تويت
يوسف محمد احمد الحداد "تراب الغربة"
تراب الغربة
احن واشتاق
علي زولاً فرقني فراق
حديثها دقاق
حنين ورقاق
تجر جرو زي حسيس الناي
وزي نغمات سلك طمبور
نقر في الليل
وزي الليل وكت نجماتو جات بي جاي
* * *
زي غنّاي وزى منّاي
وزي ناس ((ود دهتي )) للدوباي
وزي زولاً مساهر الليل
متوسد هموم الناس
وكاتلو الشوق كتل ما لاي
وزييي أنا المتلفح تراب الغربة
وشايل الدنيا كلها طيبة في جواي
كلامها حنين ينسيني الفي جوفي دفين
ويمح الماضي من ذكراي
كلامها حنين دقاق ورقاق هو بس لاكين
متل يادوب تقول تا تاي
كلامها حنين وبالحيل زين
متل امي البقالها سنين
تدور شوفتي وتفتش لي
وتسأل عني كل هداي
احن واشتاق
علي زولاً فرقني فراق
حديثها دقاق
حنين ورقاق
تجر جرو زي حسيس الناي
وزي نغمات سلك طمبور
نقر في الليل
وزي الليل وكت نجماتو جات بي جاي
* * *
زي غنّاي وزى منّاي
وزي ناس ((ود دهتي )) للدوباي
وزي زولاً مساهر الليل
متوسد هموم الناس
وكاتلو الشوق كتل ما لاي
وزييي أنا المتلفح تراب الغربة
وشايل الدنيا كلها طيبة في جواي
كلامها حنين ينسيني الفي جوفي دفين
ويمح الماضي من ذكراي
كلامها حنين دقاق ورقاق هو بس لاكين
متل يادوب تقول تا تاي
كلامها حنين وبالحيل زين
متل امي البقالها سنين
تدور شوفتي وتفتش لي
وتسأل عني كل هداي
