تويت
نَارْ وِتْرَهَا
حَى مِن نَارْ وِتْرَهَا الحَلاَّجْ
وَحَى مِن المَقَرَّنْ بَالتِّنِى بَلاَّجْ
إذَا حَضَرت طَلْعَتَه للغَايَة ضَوَّ الدَّاجْ(1)
خَدْ سَبْعَه إجْتَلى مَافِيشْ لِزُومْ لسِرَاجْ(2)
لُونَه كَذَا القَوَارِيرْ المُمَرَّدْ ووَاجْ
ضَمِيرَه يَفُوقْ علِى الرَّبَاي ولَم يَكُ وَاجْ(2)
بَى صِنْعَه إستَحَتْ لَحَلِيلَه سَحْسَحْ لاجْ
وأجْرَى اللُّؤلؤه بَالحَدَّرُه الحَلاَّجْ
مِنْ القَدَم خَتِ سَنْتَين فِى الأرْوَاجْ
وأمْهَل مِنِّى غَرِيقا ًلَطَّمُه الأمْوَاجْ
بَشِيشْ عَينِىَّ فَاقْ الحَدَّرُه الحَلاَّجْ
غَايتُه بِهَا بُلِيتَ وغَيره مَالِى عِلاَجْ
------------------------------------------
(1) الداج: الليل المظلم
(2)سبعه : الرقم المقابل لحرف الزين فى الحروف الابجدية
(3) الرباى :أبو الدنان
***
عُودَكْ صَبْ عَدِيلْ نَافِى مِن سَلَبَانِ
تَبْرَه مَحَل مَحَل مِتْسَالْكَه خَاتِيه كَبَانِى
بِقِيتْ أنُوح وأسْهَر طَالْ عَلَى طَلَبَانِى
لَى طَمْيَه ونَشَب زَرِقْ شَمْبَانِى
تِلْيَتنْ فى الضُّرَاعْ عُنْقاً بِلاَ كَذِبَانِ
تَبْسِيمْ فَاطِرَك فَاق نَاقِعْ الألْبَانِ
مَمْزُوجْ خِدَيدَك بَى كُحُل رَبَّانِى
أمْرَد وفِيهُ هَدْلَه وتِحْتُه الفِوِيقِلْ بَانِى
تَوَفِّرْ حِلْمَها سَاعْتِى الاكُونْ نَفْسَانِى
بَى لَفْظاً مُشَانْ زَى لَفْظِى مَا مِنَافْسَانِى
تَعَوِّدْنِى سَاعَة أخْرَى وإنْ أبَيتْ رَامْسَانِى
تَذَكِّرنِى وتَصِيلْ بَى حَرْبَتَه الخَافسَانِى
مَرْدَه ومَخَرَّتَه طَال عُنْقَها وبَرَّاعَه
بِتْرُص القَدَمْ خِلاَّى مِى ضُرَاعَه
رُوحِى تَزَعزَعِتْ وأعْضَاى بَقَت مُنْرَاعَه
تَأسُّفِى عَلَى صَبْرَاً فِى تِلْكَ السَّاعَه
بَينْ صَادَينْ شَرَابِنْ والنَّسِيمْ هَبَّابْ
مِنْ الحُفْرَه سَاكِنْ فِى ضِرَىْ البَابْ
مِنْ الضُّلْ بِخِزْ مَا زَاوَرْ السَّبَّابْ
مَرْضَانْ حُبَّهِنْ قَطْ مَا وَجَد طَبَّابْ
***
عَقْلِى مَاعَقَلْ مِن بَدْرِى مَا إتْوَرَّعْتَ
السُّمْ المَكَرَّعْ بَيهُ إتْجَرَّعْتَ
مَالِى أنَا كَانْ سَخَّيتْ أو قَرَّعْتَ
مِنْ حَيثْ هُوَّ جَافِى وأنَا البَى نَارُه إتْدَرَّعْتَ
عَينِى أنَا دِى مَجْرَى الدِّمُوعْ طَشَّاهَا
مُسْعِفْ مَالِقِيتْ بَى جَلْ النَّظَر فَشَّاهَا
تَرَا هَا دِى المِغَيِّرَه حَالَتِى ورَاوْشَاهَا
هَل هَلْ مِن طِرِيتْ الحَاشَى لَم أفْشَاهَا
كتَّرت الصَّبر ونَاره بتَعلِّب فِىْ
يَبَّس أعضَاى بِطُونى زَادِن شَىْ
بِقِيت مَا بفرُز الكُمْتَه مِن الضَىْ
غَير فَضل الإِله ما أظِنِّى بَصبِح حَىْ
إتصبَّرت وإتزْمزَت ضَاق عَلى
الوُسعْ الفَسِيح أغْرِانى فُورَق لَى
زَىْ سَم الخِيَاط الدُّنْيَا ضَايقَه عَلَى
غَير فَضْل الإِله فَاتْ الفَوَات يَا ولَىْ
***
مِنْ الحَسَاسَه شُوفْ أعَضَاى كَيفْ مَنْحُولَه
أنَا قَايِلْ عِيُونِى بَى غَمْضَه مِى مَكْحُولَه
تَتْغَالَبْ فِى السَّهَر وأفْكَارِى كُلَّمَا إصْحُولَه
ألْقَاهَا الغَالْبَه هِى المَا إتْطَامَنْتَ لَى حُولَه
***
حُكْمَ البِينِى مَا بِينِنْ لَى بِلاَدِى
ومَالِى لا أحِنْ للرَّفْرَفْ العَبَّادِى
سِتَّاتْ الصِّبَا الوَادَعْتَهِنْ أوْدَادِى
غَيرِ مُهَنَّدٍ قَطَعَنْ عُرَى أكْبَادِى
إتْعَطَّانِى رِيدَه وإنْطَبَع فِى فُؤادِى
يزَاوِرْنِى عِنْد سَاعَة صَحَاى ورُقَادِى
يَا مَنْ لَيه جَانِبْ كُلُّو حِلُّوا أقْيَادِى
طَيفَ خَيَالَه لَيس أرَاه فَى العُوَّادِ
فِى المُوسِم رايتُه وزَاد فى تَهريشِى
سَرِّى الكَاتْمُه بَاح يا خُوى كِتِر هِتْرَيشِى
مِن أم ثَديا مِكَعَّب ما بَشُوف لَى دريشِى
أمْ خَد ليها صَدراً كالدِّيبَاجَ الرِّيشِى
أنْظُر فى نضَاف فَاطرَه وزُرُق شِفَتَيهُ
أدْغَس مَايِق ونَايِر خَدْ وجِيتناً فِيهُ
إن حسَّيت مِسَخِّى وإن نُمت بحلمْ بَيهُ
أبَى قَلبى الثَّبَات التُّوبه ما تَأبِيهُ
***
مَارْنَ الوَاقِدَاتْ شُوف إفْتِضَاحُو رِسَيمَه
إتَّخَذْتُه حِجَابْ مَصُون مِمَّا أخَافُو إسَيمَه
مُشْرَب بالبَيَاضْ مُتْرَف يَلالِى جِسَيمَه
زَى الإِنُّه وَضَعتْ فِى كَنَارَه قِسَيمَه
واللهِ يأم خِدُودْ نَارِكْ سَرَتْ فِى حَشَاىَ
بِقَتْ أَحَّىْ فَطُورِى وصار بُكَاىَ عَشَاىَ
فَكِيف أنَا لا أَغَنِّى عَلِى مِهَيرْة الشَّايَة
عَلَشَانْ لَيها أقْدَامْ فَتْرَانَه مِى مَشَّايَة
زِينْتَ المِنْ مَصر عَمَّ البَلَد تَنْبِيهُ
دَرْدَرْ بَى حَيَاتِى وعُمْرِى بَشْتَنَ بَيهُ
إتْلَمَّنْ جَمِيع قَالِن نَشُوف البَيهُ
دَوَاى مَوْجُود تَمَام لَكِنُّه بَاخْلِينْ بَيهُ
أطْرَبْتِى الحَزِين ثُم الخَصِيمْ كِدْتِيهُ
إذَا مَا الشَّبَاب فِى الحَارة سَكَّتيهُ
بَى لَسْعِ اللَّظَى قَلْبَ الوَلُوفْ فِتِّيهُ
فِى جَيشْ العَصُر سَيف النَّصُر شِلْتِيهُ
***
جَلاَدْ الشَّامْ نِفَيسِنْ ومِسْكَةْ أبْ مُحَّارْ(1)
ثُمَّ عَرَقْ جَسِيدِنْ فِى الهَجِيرْ الحَارْ
كُلْمَا لَىَّ هَفَّن بَبْقَى فِى إسْحَارْ
تَفْضَل رُوحِى زَى قِسْطِيرْ مَسَوَّحْ وحَارْ
أوَجَّ عَلى نَبَاتْ الخَشْخَشَه البَحْرِيِّه(2)
وأسْطِعْ خَدَّهَا غَير مَسْحَه تَنْدِى تَرِيَّه
صِرْتَ كَذَا الزِّبَيرْتُو الفُوقُو والْعَه ِتَريَّه
كَانْ فِى الدُّنْيَا حُورْ كَانْت أُمْ رِشُومْ حُورِيِّه
العَقُلْ والثَّبَاتْ أنْفَكَّ مِنُّو لِحَامِى
كَانَ عَلَىَّ لَطِفاً أتَانِى لَىَّ مُحَامِى
خَتَّ عَلَى خَنَاصْرُه قَال لَىَّ جِسْمكْ حَامِى
أحَّى يالعَافْيَه بَعدْ مَاكَانَ بَكَنِّى أرْحَامِى
هَبَّت مِن خَلِيجِ سَاعة السِّحيرَه نِسَيمَه
مَاسَ البَان تَضَاحِك زَهرَة بَان بِرْسَيمَه
لَقَد ظَهَرت غَزَاله كَرِيْمَه عَاضَّه قِسَيمَه
حَام حِمَاهَا حِمَام الرُوحْ أتَى قِسَّيمَه
عَلَشان يا عُمر مَحْبُوبتِى مِن هى طِفَيلَه
فِى الدَّورَان تَلاعِب صَدْرَها بكِفَيلَه
أسرَاهُ السِّبُوع ونَفْحَاته لَى سَاخِى لَه
رُوحِى عَليك هِى حَمَاتَك إتْ غَنِّى لَه
---------------------------------------
(1) أب محار: التمساح.
(2) أوج : أكثر لمعاناً ونضرة.
