تويت
زول سطلنجي زي جرقندي
الله خلقني ما لاقاني
وباقي ليّ شيطان تاني
محل يلقاني
يروح قاعد ومارقا ليك
ملفوفة جاهزة بي كرتين
وحلفت عليك
أبوس كرعيك
نفس نفسين
وهو يتزلف وأنا اتحلّف
وبهادي الحالة يوماتي
وتقول يا أخوانا أنا الخاتي
ويوم بالحيل زعل مني
وحلف إيمان يخاصمني
وياهو كبير ولاد أمي
عشان ما بترضى بي زعلو
جبر خاطرو واخدت نفس
وبعد مو نفس بقن نفسين
ويا زول قوم لف التاني
ويوم يومين وبقيت سطلنجي
طبق الأصل من جرقندي
******
ومرة سطلت سطلة قوية
وخطرت فكرة شيطانية
وقمت عملت تمثيلية
كانت ناجحة مية المية
إلا نهاية مأساوية
كانت ضربة للساويها
والجمرة بتحرق الواطيها
******
قعد فكرت
جاتني الفكرة اتنكر
وقمت لبست توب أختي
وحلق شنبي
وفدع ضهري ودفر صدري
طبق الأصل من تتي
وخرجت ألف
وقلوب الناس معاي ترف
أنا اتفدع .. هي تتقطع
أنا اتكسر .. هي تتمصر
داك وقف
وداك شرف
وديك صفارة
وديك إشارة
وداك يرجف
وداك يهتف
وداك ضايقني أخدني كتف
وبين الزحمة والدافوري
قد أضاني صوت البوري
تت تاتا توري .. تت تاتا توري
ومعناها بلغة الفم
أقيفي ضروري .. أقيفي ضروري
وما فكرت قمت وقف
وكمان هو وقف
كبير في السن
وليهو دقن
واتحصنت خفت أجن
وفتح الباب
وبي نظرات ملانة ضباب
وبي كلمات رهاب في رهاب
قال لي أوصلك يا شابة
ورديت لهيو شكراً يابا
وزعل مني
وتف علي وسباني
ودور فات
قبل ما يكترو الشمات
وكمان أنا فتّ
وأريتني رجعت
أريت في اللعبة ما فكرت
قبل ما أمشي كم خطوات
وقف قدامي واحد شاب
خفيف وظريف ومنظرو يخلب الألباب
وبي نظرات ملاها إعجاب
وبي كلمات عسل ينساب
سلم لي
وأثنى علي
وبي نبرة حنان
قال لي
مشتاقين
بلودك وين
بفتش ليك من يومين
وما لاقيك
وقلت أجيك وخفت عليك
أرحكي البيت عندي أنا ليك
هدية جميلة زي عينيك
ورديت ليهو
يا كذاب يا نصاب
شفتني وين وشفتك وين
وانا يادوبي لي ساعتين
مما جيت للخرطوم
يا موهوم .. يا ملخوم
وأظنو كشفني
أظنو عرفني
في رمشة عين هرب مني
وتركني أفكر
أنا المتنكر
وفجأة وقف شعر راسي
وعرف نفسي
إني بليد وإني غبي
هذا الشاب
لا كذاب ولا نصاب
وقصدو صواب
أتاري اللطخ قاصد أختي
فوا أسفي
أكشف في عروض الناس
وغيري وراي كشف عرضي
ووا أسفي
أجدع في بيوت الناس
ومبنى من القزاز بيتي
ووا أسفي
******
وعفوك ورضاك يا أختي
ومعليش يا أخوي جرقندي
ياكن أغلى غالي لديّ
ومهما كنتُ مني وليّ
ولا تشتطو تقسو علي
أصل القصة تمثيلية
أدو أدوارا سطلنجية
والمخرج سجارة قوية
الله خلقني ما لاقاني
وباقي ليّ شيطان تاني
محل يلقاني
يروح قاعد ومارقا ليك
ملفوفة جاهزة بي كرتين
وحلفت عليك
أبوس كرعيك
نفس نفسين
وهو يتزلف وأنا اتحلّف
وبهادي الحالة يوماتي
وتقول يا أخوانا أنا الخاتي
ويوم بالحيل زعل مني
وحلف إيمان يخاصمني
وياهو كبير ولاد أمي
عشان ما بترضى بي زعلو
جبر خاطرو واخدت نفس
وبعد مو نفس بقن نفسين
ويا زول قوم لف التاني
ويوم يومين وبقيت سطلنجي
طبق الأصل من جرقندي
******
ومرة سطلت سطلة قوية
وخطرت فكرة شيطانية
وقمت عملت تمثيلية
كانت ناجحة مية المية
إلا نهاية مأساوية
كانت ضربة للساويها
والجمرة بتحرق الواطيها
******
قعد فكرت
جاتني الفكرة اتنكر
وقمت لبست توب أختي
وحلق شنبي
وفدع ضهري ودفر صدري
طبق الأصل من تتي
وخرجت ألف
وقلوب الناس معاي ترف
أنا اتفدع .. هي تتقطع
أنا اتكسر .. هي تتمصر
داك وقف
وداك شرف
وديك صفارة
وديك إشارة
وداك يرجف
وداك يهتف
وداك ضايقني أخدني كتف
وبين الزحمة والدافوري
قد أضاني صوت البوري
تت تاتا توري .. تت تاتا توري
ومعناها بلغة الفم
أقيفي ضروري .. أقيفي ضروري
وما فكرت قمت وقف
وكمان هو وقف
كبير في السن
وليهو دقن
واتحصنت خفت أجن
وفتح الباب
وبي نظرات ملانة ضباب
وبي كلمات رهاب في رهاب
قال لي أوصلك يا شابة
ورديت لهيو شكراً يابا
وزعل مني
وتف علي وسباني
ودور فات
قبل ما يكترو الشمات
وكمان أنا فتّ
وأريتني رجعت
أريت في اللعبة ما فكرت
قبل ما أمشي كم خطوات
وقف قدامي واحد شاب
خفيف وظريف ومنظرو يخلب الألباب
وبي نظرات ملاها إعجاب
وبي كلمات عسل ينساب
سلم لي
وأثنى علي
وبي نبرة حنان
قال لي
مشتاقين
بلودك وين
بفتش ليك من يومين
وما لاقيك
وقلت أجيك وخفت عليك
أرحكي البيت عندي أنا ليك
هدية جميلة زي عينيك
ورديت ليهو
يا كذاب يا نصاب
شفتني وين وشفتك وين
وانا يادوبي لي ساعتين
مما جيت للخرطوم
يا موهوم .. يا ملخوم
وأظنو كشفني
أظنو عرفني
في رمشة عين هرب مني
وتركني أفكر
أنا المتنكر
وفجأة وقف شعر راسي
وعرف نفسي
إني بليد وإني غبي
هذا الشاب
لا كذاب ولا نصاب
وقصدو صواب
أتاري اللطخ قاصد أختي
فوا أسفي
أكشف في عروض الناس
وغيري وراي كشف عرضي
ووا أسفي
أجدع في بيوت الناس
ومبنى من القزاز بيتي
ووا أسفي
******
وعفوك ورضاك يا أختي
ومعليش يا أخوي جرقندي
ياكن أغلى غالي لديّ
ومهما كنتُ مني وليّ
ولا تشتطو تقسو علي
أصل القصة تمثيلية
أدو أدوارا سطلنجية
والمخرج سجارة قوية