إنتصار محمد الحاج «اسألوا عشة»

اسألوا عشة
اقسم بـ الله
سيدى السوانى
فى الصى، فى الهجعة
فى السرا والرجعةساكن جم بركة
وعطشان تلقانى
سواح فى صحرا
اتصفح واقرا
اسرار الخالق
وتوسع عينيا
فى الشفق المارق
والهث من عطشي
لى نقطة المي
الليل اقضيه مشى
وفى الضبية القربة
وعطشان تلقانى
لا وين اتوجه
الطير ما عار
وسألت الصاقعة
الزمن المغرب
الغيم الخلب
والغيم الزارف
الشمس الساطعة
اشادى الاطرب
الشوك البطعن
والشدر الوارف
لا وين اتوجه ؟
الكل ما عارف !
فى الصي في الهجعة
فى السرى والراجعة
ساكن جم بركة وعطشان تلقاني
واقف جم بابي وضهبان تلقاني
الهد اللبوة ونساها نزاله كو ما هداني
فى الخلا بي كيفي
ساكن كشاشة
والشعبة محنة
وبخوره دعاشة

ومسقوفة بي جنحين

أطيار الجنة

وافراحي فراشة

وفى ليلا أضلم

سالمت المحنة

والبوم اتكلم

وشيتى الختيتو

واضح اتبلم

لا قال وين ماشى ؟

لا خبر وعلم

النوم جافاني

الخد رفاني

الداق في صدري

مقلوب فراني

شيتي الداسيهو

وين راح خلاني

وين راح خلاني وليه ما وراني

ان عنو سالتو ؟

ح تلقوا بنية

مرواد فوق إيدا

وساكنة فى شبرية

الليل كسا راسا

والساقية خمارا

النيل كاس راحا

والعفة ازارا

وقمر اربعتاشر شايل لون عينا وكاتم اسرارا

بتقابلك هاشا

طيبة ومي هشه

سموها العازه

وسميتنا عشه

ومن شيتى الرايح

بس اسألوا عشه؟؟؟

بس اسألوا عشه؟؟؟