***
شِلُوخَه مَقَصَّمَاتْ أيْضاً كَمَانْ إتْدَلَّنْ
شَابِكْ رُشْرُشَه أيْضَاً كِتُوفَه اهْدَلَّنْ
ضَامْرَه وفَاقْلَه مَتْبُورَاتْ قِدُومَه الطَلَّنْ
تَصَلْ الرَّحْمَه بَيهَا عُقَدْ النَاجْ إنْحَلَّنْ
شَلْخُه سِيُوفْ دكَاكَراً فُوقْ نِحَاسْ إنْسَلَّنْ(1)
فَنَايِر الدُّغُشْ من نُورْ جَبِينِكْ كَلَّنْ
سِتَّاتْ الحُسُنْ يَا فُلاَنَه مِنِّكْ ضَلَّنْ
دَقَرَنْ عِينِنْ ذَكَرَنْ تَبَارَك وصَلَّنْ
أعْضَانَا إتْحَلْحَلَتْ أيْضاً عِقُولْنَا إخْتَلَّنْ
تِيَابْنَا مِنْ الدُّمُوعْ إتْعَطَنَّنْ وإنْبَلَّنْ
كِبَادْنَا إتْكَامْشَنْ أيْضَاً صِدُورْنَا إنْعَلَّنْ
رُوحْنَا إتْزَعْزَعَتْ هَدِيلْ بُطُونْنَا إنْشَلَّنْ
مَزْمَزْ جِسْمَهَا النَّاعِمْ مِنْ الوَتِيرْ
سَبَلْ دِيسَه الحَرِيرْ وكَحْلِى ثُمْ كَثِيرْ
طَايْلاَتْ اليَدَينْ سَالْكَاتْ مِنْ البِتِيرْ
نَاصْلاَتْ الكُتُوفْ خَلَنْ ضِهِيرُه فَتِيرْ
----------------------------------
(1)دكاكراً جمع دكرى السيف الدكرى من أشهر انواع السيوف
***
لَيلْة القَدْر كَايْنَه والجَّبِينْ مَطْرُوحْ
وبَى بُخْلَ الكَمُودْ مِنْ الجَارِح وللمَجْرُوحْ
رِزْقَ الدُّنْيَا مَا بِصْعَب لِفَدْىِ الرُّوحْ
مَا قَايل الوِصَال عِندَ البِعَرْفُه يرُوحْ
كَمْ طَرَبَتْ مِنَسِّ كَمْ فَتَّقَتْ لُو جِرُوحْ
وكَمْ خَشَّيتْ عَلَى نَاساً بِرِدُّوا الرُّوحْ
كَمْ سَلَّيتُنْ بَالمَعَنى والمَشْرُوحْ
وكَم بَى رُؤيَتَك صَار الكَدَر مَطْرُوحْ
خِلَيقْتُه مَفَدَّعَه مِيهَا الطَّوِيلَه الشُّوحْ
سَالْمَه مِن القُصُر شُوفْتِك تَرُدْ الرُّوحْ
ضَارْبَانَا بسَنِينْ فَرَق الضِّلُوعْ مَجْرُوحْ
لامُتَّ أسْتَرِيح وإنْ عِشْتَ دَاجِّى بَنُوحْ
عَالِى قَوَامَه سَالِكْ تَاوِيَاتْ نَغَمَاتُو
سَابِلْ دِيسَه نَايِرْ خَدُّو ضَوْ بَسَمَاتُو
رُمَّانْ فُوقْ دِيبَاجْ بينْ الجِدَلْ عَلَمَاتُو
قَرِيبْ للفَقْلَه أكْتَافُو وبُعَادْ حَلَمَاتُو
مَهْدُولْ والأيَادِى مَشَقْرَبَه ومَلْفُوفَه
مَحَزْحَزَه للرِّسَا نَاعْمَه وكَرِيْمَه كِفُوفَه
الأعْجَبْ بِتَتْحَجِبْ كَيفَ حَرَتُو كِفُوفَه
تَرَاهَا اللَّىْ سَوَّتْ الصِّبْرَ الصِّقِطْرى سَفُوفَه(1)
ــــــــــ
(1)الصبر: عصارة شجر مر المذاق
***
هَل تَدْرِى دى المَارْضَانَا
أرْيَل شَام شِرُوقْ مِيهَا القَرَجْ مِى ضَانَه
مِنَّا تَكَأكُؤاً ذَابَت جَمِيعْ أعْضَانَا
يَاسَهْمَ المِفَرْهِدْ نَى عَوَافِى أمْضَانَا
مَا خَاف الله فِينَا فَرَّاطْ شِلَيخَه المَاهِرْ
والمِزْمَار يَرِيعَك مَاهُو مَاجِك نَاهِرْ
الفَمْ خَاتِمْ حَوَاهُ طِيبْ وجَوَاهِرْ
المَحْض أَبْ زَرَاقْ تَبْسِيمُو نُوراً بَاهِرْ
دُمْتِ عَلى بَهَاكْ ويَدُومْ عِزِّكْ وزَهَاكْ
ويَدُومْ بِذِلْ مَجْدِكْ بَلْ نَمَاكْ وبَهَاكْ
ويَدُومْ عَقْلِكْ وعَاهُ بَى عَفْلَه مَابِسْهَاكْ
مُكْتَحِلَة العِيُونْ مِنِّك بِأَسْمُدْ هَاكْ
إنْ شَكَرُوك بِمُفْرَد حُسْنِك عَلِيكِ ظَلُومَه
كَم لَكِ غَير هَذا نَفايِلاً مَعَلُومَه
هَامَت هِمَّتَه خَافْضَه الثُّرَيَّا عِمُومَه
غَير إبْلِيس يَمِينْ مَالِقِيتْ لِى حِدَّ يلُومَه
مَا إتْقَلَّصَتْ وتَجِدْها لَيهَا بَهَامَه
مَع إنَّ الفَطَانَه مِن الكَرِيم إلْهَامَه
زِيَادَه عَن اللِّزُومْ شَى ما بِسِنْدُه إبْهَامَه
غَير مَشَّاطَتَه فَشَر اللِّ شَافْ لَها هَامَه
***
صَادَفْنِى العَصُر يَمْشِى الرَّتَلْ فِى سِهَيلَه
هَذِى مُنْيتِى الطُولْ عُمْرى مِتْشَهِّيلَه
مَسَكْ كَرَكُونْ سِلاَح وَقَفْ زِنْهَارْ سَاهِي لَه
أطْرَبْنِى وشَرَحْ صِدْرِى وزَادْ لو ضِهَيلَه
مَخْرُوتْ ومَهَّدْل دُوفُو حَاجَه رَفَيْعَه
لَوِيْناً إنْ دَرَجْ يَاخِلِّى فِيهُ هَبَيْعَه
حُسْناً غَير كُحُلْ لا هَسكَلِيتْ لا هَيْعَه
يَبْهِر فِى النَّظر فِى القَلْب إسْمُو لِوَيْعَه
مَحْسُون طُولَه فُوقْ لَى فَاقْلَه فِيهُ ضِوَيْعَه
سَايِل دِيسَه تِحْتَ رشَارشُو طَبَّاب العَصَا الفِى ضِلَيْعَه
لُوَنْ جَسَدُه يَفُوقْ الحَبَّبُوه فِى مِيَيْعَه
مَحْصُورْ إسْمَهَا كُلِّيه غَايتُه سُبَيْعَه
إزْدَادْ عَلىِّ شُعَاعْ لاتَخْمِدِيهَا نِوَيْرَه
مَسَّخْتِى عَلى بِلاَدِى ثُمَّ كُلَّ دِوَيلَه
---------------------------
164 سبيعه:
ضَامرَه مَتَبَّرَه بَلْ عُودَه خَاتِى زِوَيْرَه
الحَيَا فِيهَا فَاعِلْ فِعْلَه سَاهِا عِوَيْرَه
يَخْصِبها النَّمِير كالأحْرُف المَدْرُوجَه
كَالشمسِ ضِيَاهَا بَل مَقَامَه بِرُوجَه
شِنْ وقَفَت تَهَتِّف أردَافَه عَاطلَه دِرُوجَه
مِى رجَّاجَه ضَجْرَان جَاره مِى مَهَرُوجَه
***
أضْحت بعَد ذلك بَروزُولَه شلُوخَه
مَا بِتْطِيق نَتِل اللِّيد تَقُول مَمْلُوخَه
السَّبَب الِمَفِّتت كَبْدِتِى المَذْبُوحَه
لَفِحت الفِركَه فُوق للبِنْدِى مَاخد بُوخَه
الجَد يَازَمِيلْ كَاتْلانِى دَاعْجَاتُو
وكَم قَنَّاصاً رَاحْ فِى عَجَاجَاتُو
مُوصَيد عَسِينُ حَيشَانْ فَجَاجَاتُو
يَا خُوى أنْقَرِعْ مِينْ نَالَ دَرَجَاتُو
جَاعْلَه عَويرَه لَكن تَحْكى قَلباً دَلَّجْ
حَاوى الحَكْمَه كَامل عَقْلُه فَرْعُو العَلَّجْ
كَفَلَّو مَبَنَّى حَشَاهُ مِتَنَّى صَدْرُه العَلَّجْ
بِنُور صَادْمَاه قَدَمُه الأمْرِيكَانِى مَحَلَّجْ
مَاتَفَهَت مُتَفَّه مَانَفَتْ مَعنَاهُو
----------------------------------------
الأمريكاني: القصعة الأمريكي. محلج:
مِنْ غَير عَرْضها ماقَصْدَت وَجْه تَعْنَاهُ
نَسِيب المَا بَزُوره معَنَاه طَالعْنَاهُ
إبْلِيس مِن جَمِيع اللاَّعِنات لاعْنَاهُ
هَمَّيتْ مِنْ مدَشَّعْ خِلِّى مِى دَشَّاعَه
مَاعَمَلتْ عَمَلْ مَقْصُودَه فِيهُ إشَاعَه
سِتْ رِضَا سِتْ تَوَاضُعْ سِتْ أدَبْ سِتْ طَاعَه
نَاسْ ذُوقْ نَاسْ لُطُفْ أدْنَى شَىْ فِى طِبَاعَه
***
عَلى سَهَرْ السُّقُدْ جُوه الفُؤادْ مَحْرُوقْ
إخْتَلْتْ عَضَاى صَارَتْ كَذَا المَطْرُوقْ
حَسَسْ إتْنَينْ عَلَىْ مَا أظِنِّى أصْفَى وأرُوقْ
شِبَه الفِى الأنَاقِى حَبْبُوه ومَفْرُوقْ
تَتْفَهَّقْ بَرَا الزَّرْعَ النَّتَجْ فِى السَّوقْ
وتَتْجَدَّعْ بِتِلْ وَد اللرَايَل فُوقْ
حَسَسْ إتْنَينْ عَلَىْ أظِنِّى أصْحَى وأرُوقْ
رَفَّيعْ رُشْرُشَه فَضَحْ البِسُوقْ العُوقْ
لُونُه أصْفَه مِنْ غَالِى الجَوَاهِرْ وَقْدُه
وللدُّرَّ المُنَافْ مَا فِيشْ مِثُالُه لِفَقْدُه
عَارِضَه فِى الظَّلاَمْ الزُّولْ يَرَاهُ بِوَقْدُه
وَاصْبَعُه مِنْ لِدَانَتُو إنْ مَا شَفَفْقَتْ تَعَقْدُه
---------------------------------------
الأناقي: جمع أنقاية وهي الجرف.
السوق : الساقيه
الغوق : الجيش أو الصف
كَفَلْ مُتْعَنَّقِلْ غَالِبَه مُوقِلْ مِنَّه يَحَنِنْ
قَدَمُو مُعَطَّلْ فِى الحُّوشْ بَطَلْ فَدَا شَىْ يَحَنِنْ
وَاحِلْ حَاتِلْ رَانِعْ كَاتِلْ ولَو مُتَفَنِنْ
تِحْتَ فَدَاهُ خُتْ يَدَاهُ حَنَانْ حَنِّنْ
***
¬قَلْبِى أنَا مَفْرِى مَفْرُومْ بَى شَرَفْ أعْلاَمَه
يَتْصَنَّعْ بِمَا إمْكِنْ يَصَحَّ مِنْ أحْلاَمَه
أمَرَتْ قَطْعَه وجَزْمَه يَا حَمَدْ عَلِى لاَمَه
وبِلَومٍ غَيرِ لُومْ عُقُبْ المِتَرْكِشْ لاَمَه
نَجْلَه ومَحَوَّرَه وسَحِيَّه عَينَه كَحِيلَه
عَالْيَة رَطِيبَة لَكِنْ فَاتْرَة مَالَهَا حِيلَه
بَاهِى صِدَيرَة قَد كَانْ فِى حَشَاهَا نَحِيلَه
مِنْ أرْدَافَه رَادَّه القُومَه عَاكَّه وحِيلَه
كَالرَّثَابْ مَشِيهَا البَى لُطُفْ دَرَجَانَه
رُشْرُشَه بِنْضُم السُّومِيتَه والمَرَجَانَه
رِسُومْ الرَّيدْ جَمِيعْ مَرْسُومَه فُوقْ أوْجَانَه
يَارَيتْ كَانْ بِقِيتْ عَنْبَر بَطُنْ فُنْجَانَه
أمْرَدْ ومِنْخَتِلْ فَاقِلْ رَطِيبْ ومَخَرَّتْ
إنْ رَنَتْ النَّوَاظِرْ كَالصَّوَاعِقْ الخَرَّتْ
بَى سَيفْ اللِّحَاظْ لَىَّ كَمْ كَمْ خَرَّتْ
الفَمْ خَاتِمْ جُوَاهُ دُرْ ومَخَرَّتْ
تَارْكَه العَايلَه تَارْكَه السَّيَّه مَيهَا الحَقُودْ مِى خَاصَّه
دَوَامْ مَحْمُودَه سِيرْتِكْ فِى العَوَامْ والخَّاصَّه
فَكَيفْ أنَا لا أغَنِّى وأكُونْ أدِيبْ لَكْ خَاصَّه
مَادَامْ مِنْ قَرِيْحَتِكْ القَرَايحْ خَاصَّه
***
مُدَّة مَانِى مَظْلُوم مَا أظِنْ ألْقَى
مِخَدِّرْ لُونْ النَّيَّه حَطَبْ الزَّلْقَه
شُوفْ يَاخُوى شُوفْ دَمَّاعِى كَيف مِنْزَلْقَه
كَتَحَتْ فِى لِهَاتِى النَّيَّه حَنْضَلْ سَلْقَه
تَرَا هَذَا السَّبَبْ الحَفَّظْنِى سَبْعَة قُلُمَّه
بَسَمَاتَه التَّقُولْ بَرقاً بِلُوحْ فِى ضُلُمَّه
دُوفاً فِى مَحَلاتْ فَقْلُو وضُرَاعُه هَلُمَّ
هَدْلَتْ كَتْفُو والبِشْرَه التَّزِيلْ الغُمَّه
مُزْمُزْ جِسْمَها الخَاتِى الفَكَجْ والقُوَّه
كِتَيفَه اللنْهَدَل لا فَقْلَه لا تِرْقُوه
فِى بِدَالْ النَّجَفْ يَا رَيَّا شَلْخِك ضَوَّى
-------------------------------------
الزلقه: نوع من المندل طيب الرائحه يستعمل للدخان
مِنْ عَينْ الحَسُودْ تَنْجَاهَا يَا ذُو القُوَّه
كُلَّما يَعِبِّرُوا لِى أنَا مَاش فِى المَاشْ فِيهَا
اللاَّيِمْنِى مُو ضَايِقْ لَسَعْ شَافِيهَا
إنْ تَاقَتْ تَقُولْ دِيسَه الكَبِدْ تَشْوِيهَا
دِيْمَه ودَاجَّه زُولاً مُدَّه مِسْتَشْوِيهَا
***
الكَرَوَانْ تَرَنَّمْ بَينْ خَمِيلَو ودَوحُو
خَلَّ العَاشِقِينْ بَى نَار غَرَامِنْ يِنُوحُو
لَو شَافْ الفَقِيرْ نُور خِدُودِكْ يِلُوحُو
إتْرُكْ الخَمْسَه إنْسَى كِتَابُو إجْدَعْ لُوحُو
مِنْ غِرُوبَه ولَى طِلُوعْ الفَجْرِ
تَرْجِف أعْضَاى فَضَل دَمْعِى نَازِل يَجْرِى
مَيِّتْ مِين يَلِمْ أعْضَاى ويَأخُذْ أجْرِى
سَبَبِى الرِّيقُو بَين سُبْحَان وسُورْةَ الحَجْرِ
يَا تُفَّاحْ جَنَايِنْ البَلَّحْ
أضْحَكِى خَلِّى قَلْب العَاشِقْ اللِّتْفَلَّخْ
------------------------------------
بين سبحان وسورة الحجر: سورة النحل.
