عبدالله محمد عبدالله لفيف «شارع التحدي»

شارع التحدي
4/6/2005م

بَزورك مَهْما كُنْت أسير ومَا بَنْساك نَهْر النّيل

يوم أحْلامنا تَصْبح خير بي شَارع التّحَدي عَديل

المُتْحدّي كُل الجيل وفي سُوداّنا وزَنُو قَليل

خاتّي العَوْلمَة وتَجْميل ومُو في مَكتب التّحْصيل

الموت مِن عّذابو أخْيَر تيلاد المَتمّة أصيل

اسْمك ما بَجيبو تَقيل تَقيل جَبل الكُحل في الشّيل

الجُود والكَرم تَأصيل تاريخ من جُدودنا قِبيل

معروف بالنسل في الخيل وفي باري الشواطي نخيل

بشُوفَك في المَنام بالليل بَشَاهِد عَجْوة القَنْديل

بَشُوف عرْجونا فيها بَميل صَواريخ مِنّو جِني عَديل

إن جَاك في مَشيهو وحيل يروعك لا عَقل لا حيل

قاصر مِنّك التّعْبير جَواهر ولا مَفطوم رِيل

هجوم مِن شَندي جَاني نَزيل عَلى واعدائي نَروح بالويل

فيكي المابَدور تَحْليل وفيك الفِي قَوامو نَحيل

الذّوق والأدَب في الجِيل كالتو بالمَوازين كيل