عوض علي حامد " السر "

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عوض علي حامد " السر "


    ما زول عارف اللي بينا مافي كان تالت معانا
    يبقى كيف الدنيا عرفت سر قلوبنا وسر هوانا
    نحنا اتعاهدنا نكتم كل ذرة ريدة بينا
    كل خوفنا من الحنين خوفنا من تفضحنا عينا
    ودينا كان سر الغرام وانت ما وفيت دينا
    وانكشف ستر القلوب وكب قول الناس كونا
    ما قليبك كان عنيد وقولي بس مين طوعو
    مين قدر يكسر ضلوعك وسر هوانا يطلعو
    كيف قدر اثر عليك خبر غرامك شيعو
    بعدو ايه معنى المحنه عدو ايه قيمة الجوانا
    الغرام ماكان متكن ليه لسانك ترجمو
    ليه فتحت بعد عهودك للخلائق معجمو
    حقو كان تكبت هواك في صميمك ترجمو
    تكوي بيه قلب الحسود تاذى زي ما دار اذانا
    مين قدر يسرق هواك من قليبك يهربو
    وقول لي واشرح لي كيفن في المداين سربو
    لو ملا الكتمان دواخلك ولو قليبك جربو
    كان بقيت بينا العهود ما مشت لناس سوانا
    بالنسبة اهون كتير لو كان قليبك اعترف
    او رجع من عهدو لي واخلي من الريد طرف
    الا يا الا مل المساف ليك بقولا بكل اسف
    نحن نستاهل لا ننا ما بنحب من مستوانا
    المحنة الكان قليبك بيها في همساتها بنضح
    فجأة قلت والغريبة بيها سر الريادة يفضح
    يبقى مين شال الكلام وبيهو لي خلق اله صرح
    الحجر ولا النسيم السمع همسات لقانا
    كنت عارفو طريق غرامنا طويل مسور بالحذر
    وكل ما سرناها خطوة بنمحى لباقي الاثر
    يبقي كيف ظهر الغرام ويبقي كيف طلع الخبر
    انت اتهاونت فيهو انت آه خنت الامانة
    لو تقيل السر عليك وبالغرام طال الامد
    ولو فترت من الصبر او جمر الشوق خمد
    كان تسلمني الامانه عشان اشيلة الى الابد
    كنت افضل من تسلما لهدير سيل الخيانة
    ليه تركت السر ممد شان تعبت من المسير
    كان تفكر في حياتناكان تفكر في المصير
    كان تجيبو علي اضمو نشيلو للنفس الا خير
    مرة نسرع ونستريح ومرة نستمهل خطانا
يعمل...
X