تويت
الفاتح الحلاوي «لو تبسمي»
لو تبسمي
لو تبسمي ..وتسطع شموسك
تضوي ليل
تدينا .. لون
ساطع جميل .. يبقى الموجه والدليل
ينثر معاو ..أروع عطر
من ريحة الطين والطمي
فنانة ..ياخ
معروفة من زمناً طويل
ولو ترسمي
لوحة حزن لزول هزيل
واقف يتيرب في الخلا
شبعان تعب
والدنيا هلكت همتو
كل بالو في الناس الوراو
حواشتو ..طوريتو وملودو
ناس عشه ..والتومه ووليدو
وكيفن .. يأمن بس دقيقهم
ولقمة العيش التخلي
الدم يساسك في وريدهم
مافي شيء والله بإيدو
فنانه ياخ
معروفة من زمنا طويل
يا مبدعه ومتألقه
حداكي إزميلا سنين
لو تسمحي
بس جسمي
تمثال عزيزنا الفات أونطه
ومات وهم
كتلوه ..لو تتذكري
ذنبو كان كلمة صدق
لا لف يوم عمرو لا دار برم
وليك من دواخلو ..بينتمي
فنانه ياخ
معروفة من زمنا طويل
لو تمسكي القلم الهناك
و يا فاهمة بس
لو تنظميأحلى الكلام
وتسطري
أبيات شعر
عن الظروف البدلت أجمل
معالم في البلد
حاجات جميلة إتشوهت
وحاجات كمان
برضو إختفت
جملاً ..جميلة معتقة
كلمات أصيلة منمقة :
( إتفضلوا)
و ( حرم تجي )
و ( القهوه والشاي يا ولد )
فنانة ياخ
معروفة من زمنا طويل
لو تبسمي
ولو ترسمي
ولو تنظمي
لو تبسمي ..وتسطع شموسك
تضوي ليل
تدينا .. لون
ساطع جميل .. يبقى الموجه والدليل
ينثر معاو ..أروع عطر
من ريحة الطين والطمي
فنانة ..ياخ
معروفة من زمناً طويل
ولو ترسمي
لوحة حزن لزول هزيل
واقف يتيرب في الخلا
شبعان تعب
والدنيا هلكت همتو
كل بالو في الناس الوراو
حواشتو ..طوريتو وملودو
ناس عشه ..والتومه ووليدو
وكيفن .. يأمن بس دقيقهم
ولقمة العيش التخلي
الدم يساسك في وريدهم
مافي شيء والله بإيدو
فنانه ياخ
معروفة من زمنا طويل
يا مبدعه ومتألقه
حداكي إزميلا سنين
لو تسمحي
بس جسمي
تمثال عزيزنا الفات أونطه
ومات وهم
كتلوه ..لو تتذكري
ذنبو كان كلمة صدق
لا لف يوم عمرو لا دار برم
وليك من دواخلو ..بينتمي
فنانه ياخ
معروفة من زمنا طويل
لو تمسكي القلم الهناك
و يا فاهمة بس
لو تنظميأحلى الكلام
وتسطري
أبيات شعر
عن الظروف البدلت أجمل
معالم في البلد
حاجات جميلة إتشوهت
وحاجات كمان
برضو إختفت
جملاً ..جميلة معتقة
كلمات أصيلة منمقة :
( إتفضلوا)
و ( حرم تجي )
و ( القهوه والشاي يا ولد )
فنانة ياخ
معروفة من زمنا طويل
لو تبسمي
ولو ترسمي
ولو تنظمي
