إسحق الحلنقي «إنت مافي»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • إسحق الحلنقي «إنت مافي»

    انت مافي

    انت مافي .
    . اي حاجة بتبقى مافي
    الشمس تلقاها مافي
    والبحر من غير مرافي
    والمدن بتكون منافي
    والحبيب يبقى جافي
    العسل ما ببقى صافي
    وانت مافي

    انت مافي الروح تفارق
    ويبقى موج النيل مفارق
    الشروق ينسى المشارق
    والنسيم لي الروض يشاهق
    والصباح ما ببقى شارق
    وانت مافي

    انت مافي منو البسالم
    ويبقى من الامو سالم
    الزمن يصبح مظالم
    والحنين يبقى ظالم
    وتمسح الأحزان عوالم
    تفتح الاحزان عوالم
    وانت مافي

    انت مافي الناس تغيب
    والحبيب ينسى الحبيب
    الدمع يصبح قريب
    والطبيب ما ببقى طيب
    كيف يكون في الدنيا طيب
    وانت مافي
    Azizwagali


يعمل...
X