عبدالله محمد عبدالله لفيف «عبلوجت سقادي»

عبلوجت سقادي
14/5/2005م

بَسْمتك حَرقت فُؤادي
ونَظرَتِك زادت سُهادي

وما بتعرفي البِي مُرادي
في سَواد العِين عِلاجي

العِيون قَصَدت عِنادي
ولو ظلم حَكمتني راضِي

عُمري ضاع رَاح في البَوادي
بَحسب الوِدْيان وادي وادي

خُوفي مِن شَمت الأعَادي
وبَبْكي طُول اللّيل بَنادي

ونَغمك الحرّك زِنادي
والحَناضل المرّة زادي

الخُضرة عَبلوجَت سُقادي
وطَبْعِك العاجِبْني هَادي

نار غَرامِك سيلا بادي
ومُوقودة في داخل فُؤادي

سِتّهن وفي الرّتبة قاضي
وإنت كُوفي عَنان تَقاضي

أسْألك بي صُوت تَراضي
وسِيفك السّالاّهُو مَأضي

يسْألوني بَرٌد مَاني عَادي
فوق لَهيب النّار قٌعادي

لو يلمّوا النّاس قُصادي
ما بَعرفوا الِفي مزاجي

لا خَتمْتوا ولاني بَادي
الغَرام في الرّيدة عَادي

نحن غير نَشعر جاء غازي
ومِن حروب ألمانيا نازي

من ألم لونه الحِجازي
أنا ماشي بي الشّارع وارازي

لو صَدقت القول أنت بادي
وشِلت قلبي مَشيت بي غادي

أرحَمُوا إن بِقي ماك معادي
وخلّي ينْزل خير قُصادي

مرّة أف أم شايْلو رَادي
ومرّة كوتشينة نوادي