***
غَرَامِك عَوارِض لابِس مُدَرَّعَاتْ ومُسَلَّحْ
والقَلْب الخَرَبْتِيهُو يَخَرْبُو مَابِتْصَلَّحْ
***
مَخْرُوتْ المِلُوكْ المَا عَقَّبُوا لِك عَارِضْ
مَسْجُون عُمْرَ أفَنْدِى الفُوقَه مَحْرِتْ عَارِضْ
أتِبْ للقُومَه أرُدْ أنَا لَى رَفِيقِى مِعَارِضْ
الله يَعَارِضْ المِنِّكْ بِقَى لَى مَعَارِضْ
كَمْ شَقَّيتْ دُهَمْ تِحْتَ الهَبُوبْ والعَارِضْ
كَمْ جَالَدْ كَمِيتْ فَكَتْ يَمِينِى العَارِضْ
مَا بَخْشَى الألَمْ والبَى مَحَبَّتُه عَارِضْ
كَيفَ أجْبَن وأنَا السَّامِع حَدِيثْ أُم عَارِضْ
بَحْبُوح عُنْقَهَا طَال رَخْرُوخْ ولُو مِتْفَتِّلْ
مُخْلِص كُلُّه خَالِصْ رَطِبْ رَطِيبْ ومِرَتِّلْ
رَوَّعْ رُوعِى حِسُّو المُو النَّشِيطْ ومِتَلْتِلْ
الله يَتْلْتِلْ المِنِّكْ بَقَى لِى مِتَلْتِل
***
نَشِيطاً فَقَط بَى زَازَه مَا بتَرْجَانَا
ألَذَّ مِنْ البَسِطْ تَكُدُّرَه وحَرَجَانَه
العَجَب العَجِيبْ إنْ سِمِعْ هَرَجَانَه
فِيهُ تِبِرْطِمَه أسْنَاها البِرُوقْ بَرَقَانَه
أدِيبَه نِوَيعْمَه مَاعَمَلتْ خَطِيَّه وهَمَّتْ
أمِينَه عَلى الخَزَايِنْ حَيثْ بَآمَنَه اتْسَمَّتْ
شِرُوطْ الظُرُفْ قَارْيَاهَا خَتَمَتْ وتَمَّتْ
تَرَى زَى اللَّبَيقْ جِسَيمُه مَاهُو مَعَمَّتْ
حَرَكَاتَه وحَزَازَاتَه العِجَابْ فِى الله
إذَا نِعْسَت أمْرَها وتُقَاهَا خَوفَ الله
عَقْلَها وَاعِى وَافِرْ رَجِيحْ فِى الله
إذَا غَضِبَتْ فِى الوَاجِبْ النَّاس تَظِنَّه فَلاَهِى
بَارْعَة وبَاهْيَة بَاسْطَة يَدَاهَا بَاسْمَه وبَاذْلَه
صَايْنَه وصَادْقَه صَامْتَه ِمن الكِلَيمَه الهَازْلَه
زَيْنَه ودَيْنَه فَاعْلَه كَما قَالَتَ الرِّسَالَه النَّازْلَه
أسْأل مِن جُودَه ضِيُوفْ الفَرِيقْ النَّازْلَه
***
مَابَسْمَع كَلاَمْ هُدَّايْ
بِقِيتْ أشُوف البِهْدُونِى هُم أعْدَاىْ
دَغْسَاتْ العِيُونْ سَافِلْ وايد أسَسَاىْ
شَغَلَنْ فِكْرِى بَالمَرَّه وبِقِيتْ نَسَّاىْ
آيِسْ مِن عَمَار عَامِر تَخرْبُو يَدَاىْ
وأزْمَنْ قَلْبِى عِنْد الحَاجِبِنْ نَدَّاىْ
النَّاسْ نَائمَه وأنَا نَجْم الهِجُوعْ جُلَسَاىْ
بِقَى بَابُورِى فِى لُجَجْ الغَرَامْ رَسَّاىْ
مَولاىِ فِى للجَّمال أعَطَاها فُوق لَرُضَاهَا
مِن نَاعم الحَرِير يا خُوى جَعَل أعْضَاهَا
تَتْطَّبق إذَا رَتَعَتْ عَلى بِعَضَاهَا
تَفْرُم جُوف صَدِيقَه على كِبُود بُغُضَاهَا
جَمَال النَّابِهِين لجَمَاله قَط مَا ضَاهَى
عَيْنَاها الرَّنَت وتَرَيَّضَت بِفَضَاهَا
رَيِده شَوَى الجِّسُوم وعظَامى قَد رَضَّاهَا
بُلَيت بِحُبَّها مَولاى لِغَيرى قَضَاهَا
***
بَاهِى وَرِيدَه عَالِى صِدَيرَه فَاقْلَه رَقِيقَة
تَمْشِى مِنْ التَّرَفْ فِى كُلَّ ثَانْيَه دَقِيقْه
وهَذَا مِنْ الطَّبِعْ مَا أتْصَنعَتْلُو حَقِيقَه
مِقْدَارْ ثَانْيَه فِيهَا الحِنَّه تَبْقَى عَقَيقَه
جَاهِلْ أمْرَهَا يلُومَه التَّفُوحْ مِسْكَاتَه
لَكِنْ لَيهَا أوْجَهْ حَاضْنَه فُوقْ مِسْكَاتَه
مَابتَعَرِفْ تَرَاوْدَ العَوَّه غَير بَى سُكَاتَه
مِنْ عَوَج الأهَلْ تَتْسَلَّى بَى سِكَيسْكَاتَه
إنْ شُفْتَها غَافْيَه أوجَالْسَه يُومْ فِى بَرَاحَه
كُلَّنَا نِحْنَ دِيلْ إسْبُوعْ تَجِدْنَا فَرَاحَى
مِنْ أُمْ نَظَراً مَحَوَّرْ مَا بَشُوفْ لَى رَاحَه
حُبَّهَا فِىَّ ثَابِتْ زَى الخُطُوطْ فِى الرَّاحَه
يَا أهْل العِلِمْ يَا مَنْ لَدَيهُ قَرِيحَه
لاخَمْر لاجَلاَد لا مِسِكْ لا رِيحَه
مِنْ صَافِى العَرَقْ لَو أتَتْكُمْ رِيحَه
تَشْفِى لكُل عَلِيلْ حَتَّى الكَبِدْتُه قَرِيحَه
الأدَبْ الرَّفِيعْ دَارْسَاهُ بَدْرِى دِرَاسَه
----------------------------------------------
سكيسكاته: تصغير سكسك نوع من الحلى تتحلى به الحسان.
والذُّوقْ والظُّرُف مِنْ أُمَّهَاتَه وِاَرثَه
قَطْ مَافِيهَا لُومْ مَا بِتَعِيبْ يَانَاسَه
إلاَّ مَعَاىَ دَايْماً لَىَّ قُوَّةْ رَاسَه
***
شَبَه الفِى العَفَا بِرْعَى العَسَن فِى بِطَينَه
رَخْرُوخْ نَىْ مَخَصَّل لا فَكَج لا بِطَينهْ
يَفُوق القَام مِوَرشِل فِى عَزِيزْ الطِّينَه
زَى رِيحَة الدِّعَاشْ عَرَقاً تِحْتَ إبْطِينَه
إرَم مَسْكَنَه الفَاتْرَه وظِلاَلَه رَهِينَه
غَرْغَرَتْ غَبْقَرِينَه تَشَفَّعَتْ بَى هِينَه
قِلَيبَه وَجِلْ هَمِيمْ لَكِن إنْ دَعُوها مَهِينَه
تَتْبَخْتَر عَلى قِدَيمَه الكَأنُّه دِهَينَه
بَى رَمَّاىْ كلامِكْ غَايَه بِتْبُسْطِينَا
عَلِشَان لَهْجِك يَفُوقْ العَجْوَه فِى سِبْطَينَا
شُوفْ عِتَابَه دَاك التَّنْبهِلُّه وبِالدِّمُوعْ عِطِّينَه
وبُرْعِيمْ بُرطُمَه الشَّانَّاهُ بَى طِنْطَينَه
عَزْبَه فِى غُصنِ بَان وجِسَيمَه خَاتِى لِحَينَه
جَالسَه على نِطَيعْ يُمْنَاهَا خَاتَّه صِحَينَه
-----------------------------------------
العفا: الارض الواسعه (الخلاء)، بطينه :تصغير بطانه، العسن:العشب (القش الحشيش)
فكج: حدبه، بطينه: تصغير بطن
إرم: إرم ذات العماد (مدينه شديد بن عماد)
غرغرت : تغرغرت العين تردد فيها الدمع ولم يجر، الغبقرين:طرف العين
برعيم برطمه: تدلى شفتها السفله من الغضب
عذبه: العذب الفرع اللين الذى يربط بين الفرع الاصلى والصفقه
نَبَّهَا فَيَّنَا وتَمَايَسَتْ مِن حِينَه
مَاحَت خُبِّيتْ نِحْنَ أصْحَبتنَا مِحَينَه
مِن السَّاعَة دِيك يا افَنْدِى مَا صَحَّينَا
عَقُلْنَا وَاعِى دِيمَه شِنْ نُمْنَا وإن أصْحَينَا
زَفِيرْ النَّار يَوجْ فِى صِدُورْنَا إنْ وَحَّينَا
أيشْ حِيلَتْنَا غَير يَا خِلِّى عَرِك رِحِينَا
النَّادْرَة الدَّحِينْ بِقَتْ فِى فَكِينَا
تَرَكْ دَرْسُه وأسَاسُه دَحِينْ بِقَى يَحَاكِينَا
يَنْسَخْ نُونُو إطْرَى حَوَاجِبَه بَبَاكِينَا
صَارَ هُدَانَا مِنْ يُومُو الكَرَع زَاكِينَا
يَاجِدُودَه الرَّسُول كَوْنُوا لَه مُنْتَبِهينَا
حِمْيتَكُم إذا رُمْيتَ تَشِيلَه فِى هِينَه
ضَامْرَه مَتَبَّرَه الكَف كَنَسْجِ وَهِينَه
بِت الضِّرْغَمِى الآمِرنَا والنَّاهِينَا
يَا البَنُّوتْ مَتَى مَا يَقُومْ لَبِيبْ بَسَكِينَه
غَرَسْتَنْ فِيهُ وحَّه مَا بتَقَيهُ الكِينَا
المَرْعُوبَه رَاعِبًه سَاحِيَه ومِسْكِينَه
لَيهَا عِيُونْ شَرَايِر ولحَظةً سِكِّينَه
--------------------------------------
نطيع : تصغير نطع وهو سجاد يصنع من سعف النخيل فى شكل دائرى مثقوب فى نصفه يوضع على حفرة الدخان.
فينا :ظلنا الفى : الظل
وهينه: ضعيفة، يقصد بالوهينه العنكبوت لوهن ما تنسجه شبه به كف المحبوبه
***
لا واللهِ مِى تَفَّاهَة مِى هَزَّالَه
مَابِتْرَد كَدَرْ مِن فَاهَا كَلْمَة رَزَالَه
ثَابْتَه ورَانْعَه فِى مَيَادِينْ الكَمَال لازَالَ
قَرِينُهَا مُسْلِماً عَافَّه أُمْ عِرُوضْ بَذَّالَه
لَهَا للجَار حَنَانْ ولَى أذَاهُ تَحَمُّلْ
لَهَا رَأفَة وخِشُوعْ ورَزَانَةً بِتَكَمُّلْ
لَهَا للضَّرْ صَبُر فِى العَاقْبَة لَيهَا تَأمُّلْ
زَايْنَة بِبَذْلِهَا وتُقَاهَا زَادَه تَجَمُّلْ
دُمْتِ عَلى بَهَاكْ ويَدُومْ عِزِّكْ وزَهَاكْ
ويَدُومْ بِذِلْ مَجْدِكْ بَلْ نَمَاكْ وبَهَاكْ
ويَدُومْ عَقْلِكْ وعَاهُ بَى غَفْلَه مَا بِسْهَاكْ
مُكْتَحِلَة العِيُونْ مِنْكِ بِأَسْمُدْ هَاكْ
لا واللهِ مِى عَاتَابَه مِى لَوَّامَه
بِبِرْ الرَّحْمَة للجَار أُمْ عِرُوضْ حَوَّامَه
مَا شَانَتْ حَبِيبْ لَى حِجَّه مِى قَوَّامَه
صَانْتَه صَبُورَه صَفُوحَة صَلاَّيَه وكَمَان صَوَّامَه
لَينَه ونَيَّه مَايِحَاتْ أعْطَافِكْ
تَايْعَة ومَايْعَة خَلْبُوسَه وضَامِر هَافِكْ
يَا الرَّخْرُوخَه أكْتَافِك هُدُلْ لانْصَافِكْ
يَا بِتِّى كَيفِنْ طَايْقَة حَمْل أرْدَافِكْ
زَاهِر وِجْهُو زَاحِم دِيسُو ثَغْرُه مَفَلَّجْ
نَاعِسْ طَرْفُه أنْفُه صَقِيلْ ورِيدُه العَلَّجْ
غَيرَ تَرَاقِى نَاصْلَة أكْتَافُه كَاعْبُه مَدَمْلَجْ
كَاسْبَ الصَّحَّة غُوفْ جِسْمُه الكَأنُّو مَتَلَّجْ
***
مَفْلُولْ النِّغَيمْ زَىْ إنُّو فِيهُ عِقَيدَه
مَصْوُب الأنَامِلْ نَاعْمَة خَاتْيَه عِقَيدَه
أرِيدُو وَرِيدَه بَاهِى تَخَافْ يَعِيقُو عِقَيدَه
تَمِيسْ وخُطَوُطَه بَطْأه تَرْنَعْ وقَاصِرْ قَيدَه
مُطْلَقْ وجْهَهَا للنَّاعِسَاتِ عَقِيدَه
السِّتَّة المُفَضَّحَة بَالأسَالَه وقِيدَه
فُنُقْ ضُرْمَ المَرَافِقْ عِنْدَ الرِّسَا رُقْ إيدَه
مِنْ عَينْ الحَسُودْ حَوَى مُنْشِى الصَّلاة ومُقِيدَه
الدُّرْ والمِسِكْ لعَارِضَيهَا سَجِيدَه
يَخْجِلْ كُوبَةْ السَّاقْ المَتَمَّرَه جِيدَه
السِّنْتَينْ قَنَادِيلْ والعَجَبْ تَنْجِيدَه
لا بَالصِّبْغَه بَالطَّبْعِ كُلَّهَا يَا إلَهِى نَجِيدَه
--------------------------------------------
خلبوسه: رقيقه وناعمة
كوبه الساق:كوبه من الغزاز طويل وأبيض (كباية الشب).
