ميرغني النقي «يحيي طال خوفك علي»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ميرغني النقي «يحيي طال خوفك علي»

    كتبت هذه القصيدة رداً على قصيد الشاعر يحيى محمد خير (ود الكرو)
    جل رب العزة عزاك
    يا النقي بي تحفة خصاك
    والتي يقول فيها:
    خوفي من تالاك يا النقي
    ومن كلامك لا يبقى ني
    لا تباري الهيلة والسي
    ولا تمنح ضارب الودي
    *********
    يحيى طال خوفك علي
    يحيى طال طال خوفك علي = وطال بكاكا علي ياخي
    ************
    يا حليل الأمل الصبي = يا حليلو الكان ليَّ ضي
    يا حليلو الكان ساري بي = في ظلام العتمة والصي
    ************
    جار زماني عليهو وعلي = وشوف زماني السواها في
    مني أضاعو وأضاع كلّ شيء = ويا زماني الأفرغ إيدي
    ************
    لا تقول الزول قولو ني = ولا تختّ العيب في النقي
    في سبيلو عملت العلي = والنصيب والقسمة أبو لي
    ************
    المراد لو كان بالجهاد = كان زمان حققت المراد
    إلا قسمة وليها قوّاد = ويا مرادي الديمة مو لي
    ************
    السعادة إن كان بالمنى = مافي زولاً عاش في عنا
    إلا دي المقسومة وأنا = أصلو مكتوب لي أكون شقي
    ************
    ماني أول زولاً شهيد = في حروب القسمة والريد
    إلا بس يا خوي الجديد = مافي زول قبلي إندفن حي
    ************
    قبلي قيس في ليلى جنّ = وفي بثينة جميل مات ضنى
    وكان تباطا الموت تأنى = ياني باكر ضارب الودي
    ************
    كلُّ داءً ليهو تطبيب = وكلُّ طباً يختا ويصيب
    إلا داءً اسمو النصيب = كيف علاجك ليهو قول لي
يعمل...
X