تويت
صرت كالفانى
صِرْتَ كالفَانِى سَحَّتْ أجْفَانِى
يَابَا عَجِّلْ بَى قَبْلِ تَلْفَانِى
هَبَّ مِتَّاكِلْ سَوَّى عُوم الوِز
هَبَّل العَاقِلْ
خَفَجَت الأكْتَافْ سَحَّت الفَاقِلْ
طَبْقَه طَبْقَه تَمُوجْ للهِدَيمْ نَاقِلْ
مَتْنِى فِى رُقَادُو نَسَّبُوا لُو وقَامْ
الوَضِيبْ قَادُو
جَانَا يِتْهَبَّعْ يَضْوِى وقَّادُو
جُمْلَةَ الجَالْسِينْ قُودْتُو ينْقَادُو
يَاخَلِيلْ دَقِّقْ الجَّمَالْ والذُّوقْ
فِيهَا مِتْحَقِّقْ
الكَفَلْ عَالِى والحَشَا مِرَقِّقْ
والقِدَيمْ فِى البَيتْ إنْ مَشَى يبَقِّقْ
الأمَّة تَاعْبَالَه جُمْلَة تِتْرَاقَصْ
غَيرْ حِضُورْ بَالَه
سَوَّتَه القُوده المِيهَا تَاعْبَالَه
فُوقْ عَدِيلَه مَادَامْ رُوحَه عَاجْبَالَه
دِيْمَه مِتْعَافِى يَمْرِض الصَاحِى
وللتَّوَى يَعَافِى
بُغْتَه لَو شُفْتُه مِنْجَدِع غَافِى
نُومُو نَايِم حَاسْ نَفَسُه زَى مَافِى
قُمْنَا نِتْشَرَّفْ نَوَّر الحَفْلَه (2)
وللمَكَانْ شَرَّفْ
بُشْرَى يَاعَاشْقُة أوْعَ تتْطَرَّفْ
سَنَّ سَيفْ لَحْظُو وللنِّفُوسْ ظَرَّفْ
صَبْرِى فَلْ عَزْمُو بَالبِهَامْ والشَّاهِدْ
إتْ حَشَاه تَحَزْمُو
طَمْبَرُوا لُو وعَامْ حِينْ لَفَحْ هِدْمُو
نِحْنَ يَاتْ مِنْ كَانْ لَزْمُو مَا لِزْمُو
العِيُونْ فِتْنَه والخِدُودْ يَانَاسْ
هُنَّ آفَتْنَا
وقَّلَتْ فِينَا الدَّرْعَة شَافَتْنَا
نِحْنَ خُفْنَاهَا وهِيَّ خَافَتْنَا
النَّظَرْ جِرْسَة فِي نَظَرْ إنْسَانْ
مَاثَبَتْ أرْسَى
طَمْبَرُوا لُو وعَامْ جَمَّعْ البُرْصَة
إنْعَقَدْ جَانَا صَدْرُو مُوج كَرسَه
قَلْبِى أنَا الكَافِيه الفَازْرُه مَبْرُوعُه
والكَفَلْ كَافِيه
لَى سَعَدْ بَخْتُه العُمْرُو مَا يكَافِيه
مِنْ شَرَارْة العَينْ فُوقُو يَاكَافِى
الحُبُّ فِى الله سِيبْنِى يَاهَدَّاى
زُورْنِى يَالاَهِى
كُوْنُو غَيرْ عِلَّه رَيدِى فِى الله
مَابِشِيقْنِى الغَيرْ خِلِّى إلاَّ هِى
وَاهَيَه فِى انْصَافَه لُونَه للتِّبْرِ
الفِى البُوَظ صَافَى
والخِدُودْ نَادْيَه لامْعَه لَصَّافَه
فَايقَه كُل ما يقُولْ فِيهَا وصَافَه
تَفْنِى وَحَاتَه صَادَف المِسْكِينْ