دَلاَلاَتْ التَّرَفْ بَعْدَ الجَّمَالْ فَخُّوهَا
مُويَه فِى مَعْلَقَة عَنْ هَيْدَاتَه مَا وَخُّوهَا
الحَيَا والتَّوَاضِعْ والحِلِمْ واخُوهَا
قَامَتَه يَا حَمَد عِجَينَهْ قَمْحَتاً لَخُّوهَا
***
إنْت الغَايه إنت البُغْيَة مَاظَه صِفَاتِك
فِى الخُلُق الجَّمِيل مَاذَكرُوا شَيئاً فَاتِك
إنتِ نِهَايَتِه زَادَت رطْبَتِك عَفَّاتِك
إنْتِ بِتَبُذِى الدُّر والمِسِك فِى شِفَاتِك
إنْت الكَمْ وكَم عَزَّنْ على وصْفَاتِك
مَاخْدَه من الكَمال يا الغَايَة فَوق كِفَايتِك
إنت عَلى المَنَيَّل لأَلأَنْ صَافَاتِك
تِحِت قُوسِين جَبِينِك بَاقَّه كَشَّافَاتِك
إنت أنْوار خِدُودِك طَافِيَات نَجْفَاتِك
كَالبَلُّور وَرِيدِك شَلخِك الوَّاجْ فَاتِك
إنْتِ نفَايْسِك فَاحَت خَفَنْ رَكفَاتِك
خِنصْيرَاتِك لُدُن وكَذاَ القَطِيفْ رَاحَاتِك
إنْتِ حَنَانِك يَزْدَادْ بَل رَافَاتِك
إنْتِ تَقِيَّه إنت نَقِيَّه كَمَريمْ إنْتِ صِفَاتِك
------------------------------------------
فخوها : فخه, لينه ورخصة.
هيداته: زميلاته الملازمات لها.
الواج: المضى المنير
ركفاتك: جمع ركفة , تميمه تصنع من جلد كديس الخلاء (أبوزباد)
***
مَخْرُوت عُودَك صَبْ للدَّمْعَة شَلْخِك وَارِدْ
زَى المِسِكْ كَرَفَانْ نَسِيمُو البَارِدْ
مَزَّقْ للقَلِب مَا بَين الشِّلُوخْ والعَارِضْ
أمْشِى الكَيْ قَبَل أدِّى الخِلُوقْ القَارِضْ
ضَهَرِك فَدْ فِتِر عُودِك مَلاَن ورَطِيبْ
عَرَق جِسْمِك يَفُوقْ الفَحَّلُوا بُو الطِّيبْ
غَيرْ نَنْظُر جَنَابَه أنْفُسْنَا مَا بِتْطِيبْ
تَبْسِيمْ فَاطْرَكْ صَدَفْ القِلُوبْ شَطَّيبْ
***
خَفَتْ الكَهْرَباء حِين الظَّلام أغْشَاهَا
صَاحب الرَّشْوَة غَير حَلِيلَه مَا أرْشَاهَا
تَلَّتْ رُوبَتَه العَمَتَتْ مَتَانِى حَشَاهَا
مِنْ يُوم الوِضُوعْ مَرْمُولَه مَى نَافْشَاهَا
بَالجَّرِحْ المُسَمَّمْ الجِسُومْ خَارْشَاهَا
بِطَرشَتْ فَارَه صَادَفَتْ الكَبِد طَارْشَاهَا
نَيَشَان بَسْمُو يَا خِلِّى القِلُوبْ خَشَاهَا
رِيشَةْ عَقْلِى مُشْ عَارِفْ مَحَل طَافْشَاهَا
بِهَذا التَّماثُلْ قَاصِر الأفْشَاهَا
أوْ فَاشَاهَا بَسكَلْ أهْلَ النَّهُو مَاشَاهَا
كَشَماتَه النَّجَفْ كَهْرَبَة البِنُوكْ فِي حَشَاهَا
فِي الحَارَة التَّلِمْ عِلَلْ الصِّدُورْ فَاشَاهَا
***
إبْقَى دَحِينْ حِبَيْبَاتِى أسْتَونْ فِي الصَّالَه
حَفَلَنْ بَى نَفَايْلاً مُنْشِى مَا حَصَّى لَه
فِي مَأوَاهَا مَوْلاى الحَمِيدَه خِصَالَه
لَطِيفَه كَذَا القَطِيفَه إلَهِى جُود بَوِصَالَه
إنْ خَتَّتْ خَنَاصِرَه عَلى خِدُودَه وحْيَاةْ رُوحَه
تَبْرِى جِرُوحْ خِلافَه لَكِن بِتَدْمِى جِرُوحَه
تَزِيلْ حَزَن الضَّمِيرْ بِوِجْنَتَه المَطْرُوحَه
عَايْبَه بِوَاحْدَه بَس لَى ضَيفَه تَتْعِب رُوحَه
إنْ جيِتْ قَاصِدَه السِّكَّه مَا تِِمَاشِيكَ
وإنْ شَاهَدَتْهَا تَلْقَى الطَّرَب حَاشِيكَ
مَقْهُورْ بَى الله عَاد أطْرِى الذِى نَاشِيكَ
عَايْبَه بِوَاحْدَه بَس كَسْلاَنَه مِيهَا وَشِيكَه
مِنَّهَا مَا بَطِيبْ وإنْ سِلِمْ مَرْقُوبْ
إلاَّ بِزُورَه مِنْها أنْجِدْنَا يَا أبْ يَعَقُوبْ
السَّاق مُعْتَدِل مِتْشَابْكَه للمَحَقُوبْ
أيْضَاً فِيهَا تِنْيَه وحَزْ بَدَلاً عَن العَرْقُ
***
نَسَّامْ الجِبَالْ جَاهِنْ نَسِيمَاً جَانِي
وِجِيهِنْ جَاهُ جِيمَاً يَجْفِي جُوه جِنَانِي
جَاهِلْ حَسْمُه جُوه جَلْجَلْ الجَلْجَلاَنِي
جَرَّعَنِي جَسَايمْ جَمْ يَا مُجِيبْ أنْجَانِي
سَارِحْ عَقْلِي نَسَامْ البُرُوقْ البَاتَنْ
وَلَعَنْ نِيرَانْ جُوفِي بَعَدْ مَا مَاتَنْ
بَرِيبْ عَاطِفْ النَقِعْ أبْ عَشَايَاً شَاتَنْ
وَا أسَفِي عَلَى أُنْس اللَّيَالِي الفَاتَنْ
حَلِيفَة العَّفَة الدَايَمَاً مُلاَزْمَة صَوَابُه
سَابْلَة القِنَاعْ الخَايْفَة مِنْ تَوَّابُه
أصْلَهَا مِنْ نَشَتْ مَا اجْتَازَتْ البَوَّابَه
مُحَالْ تَنْظُرْ حُدُودُه تَنْظُرْ اسْتِقْطَابُه
شُفْتُه بَالرَمَلْ هَبْهَبْ
حَاكِيتْ البَقُولْ هَبْهَبْ
يَا رَبْ يَا مُوهِبْ هِبْ
دُعَاشَاً يَاتِي بَالهَبْهَبْ
جِنْ جَلَنْ عِيُونْ النَّاظِرِينْ أنْجَالِنْ
جَمَعِنْ جَنْ وفَنْ جَنْ بَيهُ مِنْ زِجَالِنْ
حَوَاجِبْهِنْ زُجْ زَجَّهُ مُنْزَعْجَالِنْ
جَدَنْ فِيه جَدَاً وأنَا جَاثِي بَتَرْجَالِنْ
مِمَا فَارْقَتْ الزُّولْ السَّمِحْ بُرَاعُو
مَا حَامْ بَالفَرِيقْ جَابْ عَلالْ فِي كُرَاعُو
المَا بَدَيَه الكَرِيمْ مَا بَجِيبَه تب بِى ضُرَاعُو
وأحِي وُجُهِنْ لَوْيس إنْعَقَدْ فِي كُرَاعُو
الوَلَدْ البَكْتَرْ شِيَو لَى عَنَدْ دَيْمَه
النَّاسْ بَتْبَغَضُوا وتَكْتُرْ عَلِيُه اللَّيْمَه
وَينْ البحْرَسُوا الهَجْعَه بَعَدْ النِّيْمَه
بصِبحْ شَاكِرِنْ صَافِي وعَزِيزْ القِّيْمَه
اللَّيلَه يَا نَسِيمُه عَرَباً لَينَا جَابُوا أخْبَارُنْ
قَالَتْ لَينَا مَبْسُوطِينْ واللَّيلَه نَزَلُوا دِيَارُنْ
حَلِيلَنْ كَتِيرْ بَتَضَارُوا مِنْ لُومْ جَارُنْ
وبَعَدْ الهَجْعَه لَى ضَيْفُنْ بَوَلَّعُوا نَارُنْ
أنْتَ كَلُؤْلُؤَةْ الغَوَّاصْ كَرِيْمَة وصَافْيَة
مِنْ كُلْ الدَّنَايسْ والنَقَايضْ نَافْيَة
أنْتَ المَلِكْ هُوْلَكْ لَيهْ مَاكْ مُتْلاَفْيَة
مَزَجْ مَعْنَاكْ إِلَهَكْ حُبْ فَوَاكِة وعَافْيَة
***
عَيْنَة كَشْكِيبْ كَشَفْ ظَلاَمْنَا إِتْمَحَى
كَشَاكِيشْ مِنْ كَشَفْ قَمَرْ السُّبُوعْ الضَحَى
مُو كَشْشَانْ مَشِيهَا تَرُوحَتْ فِي لَمْحَة
زَادْ فِي جُوفِي شَكْشَكَة شُكُوكْ الرَّمْحَة
كُنْتَ عَلِمْتَ كَلاَمِي وسِرِي كَيفْ بَفْشَاهُ
كَاوِي فُؤَادِي كَيِّ كَاوِينِي كَيفْ كَوَاهُ
كَفْكَ كَمْ كَيفْ أكْفَاهُ كَي أكْفَاهُ
كُوكَابْ كَمْ كَتَلْ كَاتِلِنِي بَى كَيفَاهُ
اليَابَا البَنَاتْ حَدْ الله بَينِي وبَينُو
والمَا بَحُبَهِنْ والله نَاقِصْ دِينُو
وَدْ الأرْيَلْ الزَي الفَنَاجِينْ عينُو
لاَمْتِينْ يَا نَدِيمْ مَعَاي يَكْمَلْ زِينُو
***
مَا مَرَقَتْ بَالفَرِيقْ جَابَتْ خَبَايرْ قَالُوا
ولاَ طَلَقَتْ لِسَانْ للجَارْ مُوقْفَة حَالُه
يَا حَلَيلَة المَا بِتَنْبُشْ العَايْدَالُه
فَي لِقَا فِي عَدَمْ سِيدْ بِيْتَهَا سَتَرَتْ حَالُه
كَيفْ أتْسَاهَى مِنْ تِلْكَ الأيَادِي الطَايْلَة
لاَ وحَيَاة قَصَبَة وَضُوهُ الفُوقْ دِقُونِنْ سَايْلَة
