تويت
التوب
الفُسْتَانْ هِوَايَة نَفِس والنَّفِسْ يَامُهَذَّبَة كَافْرَة
والتُّوبْ يسْتُرِكْ مِنْ العِيُوبْ الطَّافْرَة
والتُّوب مُحْتَرم فِيه المَزَايَا الوَافْرَة
والحَيَا نُور مَحَيَّاكْ سَافْرَة أو غَير سَافْرَة
التُّوبْ فِيه أنُوثْتِكْ التُّوبْ فِيهُ وسَامِكْ
والفُسْتَانْ فَقَطْ فِى الغُرْفَة دَاخِلْ سَامِكْ
سُودَانِّية رَاقْيَة كَيفِنْ تَعَرِّى أجْسَامِكْ
يَا المَسْتُورَه نَشْتَاقْ نَسْمَة مِنْ نَسَّامِكْ
عِرِفْنَاكِ يَاسُودَانِّية بَالخُلُقْ النَّبِيلَة
تَحِبِّى التُّوبْ لانِّك مِنْ أخْيَار قَبِيلَه
تَقَالِيد الأُمَمْ أتْرُكِى لَى سَبِيلَه
التُّوبْ أخَذْ اللَّمْعَة فِى أُوُربَّا وقَبِيلَه
التُّوبْ بِسْتُرِكْ التُّوبْ بِيَرْوِى غَلِيلِكْ
التُّوبْ يَرْضِى أبُوكْ يَرْضِى أخُوكْ يَرْضِى حَلِيلِكْ
التُّوبْ يَامُهَذَّبَه يَاهُو هُوَّ اللِّيلِكْ
هَذا دَلِيلِى لَيك ورِّينِى للفُسْتَانْ دَلِيلِكْ
المَدَينَّة آدَاب وأخلاق حِلْوَة لَى مَنْ رَامَه
مُشْ بَالمَلابِس وهَدْمَ القِيَمْ وسَلْب الكَرَامَه
تَقَالِيدِك يَا مُهَذَّبَة يَلْزَمِكْ أحْتِرَامَه
حِيَاضْ أبْوَاتِكْ مَحْفُوفَة بَي كُل الكَرَامَه
ألْبَسِي تُوبِك الشَّىء اليَسِير يَلْفِتْنَا
يَا الكُلِّكْ مَحَاسِنْ وكُل قَامْتِك فِتْنَه
أنْتُنَّ عِرُوضْ رِجَال ونِحْنَ الرِّجَالْ بصِفَتْنَا
نَحِب التُّوبْ وسِتْ التُّوبْ مُقَدَّرة كُلَّمَا وَافَتْنَا
أوْعِكْ تَمْشِى كَاشْفَه مَعَريَّاتْ كَتْفَاتِكْ
وتَرَاقِيكِى ومَرَافْقِك يكُونْ رَشَادِكْ فَاتِكْ
شُرِّى التُّوبْ عَلِيكِى ونُومِى فِى غُرْفَاتِكْ
إنْ شَاء الله العَافَيه دايْماً مَهْدِكِ ولِحْفَاتِكْ
تَرَاقِيكِى ومَرَافْقِك والصِّدُورْ كَاشْفَاتْ
كَيفْ يَقْبَل شِعُورِكْ والعِيُونْ شَايْفَاتْ
الفُسْتَانْ بَشِعْ وبَنَاتْنَا لَيه عَايْفَاتْ
وبَعْضَ النَّاسْ عِيُونُنْ يَابِدُورْ نَاشْفَاتْ
الجِسْم البِتِلْ نَاعَم الحَرِيرْ الهَنْدِى
بَى دَمْ الصِّبَا ونُور المَلاَحَة بِيَنْدِى
ولامِعْ شَعْرِك المَكْشُوفْ لِكُلَّ أفَنْدِى
الرَّسُولْ غَتِّيَةُ يَامُهْرَة مِلُوك نَاسْ شنْدِى
