تويت
صلاح أحمد إبراهيم «يا قلبى دق..لكن بشيش»
يا قلبى دق..لكن بشيش
من ديم مدينة ..و ديم عرب.. و ديم أب حشيش
للمينا ..لي رامونا ..او من أربعات لتراب هدل
و من انقوياي ميل جاي.. و شيل عند الأصيل لمصفى شل
بالله هل ؟؟
شفت الورد في باقة ماشي وفي شفافيو بيندي طل
او لمحة من شباك اطل
شباكو شيش
يا قلبي دق لكن بشيش
لا ينفضح للناس هواك
قول ليه ناشدك من هناك
شايلني ليك براق شلع عبادي
شققني الاراك
دوخ شذاه الفجري من الاتبراوي
لحد جبيت
وقفني فوق جبل اركويت
قال لي دير عينيك تحت
شوف السما النزلت
وعامت في البحر
خذ ليك نفس املأ
شعاب رئتيك بشر
واسجد وطوف من بيت لبيت
تلقى الامل بالفرحة قوم ليهو ريش
اهدي الجواهر والحرير
بنت الامير
شقيانة في الحر لابسة خيش
نقرش قليبك بس بشيش
كم فيهو قاطع ليك وتر
قل للملاك وقتين سفر
سيد مهجتي الما ساد سواك
جاييك اموت مرتاح حداك
سميهو حب، سميهو جن ، سميهو طيش
اموت وتسلم لينا يا غالي و تعيش
اموت لبسمة تضوي في الثغر الجميل
زي نيل تبهرج بالقمر
الرملة و القيف و الشدر
ليلك طويل بالغربة جاريها السهر
ما نسيت مواثيقنا القبيل
اصدح بفرحتنا القلوب تصدح معاك
و اموت وفي شفتي غناك
قرقورة لاصقة على الحجر
عصفورة ضاميها الوكر
مطمورة فضت ليها عيش
شبورة نازلة على الاراك
شبورة نازلة على الحشيش
و يا قلبي دق، لكن.. بشيش
من ديم مدينة ..و ديم عرب.. و ديم أب حشيش
للمينا ..لي رامونا ..او من أربعات لتراب هدل
و من انقوياي ميل جاي.. و شيل عند الأصيل لمصفى شل
بالله هل ؟؟
شفت الورد في باقة ماشي وفي شفافيو بيندي طل
او لمحة من شباك اطل
شباكو شيش
يا قلبي دق لكن بشيش
لا ينفضح للناس هواك
قول ليه ناشدك من هناك
شايلني ليك براق شلع عبادي
شققني الاراك
دوخ شذاه الفجري من الاتبراوي
لحد جبيت
وقفني فوق جبل اركويت
قال لي دير عينيك تحت
شوف السما النزلت
وعامت في البحر
خذ ليك نفس املأ
شعاب رئتيك بشر
واسجد وطوف من بيت لبيت
تلقى الامل بالفرحة قوم ليهو ريش
اهدي الجواهر والحرير
بنت الامير
شقيانة في الحر لابسة خيش
نقرش قليبك بس بشيش
كم فيهو قاطع ليك وتر
قل للملاك وقتين سفر
سيد مهجتي الما ساد سواك
جاييك اموت مرتاح حداك
سميهو حب، سميهو جن ، سميهو طيش
اموت وتسلم لينا يا غالي و تعيش
اموت لبسمة تضوي في الثغر الجميل
زي نيل تبهرج بالقمر
الرملة و القيف و الشدر
ليلك طويل بالغربة جاريها السهر
ما نسيت مواثيقنا القبيل
اصدح بفرحتنا القلوب تصدح معاك
و اموت وفي شفتي غناك
قرقورة لاصقة على الحجر
عصفورة ضاميها الوكر
مطمورة فضت ليها عيش
شبورة نازلة على الاراك
شبورة نازلة على الحشيش
و يا قلبي دق، لكن.. بشيش