كَانْ أسْمَعْ هَوَى نَفْسِي وأعِيسْ فِي الزَّايْلَة
إخَيَّاتِي اللِّقُوْلَنْ لَي بِسْ يَا مَايْلَة
أعْنِي الحَاشَى مَا ذَكَرَنْ خَنَا ولاَ كَنُّو
وأعْنِي الحَاشَى حَدْ الهَادِي مَا فَاتَنُّو
دَايْماً أبَدْ السِّرْ مِحَافْظَاتَنُّو
فُوْقِنْ خَالِقِنْ والشَّرْ مِنَافْضَاتَنُّو
حَى مِن نَارْ وِتْرَهَا الحَلاَّجْ
وَحَى مِن المَقَرَّنْ بَالتِّنِى بَلاَّجْ
إذَا حَضَرت طَلْعَتَه للغَايَة ضَوَّ الدَّاجْ(1)
خَدْ سَبْعَه إجْتَلى مَافِيشْ لِزُومْ لسِرَاجْ(2)
لُونَه كَذَا القَوَارِيرْ المُمَرَّدْ ووَاجْ
ضَمِيرَه يَفُوقْ علِى الرَّبَاي ولَم يَكُ وَاجْ(2)
بَى صِنْعَه إستَحَتْ لَحَلِيلَه سَحْسَحْ لاجْ
وأجْرَى اللُّؤلؤه بَالحَدَّرُه الحَلاَّجْ
مِنْ القَدَم خَتِ سَنْتَين فِى الأرْوَاجْ
وأمْهَل مِنِّى غَرِيقا ًلَطَّمُه الأمْوَاجْ
بَشِيشْ عَينِىَّ فَاقْ الحَدَّرُه الحَلاَّجْ
غَايتُه بِهَا بُلِيتَ وغَيره مَالِى عِلاَجْ
------------------------------------------
(1) الداج: الليل المظلم
(2)سبعه : الرقم المقابل لحرف الزين فى الحروف الابجدية
(3) الرباى :أبو الدنان
***
عُودَكْ صَبْ عَدِيلْ نَافِى مِن سَلَبَانِ
تَبْرَه مَحَل مَحَل مِتْسَالْكَه خَاتِيه كَبَانِى
بِقِيتْ أنُوح وأسْهَر طَالْ عَلَى طَلَبَانِى
لَى طَمْيَه ونَشَب زَرِقْ شَمْبَانِى
تِلْيَتنْ فى الضُّرَاعْ عُنْقاً بِلاَ كَذِبَانِ
تَبْسِيمْ فَاطِرَك فَاق نَاقِعْ الألْبَانِ
مَمْزُوجْ خِدَيدَك بَى كُحُل رَبَّانِى
أمْرَد وفِيهُ هَدْلَه وتِحْتُه الفِوِيقِلْ بَانِى
تَوَفِّرْ حِلْمَها سَاعْتِى الاكُونْ نَفْسَانِى
بَى لَفْظاً مُشَانْ زَى لَفْظِى مَا مِنَافْسَانِى
تَعَوِّدْنِى سَاعَة أخْرَى وإنْ أبَيتْ رَامْسَانِى
تَذَكِّرنِى وتَصِيلْ بَى حَرْبَتَه الخَافسَانِى
مَرْدَه ومَخَرَّتَه طَال عُنْقَها وبَرَّاعَه
بِتْرُص القَدَمْ خِلاَّى مِى ضُرَاعَه
رُوحِى تَزَعزَعِتْ وأعْضَاى بَقَت مُنْرَاعَه
تَأسُّفِى عَلَى صَبْرَاً فِى تِلْكَ السَّاعَه
بَينْ صَادَينْ شَرَابِنْ والنَّسِيمْ هَبَّابْ
مِنْ الحُفْرَه سَاكِنْ فِى ضِرَىْ البَابْ
مِنْ الضُّلْ بِخِزْ مَا زَاوَرْ السَّبَّابْ
مَرْضَانْ حُبَّهِنْ قَطْ مَا وَجَد طَبَّابْ
***
عَقْلِى مَاعَقَلْ مِن بَدْرِى مَا إتْوَرَّعْتَ
السُّمْ المَكَرَّعْ بَيهُ إتْجَرَّعْتَ
مَالِى أنَا كَانْ سَخَّيتْ أو قَرَّعْتَ
مِنْ حَيثْ هُوَّ جَافِى وأنَا البَى نَارُه إتْدَرَّعْتَ
عَينِى أنَا دِى مَجْرَى الدِّمُوعْ طَشَّاهَا
مُسْعِفْ مَالِقِيتْ بَى جَلْ النَّظَر فَشَّاهَا
تَرَا هَا دِى المِغَيِّرَه حَالَتِى ورَاوْشَاهَا
هَل هَلْ مِن طِرِيتْ الحَاشَى لَم أفْشَاهَا
كتَّرت الصَّبر ونَاره بتَعلِّب فِىْ
يَبَّس أعضَاى بِطُونى زَادِن شَىْ
بِقِيت مَا بفرُز الكُمْتَه مِن الضَىْ
غَير فَضل الإِله ما أظِنِّى بَصبِح حَىْ
إتصبَّرت وإتزْمزَت ضَاق عَلى
الوُسعْ الفَسِيح أغْرِانى فُورَق لَى
زَىْ سَم الخِيَاط الدُّنْيَا ضَايقَه عَلَى
غَير فَضْل الإِله فَاتْ الفَوَات يَا ولَىْ
***
مِنْ الحَسَاسَه شُوفْ أعَضَاى كَيفْ مَنْحُولَه
أنَا قَايِلْ عِيُونِى بَى غَمْضَه مِى مَكْحُولَه
تَتْغَالَبْ فِى السَّهَر وأفْكَارِى كُلَّمَا إصْحُولَه
ألْقَاهَا الغَالْبَه هِى المَا إتْطَامَنْتَ لَى حُولَه
***
حُكْمَ البِينِى مَا بِينِنْ لَى بِلاَدِى
ومَالِى لا أحِنْ للرَّفْرَفْ العَبَّادِى
سِتَّاتْ الصِّبَا الوَادَعْتَهِنْ أوْدَادِى
غَيرِ مُهَنَّدٍ قَطَعَنْ عُرَى أكْبَادِى
إتْعَطَّانِى رِيدَه وإنْطَبَع فِى فُؤادِى
يزَاوِرْنِى عِنْد سَاعَة صَحَاى ورُقَادِى
يَا مَنْ لَيه جَانِبْ كُلُّو حِلُّوا أقْيَادِى
طَيفَ خَيَالَه لَيس أرَاه فَى العُوَّادِ
فِى المُوسِم رايتُه وزَاد فى تَهريشِى
سَرِّى الكَاتْمُه بَاح يا خُوى كِتِر هِتْرَيشِى
مِن أم ثَديا مِكَعَّب ما بَشُوف لَى دريشِى
أمْ خَد ليها صَدراً كالدِّيبَاجَ الرِّيشِى
أنْظُر فى نضَاف فَاطرَه وزُرُق شِفَتَيهُ
أدْغَس مَايِق ونَايِر خَدْ وجِيتناً فِيهُ
إن حسَّيت مِسَخِّى وإن نُمت بحلمْ بَيهُ
أبَى قَلبى الثَّبَات التُّوبه ما تَأبِيهُ
***
مَارْنَ الوَاقِدَاتْ شُوف إفْتِضَاحُو رِسَيمَه
إتَّخَذْتُه حِجَابْ مَصُون مِمَّا أخَافُو إسَيمَه
مُشْرَب بالبَيَاضْ مُتْرَف يَلالِى جِسَيمَه
زَى الإِنُّه وَضَعتْ فِى كَنَارَه قِسَيمَه
واللهِ يأم خِدُودْ نَارِكْ سَرَتْ فِى حَشَاىَ
بِقَتْ أَحَّىْ فَطُورِى وصار بُكَاىَ عَشَاىَ
فَكِيف أنَا لا أَغَنِّى عَلِى مِهَيرْة الشَّايَة
عَلَشَانْ لَيها أقْدَامْ فَتْرَانَه مِى مَشَّايَة
زِينْتَ المِنْ مَصر عَمَّ البَلَد تَنْبِيهُ
دَرْدَرْ بَى حَيَاتِى وعُمْرِى بَشْتَنَ بَيهُ
إتْلَمَّنْ جَمِيع قَالِن نَشُوف البَيهُ
دَوَاى مَوْجُود تَمَام لَكِنُّه بَاخْلِينْ بَيهُ
أطْرَبْتِى الحَزِين ثُم الخَصِيمْ كِدْتِيهُ
إذَا مَا الشَّبَاب فِى الحَارة سَكَّتيهُ
بَى لَسْعِ اللَّظَى قَلْبَ الوَلُوفْ فِتِّيهُ
فِى جَيشْ العَصُر سَيف النَّصُر شِلْتِيهُ
***
جَلاَدْ الشَّامْ نِفَيسِنْ ومِسْكَةْ أبْ مُحَّارْ(1)
ثُمَّ عَرَقْ جَسِيدِنْ فِى الهَجِيرْ الحَارْ
كُلْمَا لَىَّ هَفَّن بَبْقَى فِى إسْحَارْ
تَفْضَل رُوحِى زَى قِسْطِيرْ مَسَوَّحْ وحَارْ
أوَجَّ عَلى نَبَاتْ الخَشْخَشَه البَحْرِيِّه(2)
وأسْطِعْ خَدَّهَا غَير مَسْحَه تَنْدِى تَرِيَّه
صِرْتَ كَذَا الزِّبَيرْتُو الفُوقُو والْعَه ِتَريَّه
كَانْ فِى الدُّنْيَا حُورْ كَانْت أُمْ رِشُومْ حُورِيِّه
العَقُلْ والثَّبَاتْ أنْفَكَّ مِنُّو لِحَامِى
كَانَ عَلَىَّ لَطِفاً أتَانِى لَىَّ مُحَامِى
خَتَّ عَلَى خَنَاصْرُه قَال لَىَّ جِسْمكْ حَامِى
أحَّى يالعَافْيَه بَعدْ مَاكَانَ بَكَنِّى أرْحَامِى
هَبَّت مِن خَلِيجِ سَاعة السِّحيرَه نِسَيمَه
مَاسَ البَان تَضَاحِك زَهرَة بَان بِرْسَيمَه
لَقَد ظَهَرت غَزَاله كَرِيْمَه عَاضَّه قِسَيمَه
حَام حِمَاهَا حِمَام الرُوحْ أتَى قِسَّيمَه
عَلَشان يا عُمر مَحْبُوبتِى مِن هى طِفَيلَه
فِى الدَّورَان تَلاعِب صَدْرَها بكِفَيلَه
أسرَاهُ السِّبُوع ونَفْحَاته لَى سَاخِى لَه
رُوحِى عَليك هِى حَمَاتَك إتْ غَنِّى لَه
---------------------------------------
(1) أب محار: التمساح.
(2) أوج : أكثر لمعاناً ونضرة.
