ميرغني النقي «كيف اصبر»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ميرغني النقي «كيف اصبر»

    هذه القصيدة تحكي حال طالب من أسرة فقيرة وهو يسعى من أجل استخراج الشهادة من وزارة التربية والتقديم لمكاتب العمل من أجل وظيفة

    كيف أصبر؟
    *********
    كيف أصبر؟
    ومن أمبدة أرض الشوم أرض النحس
    قومتي فجُر
    وللخرطوم وزارة التربية آخر الدنيا
    بمشي كُدُر
    وكيف أصبر؟
    ومشواري طويل
    وبحمد النيل
    بتحزّم وأقول يا ليل
    وغير الكبري مافي سبيل
    وبدي صراحي شارع النيل
    وبمشي عديل
    وكيف أصبر؟
    وبعد الجوف يولع نار
    وبعد الكدِّ والإصرار
    وبعد السير باستمرار
    وصلت الدار
    وشن من دار
    دار الكرِّ والإدبار
    الناس تتجارى
    تراب وغبار تقول في مغارة
    واتحزّم دخلت الدارة
    وبديت في اللف
    تعال بي جاي أمش بي هناك
    زقاق وملف
    هاك أورنيك وجيبلك دمغة
    أقيف في الصف
    وأنا إتقريف
    ومخي نزف
    ونبضي وقف
    وكيف أصبر؟
    وبعد الحال وقف لبادة
    وبعد ولّدوني ولادة
    أدُّوني شهادة
    وكان كالعادة
    مافي سعادة
    جيتك يا مكاتب الغم
    جيتك يا مكاتب الهم
    وفيك قدّم
    وكنت قشيم وكنت أبلم
    كل صبحاً جديد أنا ليك في ترحال
    أطمئن نفسي أروح إتفقّد الأحوال
    وأجيك لا هناك على كرعيّ شادي رحال
    وأدق الباب وأدخل جوه وأدي سؤال
    ويدوني كلام كأنو عسل وكلو كلام ضلال في ضلال
    تعال بكرة الصباح قوَّام
    ورغم الصوم عن الطعام
    تاني أصد على الأقدام
    وأسأل ربي طول البال
    وكيف أصبر؟
    وبكرة أقوم وكلي آمال
    ليك أنا تاني شادي رحال
    وهادي المرة بالشباك
    صباح الخير وكيف الحال
    ويجيني الرد أمش وتعال
    وأصد بي قفاي وأجر الدال
    وأكاد أكفر
    وكيف أصبر؟
    وهادي أنا حالتي أسبوعين
    لا بفطر
    وأمشي وأصد على الكرعين
    ولما أجوع خلاص وأعطش
    وأحس بي حالي أصبح شين
    بمشي على النيل الأزرق
    ألم إيديّ أشيل بالهين
    وأكركع زين
    وأكرب بطني موية وطين
    منو شراب وفكة ريق
    أحس بالراحة من الضيق
    وأشوف النيل أعز رفيق
    كريم ما بيعرف الفرِّيق
    لا عندو كبير لا عندو صغير
    كل الخلق ليها صديق
    يدي الغاشي يدي الماشي
    يطفي الجوفو فيه حريق
    وكيف أصبر؟
    ورغم همومي ما خلوني
    الناس في همي بيطاردوني
    وبيسألوني سؤال روتيني
    عملت شنو
    عامل كيف
    شن سويت
    وبديهم فرد جواب
    شن أعمل، مافي عمل
    وأشوف الحالة تتبدل
    والناس فيّ تتقول
    بي سخرية ناس بي يقولوا يا راجل
    وناس بي يقولوا متماطل
    وواحدين قالوا زول فاشل
    وما هماني قول قائل
    برد للجملة بي معليش
    كان الحق كتب لي أعيش
    كان في السوق قعد درويش
    بحيى وأعيش وآكل عيش
    لكن كيف
    كيف أصبر؟
    وطعم الصبر دايماً مُر
يعمل...
X