تويت
عبدالناصر ميرغني «بخاف عليك»
بخاف عليك
وبخاف عليك
شجر الكلام أشواكو تجرح
وردة القلب الكبير..
واسكت كتير..
واسجن معاني اتشكلت
جوة الشعور..
ترفع مقامك للسما
وتضوي نور..
واتشابي
آسراها السطور..
وينك؟
رحلت بلا وداع..
خليتي أطفال الأمل
في الحيرة مركبهم أسير..
ضايع..يدور من غير شراع..
واسأل عليك
لما الشوارع تَفْضَى
يتلفَّى فى ضلامو الليل
ويهجع..
لمن تجول النظرة
في ضلمة عوالم قاسية
تضهب في الدموع
بالحيرة ترجع
وين عيونك نجمة تضوي..
من حدود المستحيل
تطلع عوالم من قزح
نديانة تَقْطُرْ
وين كلامك طير يغرد
يستحيل سرب المواجع
غنية..أنشودة فرح
عنوان تحدي
وين خطاك إيقاعه يَهْدِي
سلام فؤادي يَهَدِّي..يرجع..
واحلم لحد الموت بلحظة
فيها تجمعنا الظروف
ترتاح إِدِيَّ
وتغفو تحضن في إيديك..
لكن بشيل الخطوة وابعد
بس لأني بخاف عليك..
وبخاف عليك
شجر الكلام أشواكو تجرح
وردة القلب الكبير..
واسكت كتير..
واسجن معاني اتشكلت
جوة الشعور..
ترفع مقامك للسما
وتضوي نور..
واتشابي
آسراها السطور..
وينك؟
رحلت بلا وداع..
خليتي أطفال الأمل
في الحيرة مركبهم أسير..
ضايع..يدور من غير شراع..
واسأل عليك
لما الشوارع تَفْضَى
يتلفَّى فى ضلامو الليل
ويهجع..
لمن تجول النظرة
في ضلمة عوالم قاسية
تضهب في الدموع
بالحيرة ترجع
وين عيونك نجمة تضوي..
من حدود المستحيل
تطلع عوالم من قزح
نديانة تَقْطُرْ
وين كلامك طير يغرد
يستحيل سرب المواجع
غنية..أنشودة فرح
عنوان تحدي
وين خطاك إيقاعه يَهْدِي
سلام فؤادي يَهَدِّي..يرجع..
واحلم لحد الموت بلحظة
فيها تجمعنا الظروف
ترتاح إِدِيَّ
وتغفو تحضن في إيديك..
لكن بشيل الخطوة وابعد
بس لأني بخاف عليك..