***
شِلُوخَه مَقَصَّمَاتْ أيْضاً كَمَانْ إتْدَلَّنْ
شَابِكْ رُشْرُشَه أيْضَاً كِتُوفَه اهْدَلَّنْ
ضَامْرَه وفَاقْلَه مَتْبُورَاتْ قِدُومَه الطَلَّنْ
تَصَلْ الرَّحْمَه بَيهَا عُقَدْ النَاجْ إنْحَلَّنْ
شَلْخُه سِيُوفْ دكَاكَراً فُوقْ نِحَاسْ إنْسَلَّنْ(1)
فَنَايِر الدُّغُشْ من نُورْ جَبِينِكْ كَلَّنْ
سِتَّاتْ الحُسُنْ يَا فُلاَنَه مِنِّكْ ضَلَّنْ
دَقَرَنْ عِينِنْ ذَكَرَنْ تَبَارَك وصَلَّنْ
أعْضَانَا إتْحَلْحَلَتْ أيْضاً عِقُولْنَا إخْتَلَّنْ
تِيَابْنَا مِنْ الدُّمُوعْ إتْعَطَنَّنْ وإنْبَلَّنْ
كِبَادْنَا إتْكَامْشَنْ أيْضَاً صِدُورْنَا إنْعَلَّنْ
رُوحْنَا إتْزَعْزَعَتْ هَدِيلْ بُطُونْنَا إنْشَلَّنْ
مَزْمَزْ جِسْمَهَا النَّاعِمْ مِنْ الوَتِيرْ
سَبَلْ دِيسَه الحَرِيرْ وكَحْلِى ثُمْ كَثِيرْ
طَايْلاَتْ اليَدَينْ سَالْكَاتْ مِنْ البِتِيرْ
نَاصْلاَتْ الكُتُوفْ خَلَنْ ضِهِيرُه فَتِيرْ
----------------------------------
(1)دكاكراً جمع دكرى السيف الدكرى من أشهر انواع السيوف
***
لَيلْة القَدْر كَايْنَه والجَّبِينْ مَطْرُوحْ
وبَى بُخْلَ الكَمُودْ مِنْ الجَارِح وللمَجْرُوحْ
رِزْقَ الدُّنْيَا مَا بِصْعَب لِفَدْىِ الرُّوحْ
مَا قَايل الوِصَال عِندَ البِعَرْفُه يرُوحْ
كَمْ طَرَبَتْ مِنَسِّ كَمْ فَتَّقَتْ لُو جِرُوحْ
وكَمْ خَشَّيتْ عَلَى نَاساً بِرِدُّوا الرُّوحْ
كَمْ سَلَّيتُنْ بَالمَعَنى والمَشْرُوحْ
وكَم بَى رُؤيَتَك صَار الكَدَر مَطْرُوحْ
خِلَيقْتُه مَفَدَّعَه مِيهَا الطَّوِيلَه الشُّوحْ
سَالْمَه مِن القُصُر شُوفْتِك تَرُدْ الرُّوحْ
ضَارْبَانَا بسَنِينْ فَرَق الضِّلُوعْ مَجْرُوحْ
لامُتَّ أسْتَرِيح وإنْ عِشْتَ دَاجِّى بَنُوحْ
عَالِى قَوَامَه سَالِكْ تَاوِيَاتْ نَغَمَاتُو
سَابِلْ دِيسَه نَايِرْ خَدُّو ضَوْ بَسَمَاتُو
رُمَّانْ فُوقْ دِيبَاجْ بينْ الجِدَلْ عَلَمَاتُو
قَرِيبْ للفَقْلَه أكْتَافُو وبُعَادْ حَلَمَاتُو
مَهْدُولْ والأيَادِى مَشَقْرَبَه ومَلْفُوفَه
مَحَزْحَزَه للرِّسَا نَاعْمَه وكَرِيْمَه كِفُوفَه
الأعْجَبْ بِتَتْحَجِبْ كَيفَ حَرَتُو كِفُوفَه
تَرَاهَا اللَّىْ سَوَّتْ الصِّبْرَ الصِّقِطْرى سَفُوفَه(1)
ــــــــــ
(1)الصبر: عصارة شجر مر المذاق
***
هَل تَدْرِى دى المَارْضَانَا
أرْيَل شَام شِرُوقْ مِيهَا القَرَجْ مِى ضَانَه
مِنَّا تَكَأكُؤاً ذَابَت جَمِيعْ أعْضَانَا
يَاسَهْمَ المِفَرْهِدْ نَى عَوَافِى أمْضَانَا
مَا خَاف الله فِينَا فَرَّاطْ شِلَيخَه المَاهِرْ
والمِزْمَار يَرِيعَك مَاهُو مَاجِك نَاهِرْ
الفَمْ خَاتِمْ حَوَاهُ طِيبْ وجَوَاهِرْ
المَحْض أَبْ زَرَاقْ تَبْسِيمُو نُوراً بَاهِرْ
دُمْتِ عَلى بَهَاكْ ويَدُومْ عِزِّكْ وزَهَاكْ
ويَدُومْ بِذِلْ مَجْدِكْ بَلْ نَمَاكْ وبَهَاكْ
ويَدُومْ عَقْلِكْ وعَاهُ بَى عَفْلَه مَابِسْهَاكْ
مُكْتَحِلَة العِيُونْ مِنِّك بِأَسْمُدْ هَاكْ
إنْ شَكَرُوك بِمُفْرَد حُسْنِك عَلِيكِ ظَلُومَه
كَم لَكِ غَير هَذا نَفايِلاً مَعَلُومَه
هَامَت هِمَّتَه خَافْضَه الثُّرَيَّا عِمُومَه
غَير إبْلِيس يَمِينْ مَالِقِيتْ لِى حِدَّ يلُومَه
مَا إتْقَلَّصَتْ وتَجِدْها لَيهَا بَهَامَه
مَع إنَّ الفَطَانَه مِن الكَرِيم إلْهَامَه
زِيَادَه عَن اللِّزُومْ شَى ما بِسِنْدُه إبْهَامَه
غَير مَشَّاطَتَه فَشَر اللِّ شَافْ لَها هَامَه
***
صَادَفْنِى العَصُر يَمْشِى الرَّتَلْ فِى سِهَيلَه
هَذِى مُنْيتِى الطُولْ عُمْرى مِتْشَهِّيلَه
مَسَكْ كَرَكُونْ سِلاَح وَقَفْ زِنْهَارْ سَاهِي لَه
أطْرَبْنِى وشَرَحْ صِدْرِى وزَادْ لو ضِهَيلَه
مَخْرُوتْ ومَهَّدْل دُوفُو حَاجَه رَفَيْعَه
لَوِيْناً إنْ دَرَجْ يَاخِلِّى فِيهُ هَبَيْعَه
حُسْناً غَير كُحُلْ لا هَسكَلِيتْ لا هَيْعَه
يَبْهِر فِى النَّظر فِى القَلْب إسْمُو لِوَيْعَه
مَحْسُون طُولَه فُوقْ لَى فَاقْلَه فِيهُ ضِوَيْعَه
سَايِل دِيسَه تِحْتَ رشَارشُو طَبَّاب العَصَا الفِى ضِلَيْعَه
لُوَنْ جَسَدُه يَفُوقْ الحَبَّبُوه فِى مِيَيْعَه
مَحْصُورْ إسْمَهَا كُلِّيه غَايتُه سُبَيْعَه
إزْدَادْ عَلىِّ شُعَاعْ لاتَخْمِدِيهَا نِوَيْرَه
مَسَّخْتِى عَلى بِلاَدِى ثُمَّ كُلَّ دِوَيلَه
---------------------------
164 سبيعه:
ضَامرَه مَتَبَّرَه بَلْ عُودَه خَاتِى زِوَيْرَه
الحَيَا فِيهَا فَاعِلْ فِعْلَه سَاهِا عِوَيْرَه
يَخْصِبها النَّمِير كالأحْرُف المَدْرُوجَه
كَالشمسِ ضِيَاهَا بَل مَقَامَه بِرُوجَه
شِنْ وقَفَت تَهَتِّف أردَافَه عَاطلَه دِرُوجَه
مِى رجَّاجَه ضَجْرَان جَاره مِى مَهَرُوجَه
***
أضْحت بعَد ذلك بَروزُولَه شلُوخَه
مَا بِتْطِيق نَتِل اللِّيد تَقُول مَمْلُوخَه
السَّبَب الِمَفِّتت كَبْدِتِى المَذْبُوحَه
لَفِحت الفِركَه فُوق للبِنْدِى مَاخد بُوخَه
الجَد يَازَمِيلْ كَاتْلانِى دَاعْجَاتُو
وكَم قَنَّاصاً رَاحْ فِى عَجَاجَاتُو
مُوصَيد عَسِينُ حَيشَانْ فَجَاجَاتُو
يَا خُوى أنْقَرِعْ مِينْ نَالَ دَرَجَاتُو
جَاعْلَه عَويرَه لَكن تَحْكى قَلباً دَلَّجْ
حَاوى الحَكْمَه كَامل عَقْلُه فَرْعُو العَلَّجْ
كَفَلَّو مَبَنَّى حَشَاهُ مِتَنَّى صَدْرُه العَلَّجْ
بِنُور صَادْمَاه قَدَمُه الأمْرِيكَانِى مَحَلَّجْ
مَاتَفَهَت مُتَفَّه مَانَفَتْ مَعنَاهُو
----------------------------------------
الأمريكاني: القصعة الأمريكي. محلج:
مِنْ غَير عَرْضها ماقَصْدَت وَجْه تَعْنَاهُ
نَسِيب المَا بَزُوره معَنَاه طَالعْنَاهُ
إبْلِيس مِن جَمِيع اللاَّعِنات لاعْنَاهُ
هَمَّيتْ مِنْ مدَشَّعْ خِلِّى مِى دَشَّاعَه
مَاعَمَلتْ عَمَلْ مَقْصُودَه فِيهُ إشَاعَه
سِتْ رِضَا سِتْ تَوَاضُعْ سِتْ أدَبْ سِتْ طَاعَه
نَاسْ ذُوقْ نَاسْ لُطُفْ أدْنَى شَىْ فِى طِبَاعَه
***
عَلى سَهَرْ السُّقُدْ جُوه الفُؤادْ مَحْرُوقْ
إخْتَلْتْ عَضَاى صَارَتْ كَذَا المَطْرُوقْ
حَسَسْ إتْنَينْ عَلَىْ مَا أظِنِّى أصْفَى وأرُوقْ
شِبَه الفِى الأنَاقِى حَبْبُوه ومَفْرُوقْ
تَتْفَهَّقْ بَرَا الزَّرْعَ النَّتَجْ فِى السَّوقْ
وتَتْجَدَّعْ بِتِلْ وَد اللرَايَل فُوقْ
حَسَسْ إتْنَينْ عَلَىْ أظِنِّى أصْحَى وأرُوقْ
رَفَّيعْ رُشْرُشَه فَضَحْ البِسُوقْ العُوقْ
لُونُه أصْفَه مِنْ غَالِى الجَوَاهِرْ وَقْدُه
وللدُّرَّ المُنَافْ مَا فِيشْ مِثُالُه لِفَقْدُه
عَارِضَه فِى الظَّلاَمْ الزُّولْ يَرَاهُ بِوَقْدُه
وَاصْبَعُه مِنْ لِدَانَتُو إنْ مَا شَفَفْقَتْ تَعَقْدُه
---------------------------------------
الأناقي: جمع أنقاية وهي الجرف.
السوق : الساقيه
الغوق : الجيش أو الصف
كَفَلْ مُتْعَنَّقِلْ غَالِبَه مُوقِلْ مِنَّه يَحَنِنْ
قَدَمُو مُعَطَّلْ فِى الحُّوشْ بَطَلْ فَدَا شَىْ يَحَنِنْ
وَاحِلْ حَاتِلْ رَانِعْ كَاتِلْ ولَو مُتَفَنِنْ
تِحْتَ فَدَاهُ خُتْ يَدَاهُ حَنَانْ حَنِّنْ
***
¬قَلْبِى أنَا مَفْرِى مَفْرُومْ بَى شَرَفْ أعْلاَمَه
يَتْصَنَّعْ بِمَا إمْكِنْ يَصَحَّ مِنْ أحْلاَمَه
أمَرَتْ قَطْعَه وجَزْمَه يَا حَمَدْ عَلِى لاَمَه
وبِلَومٍ غَيرِ لُومْ عُقُبْ المِتَرْكِشْ لاَمَه
نَجْلَه ومَحَوَّرَه وسَحِيَّه عَينَه كَحِيلَه
عَالْيَة رَطِيبَة لَكِنْ فَاتْرَة مَالَهَا حِيلَه
بَاهِى صِدَيرَة قَد كَانْ فِى حَشَاهَا نَحِيلَه
مِنْ أرْدَافَه رَادَّه القُومَه عَاكَّه وحِيلَه
كَالرَّثَابْ مَشِيهَا البَى لُطُفْ دَرَجَانَه
رُشْرُشَه بِنْضُم السُّومِيتَه والمَرَجَانَه
رِسُومْ الرَّيدْ جَمِيعْ مَرْسُومَه فُوقْ أوْجَانَه
يَارَيتْ كَانْ بِقِيتْ عَنْبَر بَطُنْ فُنْجَانَه
أمْرَدْ ومِنْخَتِلْ فَاقِلْ رَطِيبْ ومَخَرَّتْ
إنْ رَنَتْ النَّوَاظِرْ كَالصَّوَاعِقْ الخَرَّتْ
بَى سَيفْ اللِّحَاظْ لَىَّ كَمْ كَمْ خَرَّتْ
الفَمْ خَاتِمْ جُوَاهُ دُرْ ومَخَرَّتْ
تَارْكَه العَايلَه تَارْكَه السَّيَّه مَيهَا الحَقُودْ مِى خَاصَّه
دَوَامْ مَحْمُودَه سِيرْتِكْ فِى العَوَامْ والخَّاصَّه
فَكَيفْ أنَا لا أغَنِّى وأكُونْ أدِيبْ لَكْ خَاصَّه
مَادَامْ مِنْ قَرِيْحَتِكْ القَرَايحْ خَاصَّه
***
مُدَّة مَانِى مَظْلُوم مَا أظِنْ ألْقَى
مِخَدِّرْ لُونْ النَّيَّه حَطَبْ الزَّلْقَه
شُوفْ يَاخُوى شُوفْ دَمَّاعِى كَيف مِنْزَلْقَه
كَتَحَتْ فِى لِهَاتِى النَّيَّه حَنْضَلْ سَلْقَه
تَرَا هَذَا السَّبَبْ الحَفَّظْنِى سَبْعَة قُلُمَّه
بَسَمَاتَه التَّقُولْ بَرقاً بِلُوحْ فِى ضُلُمَّه
دُوفاً فِى مَحَلاتْ فَقْلُو وضُرَاعُه هَلُمَّ
هَدْلَتْ كَتْفُو والبِشْرَه التَّزِيلْ الغُمَّه
مُزْمُزْ جِسْمَها الخَاتِى الفَكَجْ والقُوَّه
كِتَيفَه اللنْهَدَل لا فَقْلَه لا تِرْقُوه
فِى بِدَالْ النَّجَفْ يَا رَيَّا شَلْخِك ضَوَّى
-------------------------------------
الزلقه: نوع من المندل طيب الرائحه يستعمل للدخان
مِنْ عَينْ الحَسُودْ تَنْجَاهَا يَا ذُو القُوَّه
كُلَّما يَعِبِّرُوا لِى أنَا مَاش فِى المَاشْ فِيهَا
اللاَّيِمْنِى مُو ضَايِقْ لَسَعْ شَافِيهَا
إنْ تَاقَتْ تَقُولْ دِيسَه الكَبِدْ تَشْوِيهَا
دِيْمَه ودَاجَّه زُولاً مُدَّه مِسْتَشْوِيهَا
***
الكَرَوَانْ تَرَنَّمْ بَينْ خَمِيلَو ودَوحُو
خَلَّ العَاشِقِينْ بَى نَار غَرَامِنْ يِنُوحُو
لَو شَافْ الفَقِيرْ نُور خِدُودِكْ يِلُوحُو
إتْرُكْ الخَمْسَه إنْسَى كِتَابُو إجْدَعْ لُوحُو
مِنْ غِرُوبَه ولَى طِلُوعْ الفَجْرِ
تَرْجِف أعْضَاى فَضَل دَمْعِى نَازِل يَجْرِى
مَيِّتْ مِين يَلِمْ أعْضَاى ويَأخُذْ أجْرِى
سَبَبِى الرِّيقُو بَين سُبْحَان وسُورْةَ الحَجْرِ
يَا تُفَّاحْ جَنَايِنْ البَلَّحْ
أضْحَكِى خَلِّى قَلْب العَاشِقْ اللِّتْفَلَّخْ
------------------------------------
بين سبحان وسورة الحجر: سورة النحل.
