عبدالله محمد عبدالله لفيف «ضفاف النيل»

ضفاف النيل
20/6/2006م

كَفاك مُكرَك كِتِر تَرْخِي وتَشِدّي
وسَفِينْتِك عابْرة وين لينا بتَودّي

بَدور وادي العَروس وراَكب التّحدي
مُرور بالحَافلة وزَمَن الرّاحة أقَضي

أشُوف شَجَر النّخيل ورُطَبُو المُنَدّي
ضِفاف النّيل وخُضْره ولونا وَرْدي

امِشْ بالرّاحة يا الشَبّاح وهَدِّي
عَلَيْ ألَم السَّفَر زائِد تَرَدّي

المَتَمّة أمْشيلا بالبَنْطون واعَدّي
مَسْقط راس أبُويَ وثُمّ جِدِّي

أزور أهَلي وأشُوفُن فَردي فردي
وفي قيف البَحَر يا نفسي تَرْدي

وبالشّقَا والعَذاب بَمْلا وبَفَضّي
دُموع الشّوق سَرَف بَالاّهُو خَدّي

حِليل المَأ بِشِيل القُول يَوَدّي
رَزين وأدِيب مُهَذّب وطَبْعو هَادي ودّي

إن هاج الغَضَب دايماً يَهدّي
وقلبَك بِي أدَبَ وإحْسَان يَرَضّي

شُرور ما عِندو للهفوات يعدّي
يَسَامْحَك دُنيا وأخرى وقلْبوا راضِي

مُناي في شَنْدي والمَطْلوب مُرادي
سُكون شَنْدي المُراهٍقْ في فٌؤادي

شَرف شَنْدي السَّكَن قَلب البَوادي
والقُرى والمُدن ما خَلاّ وادي