عبدالله محمد عبدالله لفيف «الوردة»

الوردة
27/3/2005م

ليْ ضَمير يَحْكمني لا بِنَظلِم زول ولا بَدور تظلمْني

مِن عَذابي كَفاك

زِكريات مُتمنِّي لو رَحَلتَ بعيد في الشّمال تَوصِلني

وعُمري كُلّو فِداك

الفُراق غيّرني وابْتسام الرّيد في الوِشام حَيرّني

يا ظريف ما أحلاك

لي يُوم مُتمَنّي ألقي صُوت عُصْفور في غُصونو يَغَني

يا الشّغلني هَواك

تِيهو تايِه عَنِّي كنْت وين مَهْجور يا الهَواك جَنني

بي سَعادتي لِقاك

مانِي واعِي أظنّي والنّسيم في رَوْض الجِنان كاتِلني

يالعِــزيز مَسْــــــــــــــــواك

لو تعطْفِي تَحِنّي قيس وليلى غَرامِن تَلقى قاصِر عنّي

وردة في شُبّاك

بي قَصِد مُتْعنِّي وسَهْمو داخل سُور في فؤادِي يَصَلني