***
غَرَامِك عَوارِض لابِس مُدَرَّعَاتْ ومُسَلَّحْ
والقَلْب الخَرَبْتِيهُو يَخَرْبُو مَابِتْصَلَّحْ
***
مَخْرُوتْ المِلُوكْ المَا عَقَّبُوا لِك عَارِضْ
مَسْجُون عُمْرَ أفَنْدِى الفُوقَه مَحْرِتْ عَارِضْ
أتِبْ للقُومَه أرُدْ أنَا لَى رَفِيقِى مِعَارِضْ
الله يَعَارِضْ المِنِّكْ بِقَى لَى مَعَارِضْ
كَمْ شَقَّيتْ دُهَمْ تِحْتَ الهَبُوبْ والعَارِضْ
كَمْ جَالَدْ كَمِيتْ فَكَتْ يَمِينِى العَارِضْ
مَا بَخْشَى الألَمْ والبَى مَحَبَّتُه عَارِضْ
كَيفَ أجْبَن وأنَا السَّامِع حَدِيثْ أُم عَارِضْ
بَحْبُوح عُنْقَهَا طَال رَخْرُوخْ ولُو مِتْفَتِّلْ
مُخْلِص كُلُّه خَالِصْ رَطِبْ رَطِيبْ ومِرَتِّلْ
رَوَّعْ رُوعِى حِسُّو المُو النَّشِيطْ ومِتَلْتِلْ
الله يَتْلْتِلْ المِنِّكْ بَقَى لِى مِتَلْتِل
***
نَشِيطاً فَقَط بَى زَازَه مَا بتَرْجَانَا
ألَذَّ مِنْ البَسِطْ تَكُدُّرَه وحَرَجَانَه
العَجَب العَجِيبْ إنْ سِمِعْ هَرَجَانَه
فِيهُ تِبِرْطِمَه أسْنَاها البِرُوقْ بَرَقَانَه
أدِيبَه نِوَيعْمَه مَاعَمَلتْ خَطِيَّه وهَمَّتْ
أمِينَه عَلى الخَزَايِنْ حَيثْ بَآمَنَه اتْسَمَّتْ
شِرُوطْ الظُرُفْ قَارْيَاهَا خَتَمَتْ وتَمَّتْ
تَرَى زَى اللَّبَيقْ جِسَيمُه مَاهُو مَعَمَّتْ
حَرَكَاتَه وحَزَازَاتَه العِجَابْ فِى الله
إذَا نِعْسَت أمْرَها وتُقَاهَا خَوفَ الله
عَقْلَها وَاعِى وَافِرْ رَجِيحْ فِى الله
إذَا غَضِبَتْ فِى الوَاجِبْ النَّاس تَظِنَّه فَلاَهِى
بَارْعَة وبَاهْيَة بَاسْطَة يَدَاهَا بَاسْمَه وبَاذْلَه
صَايْنَه وصَادْقَه صَامْتَه ِمن الكِلَيمَه الهَازْلَه
زَيْنَه ودَيْنَه فَاعْلَه كَما قَالَتَ الرِّسَالَه النَّازْلَه
أسْأل مِن جُودَه ضِيُوفْ الفَرِيقْ النَّازْلَه
***
مَابَسْمَع كَلاَمْ هُدَّايْ
بِقِيتْ أشُوف البِهْدُونِى هُم أعْدَاىْ
دَغْسَاتْ العِيُونْ سَافِلْ وايد أسَسَاىْ
شَغَلَنْ فِكْرِى بَالمَرَّه وبِقِيتْ نَسَّاىْ
آيِسْ مِن عَمَار عَامِر تَخرْبُو يَدَاىْ
وأزْمَنْ قَلْبِى عِنْد الحَاجِبِنْ نَدَّاىْ
النَّاسْ نَائمَه وأنَا نَجْم الهِجُوعْ جُلَسَاىْ
بِقَى بَابُورِى فِى لُجَجْ الغَرَامْ رَسَّاىْ
مَولاىِ فِى للجَّمال أعَطَاها فُوق لَرُضَاهَا
مِن نَاعم الحَرِير يا خُوى جَعَل أعْضَاهَا
تَتْطَّبق إذَا رَتَعَتْ عَلى بِعَضَاهَا
تَفْرُم جُوف صَدِيقَه على كِبُود بُغُضَاهَا
جَمَال النَّابِهِين لجَمَاله قَط مَا ضَاهَى
عَيْنَاها الرَّنَت وتَرَيَّضَت بِفَضَاهَا
رَيِده شَوَى الجِّسُوم وعظَامى قَد رَضَّاهَا
بُلَيت بِحُبَّها مَولاى لِغَيرى قَضَاهَا
***
بَاهِى وَرِيدَه عَالِى صِدَيرَه فَاقْلَه رَقِيقَة
تَمْشِى مِنْ التَّرَفْ فِى كُلَّ ثَانْيَه دَقِيقْه
وهَذَا مِنْ الطَّبِعْ مَا أتْصَنعَتْلُو حَقِيقَه
مِقْدَارْ ثَانْيَه فِيهَا الحِنَّه تَبْقَى عَقَيقَه
جَاهِلْ أمْرَهَا يلُومَه التَّفُوحْ مِسْكَاتَه
لَكِنْ لَيهَا أوْجَهْ حَاضْنَه فُوقْ مِسْكَاتَه
مَابتَعَرِفْ تَرَاوْدَ العَوَّه غَير بَى سُكَاتَه
مِنْ عَوَج الأهَلْ تَتْسَلَّى بَى سِكَيسْكَاتَه
إنْ شُفْتَها غَافْيَه أوجَالْسَه يُومْ فِى بَرَاحَه
كُلَّنَا نِحْنَ دِيلْ إسْبُوعْ تَجِدْنَا فَرَاحَى
مِنْ أُمْ نَظَراً مَحَوَّرْ مَا بَشُوفْ لَى رَاحَه
حُبَّهَا فِىَّ ثَابِتْ زَى الخُطُوطْ فِى الرَّاحَه
يَا أهْل العِلِمْ يَا مَنْ لَدَيهُ قَرِيحَه
لاخَمْر لاجَلاَد لا مِسِكْ لا رِيحَه
مِنْ صَافِى العَرَقْ لَو أتَتْكُمْ رِيحَه
تَشْفِى لكُل عَلِيلْ حَتَّى الكَبِدْتُه قَرِيحَه
الأدَبْ الرَّفِيعْ دَارْسَاهُ بَدْرِى دِرَاسَه
----------------------------------------------
سكيسكاته: تصغير سكسك نوع من الحلى تتحلى به الحسان.
والذُّوقْ والظُّرُف مِنْ أُمَّهَاتَه وِاَرثَه
قَطْ مَافِيهَا لُومْ مَا بِتَعِيبْ يَانَاسَه
إلاَّ مَعَاىَ دَايْماً لَىَّ قُوَّةْ رَاسَه
***
شَبَه الفِى العَفَا بِرْعَى العَسَن فِى بِطَينَه
رَخْرُوخْ نَىْ مَخَصَّل لا فَكَج لا بِطَينهْ
يَفُوق القَام مِوَرشِل فِى عَزِيزْ الطِّينَه
زَى رِيحَة الدِّعَاشْ عَرَقاً تِحْتَ إبْطِينَه
إرَم مَسْكَنَه الفَاتْرَه وظِلاَلَه رَهِينَه
غَرْغَرَتْ غَبْقَرِينَه تَشَفَّعَتْ بَى هِينَه
قِلَيبَه وَجِلْ هَمِيمْ لَكِن إنْ دَعُوها مَهِينَه
تَتْبَخْتَر عَلى قِدَيمَه الكَأنُّه دِهَينَه
بَى رَمَّاىْ كلامِكْ غَايَه بِتْبُسْطِينَا
عَلِشَان لَهْجِك يَفُوقْ العَجْوَه فِى سِبْطَينَا
شُوفْ عِتَابَه دَاك التَّنْبهِلُّه وبِالدِّمُوعْ عِطِّينَه
وبُرْعِيمْ بُرطُمَه الشَّانَّاهُ بَى طِنْطَينَه
عَزْبَه فِى غُصنِ بَان وجِسَيمَه خَاتِى لِحَينَه
جَالسَه على نِطَيعْ يُمْنَاهَا خَاتَّه صِحَينَه
-----------------------------------------
العفا: الارض الواسعه (الخلاء)، بطينه :تصغير بطانه، العسن:العشب (القش الحشيش)
فكج: حدبه، بطينه: تصغير بطن
إرم: إرم ذات العماد (مدينه شديد بن عماد)
غرغرت : تغرغرت العين تردد فيها الدمع ولم يجر، الغبقرين:طرف العين
برعيم برطمه: تدلى شفتها السفله من الغضب
عذبه: العذب الفرع اللين الذى يربط بين الفرع الاصلى والصفقه
نَبَّهَا فَيَّنَا وتَمَايَسَتْ مِن حِينَه
مَاحَت خُبِّيتْ نِحْنَ أصْحَبتنَا مِحَينَه
مِن السَّاعَة دِيك يا افَنْدِى مَا صَحَّينَا
عَقُلْنَا وَاعِى دِيمَه شِنْ نُمْنَا وإن أصْحَينَا
زَفِيرْ النَّار يَوجْ فِى صِدُورْنَا إنْ وَحَّينَا
أيشْ حِيلَتْنَا غَير يَا خِلِّى عَرِك رِحِينَا
النَّادْرَة الدَّحِينْ بِقَتْ فِى فَكِينَا
تَرَكْ دَرْسُه وأسَاسُه دَحِينْ بِقَى يَحَاكِينَا
يَنْسَخْ نُونُو إطْرَى حَوَاجِبَه بَبَاكِينَا
صَارَ هُدَانَا مِنْ يُومُو الكَرَع زَاكِينَا
يَاجِدُودَه الرَّسُول كَوْنُوا لَه مُنْتَبِهينَا
حِمْيتَكُم إذا رُمْيتَ تَشِيلَه فِى هِينَه
ضَامْرَه مَتَبَّرَه الكَف كَنَسْجِ وَهِينَه
بِت الضِّرْغَمِى الآمِرنَا والنَّاهِينَا
يَا البَنُّوتْ مَتَى مَا يَقُومْ لَبِيبْ بَسَكِينَه
غَرَسْتَنْ فِيهُ وحَّه مَا بتَقَيهُ الكِينَا
المَرْعُوبَه رَاعِبًه سَاحِيَه ومِسْكِينَه
لَيهَا عِيُونْ شَرَايِر ولحَظةً سِكِّينَه
--------------------------------------
نطيع : تصغير نطع وهو سجاد يصنع من سعف النخيل فى شكل دائرى مثقوب فى نصفه يوضع على حفرة الدخان.
فينا :ظلنا الفى : الظل
وهينه: ضعيفة، يقصد بالوهينه العنكبوت لوهن ما تنسجه شبه به كف المحبوبه
***
لا واللهِ مِى تَفَّاهَة مِى هَزَّالَه
مَابِتْرَد كَدَرْ مِن فَاهَا كَلْمَة رَزَالَه
ثَابْتَه ورَانْعَه فِى مَيَادِينْ الكَمَال لازَالَ
قَرِينُهَا مُسْلِماً عَافَّه أُمْ عِرُوضْ بَذَّالَه
لَهَا للجَار حَنَانْ ولَى أذَاهُ تَحَمُّلْ
لَهَا رَأفَة وخِشُوعْ ورَزَانَةً بِتَكَمُّلْ
لَهَا للضَّرْ صَبُر فِى العَاقْبَة لَيهَا تَأمُّلْ
زَايْنَة بِبَذْلِهَا وتُقَاهَا زَادَه تَجَمُّلْ
دُمْتِ عَلى بَهَاكْ ويَدُومْ عِزِّكْ وزَهَاكْ
ويَدُومْ بِذِلْ مَجْدِكْ بَلْ نَمَاكْ وبَهَاكْ
ويَدُومْ عَقْلِكْ وعَاهُ بَى غَفْلَه مَا بِسْهَاكْ
مُكْتَحِلَة العِيُونْ مِنْكِ بِأَسْمُدْ هَاكْ
لا واللهِ مِى عَاتَابَه مِى لَوَّامَه
بِبِرْ الرَّحْمَة للجَار أُمْ عِرُوضْ حَوَّامَه
مَا شَانَتْ حَبِيبْ لَى حِجَّه مِى قَوَّامَه
صَانْتَه صَبُورَه صَفُوحَة صَلاَّيَه وكَمَان صَوَّامَه
لَينَه ونَيَّه مَايِحَاتْ أعْطَافِكْ
تَايْعَة ومَايْعَة خَلْبُوسَه وضَامِر هَافِكْ
يَا الرَّخْرُوخَه أكْتَافِك هُدُلْ لانْصَافِكْ
يَا بِتِّى كَيفِنْ طَايْقَة حَمْل أرْدَافِكْ
زَاهِر وِجْهُو زَاحِم دِيسُو ثَغْرُه مَفَلَّجْ
نَاعِسْ طَرْفُه أنْفُه صَقِيلْ ورِيدُه العَلَّجْ
غَيرَ تَرَاقِى نَاصْلَة أكْتَافُه كَاعْبُه مَدَمْلَجْ
كَاسْبَ الصَّحَّة غُوفْ جِسْمُه الكَأنُّو مَتَلَّجْ
***
مَفْلُولْ النِّغَيمْ زَىْ إنُّو فِيهُ عِقَيدَه
مَصْوُب الأنَامِلْ نَاعْمَة خَاتْيَه عِقَيدَه
أرِيدُو وَرِيدَه بَاهِى تَخَافْ يَعِيقُو عِقَيدَه
تَمِيسْ وخُطَوُطَه بَطْأه تَرْنَعْ وقَاصِرْ قَيدَه
مُطْلَقْ وجْهَهَا للنَّاعِسَاتِ عَقِيدَه
السِّتَّة المُفَضَّحَة بَالأسَالَه وقِيدَه
فُنُقْ ضُرْمَ المَرَافِقْ عِنْدَ الرِّسَا رُقْ إيدَه
مِنْ عَينْ الحَسُودْ حَوَى مُنْشِى الصَّلاة ومُقِيدَه
الدُّرْ والمِسِكْ لعَارِضَيهَا سَجِيدَه
يَخْجِلْ كُوبَةْ السَّاقْ المَتَمَّرَه جِيدَه
السِّنْتَينْ قَنَادِيلْ والعَجَبْ تَنْجِيدَه
لا بَالصِّبْغَه بَالطَّبْعِ كُلَّهَا يَا إلَهِى نَجِيدَه
--------------------------------------------
خلبوسه: رقيقه وناعمة
كوبه الساق:كوبه من الغزاز طويل وأبيض (كباية الشب).
