أزهري شرشاب «أمي أنا»

أمـى أنا بدور أوفيـها حقها يـوم اريـت أقـدر
أقـول كلمـات اسدْ الدّين وتانى وحاتـه مااتحسر

أمـى انا جبل البركل الشامخ على الأزمان بيتجسر
أمـى شموخ وأمـى رسوخ على الأفكار إذا فـكّر

أمـى الرحـمه لمـّا الرحـمه تبسط لى جناحه تفر
أمـى الرأفـه وأمى الطرفه تسقى بلادى وقت الحر

أمـى الخير وكلها خـير بتشرب مـن نـدى الكوثر
أمـى عنـايـا وأمـى صفـايا لمـّا صفـايا يتـعكر

أمـى سلام وأمـى كـلام وأمـى نغم يـقـولو وتـر
أمـى سماح وأمـى ربـاح وأمـى صبـاح وكت أسفر

أمـى فـرح عليـنا طمح وفى دنيـانا خيـر إنشـر
أمـى رحـاب وأمـى سحاب وأمـى عزايا لمـّا إنضر

أمـى جمـال وأمـى كمـال وأمـى هلال وكت يظهـر
أمـى العيـد بحـر مـن ريـد وتانـى بلاها مافـى بحر

أمـى الـواحـه فيـها سمـاحه وامـى الراحه لمـّا فتر
أمـى وفيـّه واصـلو تـريّـه تشرح دربـى إذا إتـودّر


أمـى النـور ونـور فـى نـور وكونـى بلاها مانـوّر
أمـى حـروف وأمـى جـروف وأمـى قيوف عليها زهر

أمـى الدنيـا وأمـى المُنيـّه لمـّا المنيـه تتـعـذر
تنـادينى وتـكـلمـنى وتبدد مـن حيـاتى كدر

وينـه الليـله بـس أمـى زمـانى وحـاتـه ما أشتر
سـاقـنى بعيـد وساقـه بعيد وجفف دربى أنا الأخضر

فـقـدتـك يـمه باللحيـل يمـه ياما بلاكى شفته المر
بقيـته بـرايـا فـى دنيـاي ويامـا معايـا الف نفر

بعـادك يـمه يـَهَرى حشاى وبس كيفن وراكى اصبر
صبرتـه كتـير ومـافـى نصير وفرحى بلاكى يبقى الشر