ميرغني النقي «رني يا أوتاري رني»

رني يا أوتاري رني
*********
رني يا أوتاري رني
وحدّثيهم قولي عني
***************
قولي ليهم طال سهادو
وطال غياب فكرو وشرادو
الحنين مزق فؤادو
وفوق لهيب الشوق رقادو
***************
حدّثيهم عن ظلامي
وعن فؤادي الجرح دامي
قولي ليهم دمعو طامي
وفيه بات غرقان وظامي
***************
أقري للأحباب كتابي
وحدّثيهم عن مصابي
قولي ليهم قلبو صابي
والزمن بالدايرو مابي
***************
قولي ليهم جنّ ليلو
ومات دليلو وتاهو خيلو
قولوا قبلو ويا حليلو
وشوفو كيف أصبح حويلو
***************
شمسو غابت في ضحاها
وحظو من النار لظاها
أعمى تايه في دجاها
ومافي غير آه وصداها
وكلما داوالو عاها
من دواها تصيبو عاها
والأماني الكان بناها
في الفؤاد آلام طواها
وفي كل خطوة تعب مشاها
ورى السعادة السار وراها
صادف الجمرة ووطاها
وفي النهاية عرف قفاها
دنيا يوم بالخير سماها
ما طرت زولاً سماها
حظو دايماً بين رُحاها
يظل مخلد في جواها
***************
قولي ليهم بالفيافي
ساري عاري الراس وحافي
دمعو في أحداقو طافي
وفوقو هم الدنيا سافي
***************
قولي ليهم في عيونو
شفت أحزانو وشجونو
حظو من نيران حنينو
حارقة جوفو وشاحبة لونو
***************
رني يا أوتاري رني
وحدّثيهم قولي عني
حدّثيهم بي تأني
عن مصايباً إحتوني
قولي ليهم ما أظني
تاني بعد اليوم أغني