر اللهج الطاعم وحاني
همس الكلمة ولمحة حسنك
الماخد عقلي .
وافتح باب لي شوقا
عربد جوة البال
بين يدينا
كم بتبرعم ريدنا ويكبر
ونحن نغني
(يا ميطيرة
صبي الريدة
في عينينا
يا ميطيرة
وتضحك لينا غمامة خجولة
وبين انداها حنان موسوم
وليك بغني
آه من ريدك
عطر كل انفاسي
وخلا وريدي ليك ينثال