مَرْمِى سِلْحاتَه
دَارَتُو المَبْرُوعْ باتِيَاحَاتَه
كَالوَلِى الكَامِلْ قَايْمَه نَفْحَاتَه
الكِتُوفْ واقْعَه والعِيُونْ يَانَاسْ
مُويَتِنْ نَاقْعَه
الوِجَنْ قَادْحَاتْ فِى الظَّلامْ فَاقْعَه
رَاجِى شَبَّالَة ورَاضِى بَى صَاقْعَة
عَامْ مَعَ الصَّفْقَه والمَعَاصِمْ صَبْ
مَاهَا مِنْصَفْقَه
رَاجِى شَبَّالَه ورَاضِى بَى صَفْقَه
يَاسَلاَم مَسْرَه وصَادَفَتْ صَفْقَه
طَيْبَت الأسْمَا تَضْوِى للكُبْسَه
العَاتْمَه بالبَسْمَه
صَدْرَها إتْعَنْقَلْ عَايْمَه مِنْقَسْمَه
والعَرَق فُوقَه إِنَبِّذْ القِسْمَه
يَا كَفِى يَا كَفِيلْ يَالبَهَلْتَ الرَّيدْ
فُوقَه مِنْ هِى طِفَيلْ
لابْسَه هَيْبَه جَلالْ يغْنِى عَن تَحْفِيلْ
كَونَهَا الوِتْر ال مَا وَرَاه تَنْفِيلْ
الحَرِيف ذُوقه واللِّهيج عَجَنِى
تَشِتُّو بَى رُوقَه
خَاتيه عِرقاً زَاد مِنْدهك طُوقَه
بِت سَمِى الله يا كَريم فُوقَه
مَبْنِى مسَّانِى أميرَة الكُرنَاس
الدُّرُّه مَسَّانِى
ولا جُناحاً لَى رميَاتُو مَاسَّانِى
أريتُو كان مَرَّه جَانِى مسَّانِى
صِرْتَ كالفَانِى سَحَّتْ أجْفَانِى
يَابَا عَجِّلْ بَى قَبْلِ تَلْفَانِى
هَبَّ مِتَّاكِلْ سَوَّى عُوم الوِز
هَبَّل العَاقِلْ
خَفَجَت الأكْتَافْ سَحَّت الفَاقِلْ
طَبْقَه طَبْقَه تَمُوجْ للهِدَيمْ نَاقِلْ
مَتْنِى فِى رُقَادُو نَسَّبُوا لُو وقَامْ
الوَضِيبْ قَادُو
جَانَا يِتْهَبَّعْ يَضْوِى وقَّادُو
جُمْلَةَ الجَالْسِينْ قُودْتُو ينْقَادُو
يَاخَلِيلْ دَقِّقْ الجَّمَالْ والذُّوقْ
فِيهَا مِتْحَقِّقْ
الكَفَلْ عَالِى والحَشَا مِرَقِّقْ
والقِدَيمْ فِى البَيتْ إنْ مَشَى يبَقِّقْ
الأمَّة تَاعْبَالَه جُمْلَة تِتْرَاقَصْ
غَيرْ حِضُورْ بَالَه
سَوَّتَه القُوده المِيهَا تَاعْبَالَه
فُوقْ عَدِيلَه مَادَامْ رُوحَه عَاجْبَالَه
دِيْمَه مِتْعَافِى يَمْرِض الصَاحِى
وللتَّوَى يَعَافِى
بُغْتَه لَو شُفْتُه مِنْجَدِع غَافِى
نُومُو نَايِم حَاسْ نَفَسُه زَى مَافِى
قُمْنَا نِتْشَرَّفْ نَوَّر الحَفْلَه (2)
وللمَكَانْ شَرَّفْ
بُشْرَى يَاعَاشْقُة أوْعَ تتْطَرَّفْ
سَنَّ سَيفْ لَحْظُو وللنِّفُوسْ ظَرَّفْ
