تويت
الشاعر صديق محمد طه
العمــر مر
يا صحاب العمــر مر و عشنا بعد الحلوة مــر
كان زمان يوماتي نفرح و اسة وين في الدهر مرة
غاب خلاص زمن التلاقي و قولو يا أحباب حليلو
كل زول صاقرلو غربة و ما عرف وين ضاع شليلو
و الصبر من ميسو نافد و في العدم كم باركة خيلوا
و الحلم اخلف ميعــادوا يوم قطار العمـــر مــــــر
كانت الأيام رحيبة و كان سمح يومداك غنانا
يعشق الوردة الحبيبة و ينطرب يسهـــر معانا
لا نحيب لا جرح ينزف لافي ليل من هم طوانا
إلا حلـــــق الغنوة مـــر في زمن كاساتو مـــرة
يا صحاب وينة الأماني و سكتا المخضرة ديمة
مالا بى طـــول المسافة لا رشع لا صب غيمـــــا
غبنا عن دنيا السعـــــادة و أشرقت أيام أليمــــــة
كل يوم تغشانا أهــــــة و للأسف دا العمــر مر
و يا سطور من زكري حلوة يومي في الحاضـــر نعيدا
و نلقى في طياتا سلوي و راحة من آهـــات عديدة
بيها ابواب المشـــاعــر تتفتح لي مدن جديدة
و نرسى في واقع الأماني و ننسى إنو العمـــر مر
العمــر مر
يا صحاب العمــر مر و عشنا بعد الحلوة مــر
كان زمان يوماتي نفرح و اسة وين في الدهر مرة
غاب خلاص زمن التلاقي و قولو يا أحباب حليلو
كل زول صاقرلو غربة و ما عرف وين ضاع شليلو
و الصبر من ميسو نافد و في العدم كم باركة خيلوا
و الحلم اخلف ميعــادوا يوم قطار العمـــر مــــــر
كانت الأيام رحيبة و كان سمح يومداك غنانا
يعشق الوردة الحبيبة و ينطرب يسهـــر معانا
لا نحيب لا جرح ينزف لافي ليل من هم طوانا
إلا حلـــــق الغنوة مـــر في زمن كاساتو مـــرة
يا صحاب وينة الأماني و سكتا المخضرة ديمة
مالا بى طـــول المسافة لا رشع لا صب غيمـــــا
غبنا عن دنيا السعـــــادة و أشرقت أيام أليمــــــة
كل يوم تغشانا أهــــــة و للأسف دا العمــر مر
و يا سطور من زكري حلوة يومي في الحاضـــر نعيدا
و نلقى في طياتا سلوي و راحة من آهـــات عديدة
بيها ابواب المشـــاعــر تتفتح لي مدن جديدة
و نرسى في واقع الأماني و ننسى إنو العمـــر مر
