إنتصار محمد الحاج «كيف نهار العيد؟»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • إنتصار محمد الحاج «كيف نهار العيد؟»

    كيف نهار العيد؟؟؟

    عربى ،جواد ...واصيل
    كارب لجام احزان
    الناس يجيها العيد
    لابسة الجميل وجديد
    وانت القوى ورعديد
    مفجوع قليب غرقان
    غرقان دموع بتزيد
    تجرح مشاعر العيد
    وتألم الانسان
    الناس تنوم فرهيد
    وات نومك الصحيان
    لاشفت جيتا جيد
    اوشفت اىبيان
    ككيف نهار العيد
    شن لونو فى الالوان
    وانا اصلو ماضليت
    اويوم ظلمت انسان
    انا زول من ايد لى ايد
    ما قالوا ،قلت ابيت
    جرحت بالنسيان
    او سبت هم البيت
    انا مركبو وربان
    او زول انانى عنيد
    انا زول حنين شقيان
    كان مالى مال الريد
    دا الودى زول حفيان
    يا عيد امش يا عيد
    جايينى ليه انا كان
    كان ظنى فيك اشيد
    احلام واهد سجان
    وازرع ترابى وازيد
    الخير واكون قبطان
    ما فى سفينتو عبيد
    او زول فقير عدمان
    كان ظنى افتح بيتى
    والحق حزين انسان
    واغزل جواهو واعيد
    ايامو بالاحسان
    واديهو ريد فى ريد
    يدينى زول فرحان
    الا الكلام مابفيد
    ما بجبر التعبان
    واشواقنا مهما تزيد
    تب ما بتجيب الكان
    يا عيد ...............
    بى ايه لى جيت
    غير دمعى والاحزان
    والمات اكيد ما فات
    الفات جسد انسان
    فى خاطرى وان صليت
    فى دعاي دموع ايمان
    Azizwagali


يعمل...
X