تويت
قلت ابعد عن دريبك واقفل الباب البجيبك
لو شوية تحس وتشعر بي معانات زول حبيبك
**********
العيون الفيك جميلة للاسف بس ما بتعاين
لي عذاب هد الدواخل ييدا في عيني باين
ما هداك قلبك اليهو ولا اضناك موت الرتاين
وماك حاس بالغربة فينا وماها بس فوق المداين
**********
يا حبيبى البينا انبل من مشاعر ننتميله
يا حبيبى اللهفة اجمل من عيونا فيك كحيلة
ياحبيبي القاسى بسهل مافي حاجة هى مستحيلة
ارضو واسعة ويلا نرحل بالغرام لو ما في حيلة
**********
الله ما اعهدانا ريدة من المحال نقدر نسيبه
ريده اطهر من صفانا مافي شي ابدا بعيبه
وما في حاجة هى بينا حصلت حتى لو قدر السبيبة
وكيف قلوبنا تدور تلاقي ولما تتقابل غريبة
**********
ايه اكون في الدنيا غير انيسك وغير حبيبيك
وغيرى مين في الدنيا بمسح بالحنان دمعة نحيبك
ومين بفرش بالامانى وبالورود ساحة قليبك
ومين بقيلك من هواجس لا بتودى ولا بتجيبك
**********
يا الله نرحل من جحيمنا والحزن خليه ورانا
دى النسايم راجي جيتك شان تسير بالشوق معانا
والزهور علشان تفتح فى انتظار لحظة لقانا
ودى القلوب مفروشة عشة قادرة تستوعب هوانا