تويت
متين يا الحافله أصباكي
مِتِينْ يَا الحَافْلَه أصْبَاكِي وأمْلِي عِيُونِي بِى رُبَاكِي
أمْا يَا الجِنْه مَرْبَاكِي تَحَلِّقْ رُوحِي فِي رُبَاكِي
أحِبْ والله حُبَاكِي وأحِبْ مَنْ كَانْ عَلِيكْ بَاكِي
أوَجَّه نظرِي لى صبَاكِي وأقِيفْ لَهْفَانَ عَلَى صِبَاكِي
ودحين لعينى صباكى تَسْرَبْ رُوْحِي تصْبَاكِي
صَفاء البَدْرِ يَا الزَاكِي النَّحِيبْ لَى عرفك الزَّاكِي
الكَمَالْ بَيهُ رَّبِى أجْزَاكِي الجَّمَالْ مِنْ بَعَضْ أجْزَاكى
إلهِي الحَسن حَوَاكِي المَحَامِدْ فَهِيَ تسْوَاكِي
الحسود يكرم لَمَثْوَاكِي و الرَّضِيعْ يَا النزهة يَهْوَاكِي
سَمَاءْ الدُّنْيَا نَاسْبَاكِي إلَيْهَا بِحَيثْ مَنَاسْبَاكِي
مَصَابِيحْ لَسَمَا صَبَاكِي وبُرُوقْه وسِحَابَهَا البَاكِي
تَمْيس والرَّانعة تَلْقَاكِي ضَمْيْرِكْ ضَدِه يْعَتَاكِي
يَا لَدْنُه طَبِيعَه تَتَاكِي العَلِيكْ بَالكفَلَّه مَا رَتَاكِي
الترَفْ التَالِدِ أبَاكِي وحَيَّا الإسْلامْ خَبَاكِي
وهَذَى الِحَالَه عَاجْبَاكِي يَا قِبْلَة كُلْ سَبَاكِي
مَزَجْ رَيْدِكْ دَمِي عَسَاكِي نَعَى يَا النَّجْلاَ ناعْسَاكِي
الكَّرِيمْ بَالهيبة كَسَاكِي صَبَاحْ الخَيرْ عَلَى مَسَاكِي
الهَكْ جَلَّ جَلاكِي وكَمَانْ بَالمَلَكْ حَلاَكِي
هِلاَلْ يُوْمَاتِي هَلاَكِي الأدَبْ يَا مَلاَكِي وَلاَكِي
