تويت
محمد سفله المقل «حال الغربة»
حال الغربه
للشاعر محمد سفله المقل
كعب الزول يقاسي الغربة
مابين نوح أنين وشقى
يلقى رويحتو ودّر عمرو لا ارتاح لا مراضو لقى...
***
كم من فينا شال أحلامو
شالع بالأمل برقه
قام قاصد الريال وبهاهو
سوى الحج غته ودرقه
باع الفي المراح والمسرى
حتى الفي الإيدين مرقه
خجلان قال تقيلتي ورايا
يحفظه ربنا الخلقه
***
وفينا القام وهمل دارو
أسرتو للضياع طلقه
غرقت في الديون خلاها
مكشوف للخلق ورقه
وفينا الأم ولادو وراهو
باعت سلسله وحلقه
وشالت فوق همومه الفوقه
شوقه وفرقته وقلقه
***
الله من مرارة الغربة
من درديره من صبقة
ومن تعبا شبابنا الزاهي
أيامو النضار محقه
فيها جراحنا كل ماتبره
مانعرف شنو الفتقه
أما الروح من الشايلاهو
تمرق لو في زول نتقه
***
ويسلم فيك ياسودانا
من مسك الأض عزقه
شتت في التراب دم قلبو
بي حن الإبوه سقى
ويسلم فيك من ضاراك
شالك في العيون حدقه
ودنقر لي تقيلتك شاله
عندو أمانه ما سرقه
***
مشتاق لي تراب أوطاني
لي إحساسا لي صدقه
للبهم التصيح في مراحا
للنيل التسابو بقى
وللجدول وريد الرحمة
للعرجونة للأبقة
وللوسط الأهل بلقاها
لوكان حتى بي مرقه
***
ولي قوز الرمال والشلة
لي قعدتنا في حلقه
ولي ختف التعوسه الوالدي
قبال ماتصل طبقه
***
أعرض في البلد بي طوله
دي الماليني تب عشقه
لاخوف خيبه من الكشة
ولا قل نوم من الشفقة
أنعم فيها بالحريه
دي المن غيره مافي لقى
والمو شاد رحالو معايا
مويتو على السراب دلقه
***
لو باقيلي يوم في الدنيا
منو وتزبل الصفقة
مابندم بعد ألقاك
وأنزر روحي ليك صدقة
آخر أمنياتي بقوله
لوبيناتنا مافي لقا
إسمك خشمي لوكان مته
يبقى آخر حروف نطقه
وإسمك خشمي لوكان مته يبقى آخر حروف نطقه
للشاعر محمد سفله المقل
كعب الزول يقاسي الغربة
مابين نوح أنين وشقى
يلقى رويحتو ودّر عمرو لا ارتاح لا مراضو لقى...
***
كم من فينا شال أحلامو
شالع بالأمل برقه
قام قاصد الريال وبهاهو
سوى الحج غته ودرقه
باع الفي المراح والمسرى
حتى الفي الإيدين مرقه
خجلان قال تقيلتي ورايا
يحفظه ربنا الخلقه
***
وفينا القام وهمل دارو
أسرتو للضياع طلقه
غرقت في الديون خلاها
مكشوف للخلق ورقه
وفينا الأم ولادو وراهو
باعت سلسله وحلقه
وشالت فوق همومه الفوقه
شوقه وفرقته وقلقه
***
الله من مرارة الغربة
من درديره من صبقة
ومن تعبا شبابنا الزاهي
أيامو النضار محقه
فيها جراحنا كل ماتبره
مانعرف شنو الفتقه
أما الروح من الشايلاهو
تمرق لو في زول نتقه
***
ويسلم فيك ياسودانا
من مسك الأض عزقه
شتت في التراب دم قلبو
بي حن الإبوه سقى
ويسلم فيك من ضاراك
شالك في العيون حدقه
ودنقر لي تقيلتك شاله
عندو أمانه ما سرقه
***
مشتاق لي تراب أوطاني
لي إحساسا لي صدقه
للبهم التصيح في مراحا
للنيل التسابو بقى
وللجدول وريد الرحمة
للعرجونة للأبقة
وللوسط الأهل بلقاها
لوكان حتى بي مرقه
***
ولي قوز الرمال والشلة
لي قعدتنا في حلقه
ولي ختف التعوسه الوالدي
قبال ماتصل طبقه
***
أعرض في البلد بي طوله
دي الماليني تب عشقه
لاخوف خيبه من الكشة
ولا قل نوم من الشفقة
أنعم فيها بالحريه
دي المن غيره مافي لقى
والمو شاد رحالو معايا
مويتو على السراب دلقه
***
لو باقيلي يوم في الدنيا
منو وتزبل الصفقة
مابندم بعد ألقاك
وأنزر روحي ليك صدقة
آخر أمنياتي بقوله
لوبيناتنا مافي لقا
إسمك خشمي لوكان مته
يبقى آخر حروف نطقه
وإسمك خشمي لوكان مته يبقى آخر حروف نطقه