الفُسْتَانْ هِوَايَة نَفِس والنَّفِسْ يَامُهَذَّبَة كَافْرَة
والتُّوبْ يسْتُرِكْ مِنْ العِيُوبْ الطَّافْرَة
والتُّوب مُحْتَرم فِيه المَزَايَا الوَافْرَة
والحَيَا نُور مَحَيَّاكْ سَافْرَة أو غَير سَافْرَة
التُّوبْ فِيه أنُوثْتِكْ التُّوبْ فِيهُ وسَامِكْ
والفُسْتَانْ فَقَطْ فِى الغُرْفَة دَاخِلْ سَامِكْ
سُودَانِّية رَاقْيَة كَيفِنْ تَعَرِّى أجْسَامِكْ
يَا المَسْتُورَه نَشْتَاقْ نَسْمَة مِنْ نَسَّامِكْ
عِرِفْنَاكِ يَاسُودَانِّية بَالخُلُقْ النَّبِيلَة
تَحِبِّى التُّوبْ لانِّك مِنْ أخْيَار قَبِيلَه
تَقَالِيد الأُمَمْ أتْرُكِى لَى سَبِيلَه
التُّوبْ أخَذْ اللَّمْعَة فِى أُوُربَّا وقَبِيلَه
التُّوبْ بِسْتُرِكْ التُّوبْ بِيَرْوِى غَلِيلِكْ
التُّوبْ يَرْضِى أبُوكْ يَرْضِى أخُوكْ يَرْضِى حَلِيلِكْ
التُّوبْ يَامُهَذَّبَه يَاهُو هُوَّ اللِّيلِكْ
هَذا دَلِيلِى لَيك ورِّينِى للفُسْتَانْ دَلِيلِكْ
المَدَينَّة آدَاب وأخلاق حِلْوَة لَى مَنْ رَامَه
مُشْ بَالمَلابِس وهَدْمَ القِيَمْ وسَلْب الكَرَامَه
تَقَالِيدِك يَا مُهَذَّبَة يَلْزَمِكْ أحْتِرَامَه
حِيَاضْ أبْوَاتِكْ مَحْفُوفَة بَي كُل الكَرَامَه
ألْبَسِي تُوبِك الشَّىء اليَسِير يَلْفِتْنَا
يَا الكُلِّكْ مَحَاسِنْ وكُل قَامْتِك فِتْنَه
أنْتُنَّ عِرُوضْ رِجَال ونِحْنَ الرِّجَالْ بصِفَتْنَا
نَحِب التُّوبْ وسِتْ التُّوبْ مُقَدَّرة كُلَّمَا وَافَتْنَا
أوْعِكْ تَمْشِى كَاشْفَه مَعَريَّاتْ كَتْفَاتِكْ
وتَرَاقِيكِى ومَرَافْقِك يكُونْ رَشَادِكْ فَاتِكْ
شُرِّى التُّوبْ عَلِيكِى ونُومِى فِى غُرْفَاتِكْ
إنْ شَاء الله العَافَيه دايْماً مَهْدِكِ ولِحْفَاتِكْ
تَرَاقِيكِى ومَرَافْقِك والصِّدُورْ كَاشْفَاتْ
كَيفْ يَقْبَل شِعُورِكْ والعِيُونْ شَايْفَاتْ
الفُسْتَانْ بَشِعْ وبَنَاتْنَا لَيه عَايْفَاتْ
وبَعْضَ النَّاسْ عِيُونُنْ يَابِدُورْ نَاشْفَاتْ
الجِسْم البِتِلْ نَاعَم الحَرِيرْ الهَنْدِى
بَى دَمْ الصِّبَا ونُور المَلاَحَة بِيَنْدِى
ولامِعْ شَعْرِك المَكْشُوفْ لِكُلَّ أفَنْدِى
الرَّسُولْ غَتِّيَةُ يَامُهْرَة مِلُوك نَاسْ شنْدِى