صَبْرِى فَلْ عَزْمُو بَالبِهَامْ والشَّاهِدْ
إتْ حَشَاه تَحَزْمُو
طَمْبَرُوا لُو وعَامْ حِينْ لَفَحْ هِدْمُو
نِحْنَ يَاتْ مِنْ كَانْ لَزْمُو مَا لِزْمُو
العِيُونْ فِتْنَه والخِدُودْ يَانَاسْ
هُنَّ آفَتْنَا
وقَّلَتْ فِينَا الدَّرْعَة شَافَتْنَا
نِحْنَ خُفْنَاهَا وهِيَّ خَافَتْنَا
النَّظَرْ جِرْسَة فِي نَظَرْ إنْسَانْ
مَاثَبَتْ أرْسَى
طَمْبَرُوا لُو وعَامْ جَمَّعْ البُرْصَة
إنْعَقَدْ جَانَا صَدْرُو مُوج كَرسَه
قَلْبِى أنَا الكَافِيه الفَازْرُه مَبْرُوعُه
والكَفَلْ كَافِيه
لَى سَعَدْ بَخْتُه العُمْرُو مَا يكَافِيه
مِنْ شَرَارْة العَينْ فُوقُو يَاكَافِى
الحُبُّ فِى الله سِيبْنِى يَاهَدَّاى
زُورْنِى يَالاَهِى
كُوْنُو غَيرْ عِلَّه رَيدِى فِى الله
مَابِشِيقْنِى الغَيرْ خِلِّى إلاَّ هِى
وَاهَيَه فِى انْصَافَه لُونَه للتِّبْرِ
الفِى البُوَظ صَافَى
والخِدُودْ نَادْيَه لامْعَه لَصَّافَه
فَايقَه كُل ما يقُولْ فِيهَا وصَافَه
تَفْنِى وَحَاتَه صَادَف المِسْكِينْ
مَرْمِى سِلْحاتَه
دَارَتُو المَبْرُوعْ باتِيَاحَاتَه
كَالوَلِى الكَامِلْ قَايْمَه نَفْحَاتَه
الكِتُوفْ واقْعَه والعِيُونْ يَانَاسْ
مُويَتِنْ نَاقْعَه
الوِجَنْ قَادْحَاتْ فِى الظَّلامْ فَاقْعَه
رَاجِى شَبَّالَة ورَاضِى بَى صَاقْعَة
عَامْ مَعَ الصَّفْقَه والمَعَاصِمْ صَبْ
مَاهَا مِنْصَفْقَه
رَاجِى شَبَّالَه ورَاضِى بَى صَفْقَه
يَاسَلاَم مَسْرَه وصَادَفَتْ صَفْقَه
طَيْبَت الأسْمَا تَضْوِى للكُبْسَه
العَاتْمَه بالبَسْمَه
صَدْرَها إتْعَنْقَلْ عَايْمَه مِنْقَسْمَه
والعَرَق فُوقَه إِنَبِّذْ القِسْمَه
يَا كَفِى يَا كَفِيلْ يَالبَهَلْتَ الرَّيدْ
فُوقَه مِنْ هِى طِفَيلْ
لابْسَه هَيْبَه جَلالْ يغْنِى عَن تَحْفِيلْ
كَونَهَا الوِتْر ال مَا وَرَاه تَنْفِيلْ
الحَرِيف ذُوقه واللِّهيج عَجَنِى
تَشِتُّو بَى رُوقَه
خَاتيه عِرقاً زَاد مِنْدهك طُوقَه
بِت سَمِى الله يا كَريم فُوقَه
مَبْنِى مسَّانِى أميرَة الكُرنَاس
الدُّرُّه مَسَّانِى
ولا جُناحاً لَى رميَاتُو مَاسَّانِى
أريتُو كان مَرَّه جَانِى مسَّانِى