دَلاَلاَتْ التَّرَفْ بَعْدَ الجَّمَالْ فَخُّوهَا
مُويَه فِى مَعْلَقَة عَنْ هَيْدَاتَه مَا وَخُّوهَا
الحَيَا والتَّوَاضِعْ والحِلِمْ واخُوهَا
قَامَتَه يَا حَمَد عِجَينَهْ قَمْحَتاً لَخُّوهَا
***
إنْت الغَايه إنت البُغْيَة مَاظَه صِفَاتِك
فِى الخُلُق الجَّمِيل مَاذَكرُوا شَيئاً فَاتِك
إنتِ نِهَايَتِه زَادَت رطْبَتِك عَفَّاتِك
إنْتِ بِتَبُذِى الدُّر والمِسِك فِى شِفَاتِك
إنْت الكَمْ وكَم عَزَّنْ على وصْفَاتِك
مَاخْدَه من الكَمال يا الغَايَة فَوق كِفَايتِك
إنت عَلى المَنَيَّل لأَلأَنْ صَافَاتِك
تِحِت قُوسِين جَبِينِك بَاقَّه كَشَّافَاتِك
إنت أنْوار خِدُودِك طَافِيَات نَجْفَاتِك
كَالبَلُّور وَرِيدِك شَلخِك الوَّاجْ فَاتِك
إنْتِ نفَايْسِك فَاحَت خَفَنْ رَكفَاتِك
خِنصْيرَاتِك لُدُن وكَذاَ القَطِيفْ رَاحَاتِك
إنْتِ حَنَانِك يَزْدَادْ بَل رَافَاتِك
إنْتِ تَقِيَّه إنت نَقِيَّه كَمَريمْ إنْتِ صِفَاتِك
------------------------------------------
فخوها : فخه, لينه ورخصة.
هيداته: زميلاته الملازمات لها.
الواج: المضى المنير
ركفاتك: جمع ركفة , تميمه تصنع من جلد كديس الخلاء (أبوزباد)
***
مَخْرُوت عُودَك صَبْ للدَّمْعَة شَلْخِك وَارِدْ
زَى المِسِكْ كَرَفَانْ نَسِيمُو البَارِدْ
مَزَّقْ للقَلِب مَا بَين الشِّلُوخْ والعَارِضْ
أمْشِى الكَيْ قَبَل أدِّى الخِلُوقْ القَارِضْ
ضَهَرِك فَدْ فِتِر عُودِك مَلاَن ورَطِيبْ
عَرَق جِسْمِك يَفُوقْ الفَحَّلُوا بُو الطِّيبْ
غَيرْ نَنْظُر جَنَابَه أنْفُسْنَا مَا بِتْطِيبْ
تَبْسِيمْ فَاطْرَكْ صَدَفْ القِلُوبْ شَطَّيبْ
***
خَفَتْ الكَهْرَباء حِين الظَّلام أغْشَاهَا
صَاحب الرَّشْوَة غَير حَلِيلَه مَا أرْشَاهَا
تَلَّتْ رُوبَتَه العَمَتَتْ مَتَانِى حَشَاهَا
مِنْ يُوم الوِضُوعْ مَرْمُولَه مَى نَافْشَاهَا
بَالجَّرِحْ المُسَمَّمْ الجِسُومْ خَارْشَاهَا
بِطَرشَتْ فَارَه صَادَفَتْ الكَبِد طَارْشَاهَا
نَيَشَان بَسْمُو يَا خِلِّى القِلُوبْ خَشَاهَا
رِيشَةْ عَقْلِى مُشْ عَارِفْ مَحَل طَافْشَاهَا
بِهَذا التَّماثُلْ قَاصِر الأفْشَاهَا
أوْ فَاشَاهَا بَسكَلْ أهْلَ النَّهُو مَاشَاهَا
كَشَماتَه النَّجَفْ كَهْرَبَة البِنُوكْ فِي حَشَاهَا
فِي الحَارَة التَّلِمْ عِلَلْ الصِّدُورْ فَاشَاهَا
***
إبْقَى دَحِينْ حِبَيْبَاتِى أسْتَونْ فِي الصَّالَه
حَفَلَنْ بَى نَفَايْلاً مُنْشِى مَا حَصَّى لَه
فِي مَأوَاهَا مَوْلاى الحَمِيدَه خِصَالَه
لَطِيفَه كَذَا القَطِيفَه إلَهِى جُود بَوِصَالَه
إنْ خَتَّتْ خَنَاصِرَه عَلى خِدُودَه وحْيَاةْ رُوحَه
تَبْرِى جِرُوحْ خِلافَه لَكِن بِتَدْمِى جِرُوحَه
تَزِيلْ حَزَن الضَّمِيرْ بِوِجْنَتَه المَطْرُوحَه
عَايْبَه بِوَاحْدَه بَس لَى ضَيفَه تَتْعِب رُوحَه
إنْ جيِتْ قَاصِدَه السِّكَّه مَا تِِمَاشِيكَ
وإنْ شَاهَدَتْهَا تَلْقَى الطَّرَب حَاشِيكَ
مَقْهُورْ بَى الله عَاد أطْرِى الذِى نَاشِيكَ
عَايْبَه بِوَاحْدَه بَس كَسْلاَنَه مِيهَا وَشِيكَه
مِنَّهَا مَا بَطِيبْ وإنْ سِلِمْ مَرْقُوبْ
إلاَّ بِزُورَه مِنْها أنْجِدْنَا يَا أبْ يَعَقُوبْ
السَّاق مُعْتَدِل مِتْشَابْكَه للمَحَقُوبْ
أيْضَاً فِيهَا تِنْيَه وحَزْ بَدَلاً عَن العَرْقُ
***
نَسَّامْ الجِبَالْ جَاهِنْ نَسِيمَاً جَانِي
وِجِيهِنْ جَاهُ جِيمَاً يَجْفِي جُوه جِنَانِي
جَاهِلْ حَسْمُه جُوه جَلْجَلْ الجَلْجَلاَنِي
جَرَّعَنِي جَسَايمْ جَمْ يَا مُجِيبْ أنْجَانِي
سَارِحْ عَقْلِي نَسَامْ البُرُوقْ البَاتَنْ
وَلَعَنْ نِيرَانْ جُوفِي بَعَدْ مَا مَاتَنْ
بَرِيبْ عَاطِفْ النَقِعْ أبْ عَشَايَاً شَاتَنْ
وَا أسَفِي عَلَى أُنْس اللَّيَالِي الفَاتَنْ
حَلِيفَة العَّفَة الدَايَمَاً مُلاَزْمَة صَوَابُه
سَابْلَة القِنَاعْ الخَايْفَة مِنْ تَوَّابُه
أصْلَهَا مِنْ نَشَتْ مَا اجْتَازَتْ البَوَّابَه
مُحَالْ تَنْظُرْ حُدُودُه تَنْظُرْ اسْتِقْطَابُه
شُفْتُه بَالرَمَلْ هَبْهَبْ
حَاكِيتْ البَقُولْ هَبْهَبْ
يَا رَبْ يَا مُوهِبْ هِبْ
دُعَاشَاً يَاتِي بَالهَبْهَبْ
جِنْ جَلَنْ عِيُونْ النَّاظِرِينْ أنْجَالِنْ
جَمَعِنْ جَنْ وفَنْ جَنْ بَيهُ مِنْ زِجَالِنْ
حَوَاجِبْهِنْ زُجْ زَجَّهُ مُنْزَعْجَالِنْ
جَدَنْ فِيه جَدَاً وأنَا جَاثِي بَتَرْجَالِنْ
مِمَا فَارْقَتْ الزُّولْ السَّمِحْ بُرَاعُو
مَا حَامْ بَالفَرِيقْ جَابْ عَلالْ فِي كُرَاعُو
المَا بَدَيَه الكَرِيمْ مَا بَجِيبَه تب بِى ضُرَاعُو
وأحِي وُجُهِنْ لَوْيس إنْعَقَدْ فِي كُرَاعُو
الوَلَدْ البَكْتَرْ شِيَو لَى عَنَدْ دَيْمَه
النَّاسْ بَتْبَغَضُوا وتَكْتُرْ عَلِيُه اللَّيْمَه
وَينْ البحْرَسُوا الهَجْعَه بَعَدْ النِّيْمَه
بصِبحْ شَاكِرِنْ صَافِي وعَزِيزْ القِّيْمَه
اللَّيلَه يَا نَسِيمُه عَرَباً لَينَا جَابُوا أخْبَارُنْ
قَالَتْ لَينَا مَبْسُوطِينْ واللَّيلَه نَزَلُوا دِيَارُنْ
حَلِيلَنْ كَتِيرْ بَتَضَارُوا مِنْ لُومْ جَارُنْ
وبَعَدْ الهَجْعَه لَى ضَيْفُنْ بَوَلَّعُوا نَارُنْ
أنْتَ كَلُؤْلُؤَةْ الغَوَّاصْ كَرِيْمَة وصَافْيَة
مِنْ كُلْ الدَّنَايسْ والنَقَايضْ نَافْيَة
أنْتَ المَلِكْ هُوْلَكْ لَيهْ مَاكْ مُتْلاَفْيَة
مَزَجْ مَعْنَاكْ إِلَهَكْ حُبْ فَوَاكِة وعَافْيَة
***
عَيْنَة كَشْكِيبْ كَشَفْ ظَلاَمْنَا إِتْمَحَى
كَشَاكِيشْ مِنْ كَشَفْ قَمَرْ السُّبُوعْ الضَحَى
مُو كَشْشَانْ مَشِيهَا تَرُوحَتْ فِي لَمْحَة
زَادْ فِي جُوفِي شَكْشَكَة شُكُوكْ الرَّمْحَة
كُنْتَ عَلِمْتَ كَلاَمِي وسِرِي كَيفْ بَفْشَاهُ
كَاوِي فُؤَادِي كَيِّ كَاوِينِي كَيفْ كَوَاهُ
كَفْكَ كَمْ كَيفْ أكْفَاهُ كَي أكْفَاهُ
كُوكَابْ كَمْ كَتَلْ كَاتِلِنِي بَى كَيفَاهُ
اليَابَا البَنَاتْ حَدْ الله بَينِي وبَينُو
والمَا بَحُبَهِنْ والله نَاقِصْ دِينُو
وَدْ الأرْيَلْ الزَي الفَنَاجِينْ عينُو
لاَمْتِينْ يَا نَدِيمْ مَعَاي يَكْمَلْ زِينُو
***
مَا مَرَقَتْ بَالفَرِيقْ جَابَتْ خَبَايرْ قَالُوا
ولاَ طَلَقَتْ لِسَانْ للجَارْ مُوقْفَة حَالُه
يَا حَلَيلَة المَا بِتَنْبُشْ العَايْدَالُه
فَي لِقَا فِي عَدَمْ سِيدْ بِيْتَهَا سَتَرَتْ حَالُه
كَيفْ أتْسَاهَى مِنْ تِلْكَ الأيَادِي الطَايْلَة
لاَ وحَيَاة قَصَبَة وَضُوهُ الفُوقْ دِقُونِنْ سَايْلَة
كَانْ أسْمَعْ هَوَى نَفْسِي وأعِيسْ فِي الزَّايْلَة
إخَيَّاتِي اللِّقُوْلَنْ لَي بِسْ يَا مَايْلَة
أعْنِي الحَاشَى مَا ذَكَرَنْ خَنَا ولاَ كَنُّو
وأعْنِي الحَاشَى حَدْ الهَادِي مَا فَاتَنُّو
دَايْماً أبَدْ السِّرْ مِحَافْظَاتَنُّو
فُوْقِنْ خَالِقِنْ والشَّرْ مِنَافْضَاتَنُّو
