عوض علي حامد " المصير "

وين حنهرب من مصيرنا طالما الاقدار معانا
تمشي في آثار دريبنا وتنحت الالام جوانا
***
كلما نبنيها جنة تبقي مرتعنا وسكنا
تنطبع في القلوب انة وتبدا في التوهان خطانا
***
الضياع حارس دروبنا والالم عاصر قلوبنا
والمصير في جوف غيوبنا خوفي يصبح ذي دجانا
***
بين ظروف ساقيانا مرة وبين قدر لافحنا مرة
وبين شعر بالخوف امر ما لقينا دليل هدانا
***
آه يا ليل امتد طولو ويا فرح راجين هطولو
فينا ياما الناس بقولو شالو حس ريدنا وغنانا
***
اختفت كل المرافئ ونشوة الفرح الخرافي
والسنين الصوتا دافئ تبكي حنت لي لقانا