تويت
الدكتور محمد حسن «لما أشتاق ليك شديد»
مدخل
لما اشتاق ليك شديد
وارتحل بين الطيوف
حامل بدايات القصيد
والقى اني ما لقيتك
كم بزيد
شوقي الاكيد
واشتهيك
وافترض صورتك كمال
وافترض واقع حقيقي
وارتجيك
لما ينشق الستار
وينبهر
فيني الترقب
في بواتق انبهار
تبقى صورتك هي الحقيقة
والوجود
محض افتراض)
اندياح :
بِيْكِ بكُوْن طَعْم الإِحْسَاس
والْرُؤْيَة تْكُوْن بِِيْ أَجْمَل لُوْن
و لَسْع الرَّعْشَة حَنِيْن مَجْنُون
وابقي أسيرك
واسرح فيك شجون وظنون
وارحل
ويرحل فيني الخاطر
اعرف انك أجمل كون
شيلي معاي الفال ونغني
للغيمات الصابة هتون
للجنيات السدرو عشانك
زانو الدنيا جمال وفنون
اصلو عيونك للصايمين
أو زارو البيت
هي العيدين
واجمل منها ما في عيون
لمن شفتك
وكان العالم لحظة دهشة
بقيت معيون
جابوا الفقرا
وعزموا
وتمتوا كل تعاويذ الممسوس
وماعارفين
إني الممكون
بي رعشة ريدك
وجوه ضلوعي أنين ولحون
اقوال اهواك؟
وعشقك فات حد الأوصاف
دي مفردة ما اتقالت لي مجنون
أقول أهواك
والفيني اكيد ومضاعف
والفيني يا حليوة
وحاتك
بعض فتون
اقول اهواك
وبحت هواك
لازمت الصي
زي قيس مجنون
لما اشتاق ليك شديد
وارتحل بين الطيوف
حامل بدايات القصيد
والقى اني ما لقيتك
كم بزيد
شوقي الاكيد
واشتهيك
وافترض صورتك كمال
وافترض واقع حقيقي
وارتجيك
لما ينشق الستار
وينبهر
فيني الترقب
في بواتق انبهار
تبقى صورتك هي الحقيقة
والوجود
محض افتراض)
اندياح :
بِيْكِ بكُوْن طَعْم الإِحْسَاس
والْرُؤْيَة تْكُوْن بِِيْ أَجْمَل لُوْن
و لَسْع الرَّعْشَة حَنِيْن مَجْنُون
وابقي أسيرك
واسرح فيك شجون وظنون
وارحل
ويرحل فيني الخاطر
اعرف انك أجمل كون
شيلي معاي الفال ونغني
للغيمات الصابة هتون
للجنيات السدرو عشانك
زانو الدنيا جمال وفنون
اصلو عيونك للصايمين
أو زارو البيت
هي العيدين
واجمل منها ما في عيون
لمن شفتك
وكان العالم لحظة دهشة
بقيت معيون
جابوا الفقرا
وعزموا
وتمتوا كل تعاويذ الممسوس
وماعارفين
إني الممكون
بي رعشة ريدك
وجوه ضلوعي أنين ولحون
اقوال اهواك؟
وعشقك فات حد الأوصاف
دي مفردة ما اتقالت لي مجنون
أقول أهواك
والفيني اكيد ومضاعف
والفيني يا حليوة
وحاتك
بعض فتون
اقول اهواك
وبحت هواك
لازمت الصي
زي قيس مجنون
