تويت
حليل بلدا ترابا حياتنا
حليل اهلى وحليل قطر الزمان الفاتنا
***************
ارح نرجع نعيدا لحظاتنا وننسى مع العذاب آهاتنا
ونحزم كل ذرة ريد معانا على الشمال قبلاتنا
ونركب فى جناح الشوق ونقطع لي رمال صحراتنا
ارح قبل الليالى تروح وتتبدد قصير سنواتنا
حليل بلدنا سمع صرختنا حليل بلدنا شهق فرحتنا
من فتناه كترت بينا فى سبل المسير عتراتنا
حليل جرفا حضن نخلاتنا حليل جدول يشق واطاتنا
حليل ابوي مطرق القراع يعزق فى قعور شتلاتنا
حليل حزنا يسيل دمعاتنا حليل حفر الترى بكياتنا
حليل وقت الغبار يندس فى اعمق عميق هدمتنا
حليل وجها صبوح فى بناتنا يريحنا ويزيل كربتنا
حلاتو جمالن الفطرى زايدي على السماحة حلاتنا
حلبل ضلا حضن ونساتنا حليل زولا شرب قهواتنا
حليل الضيف وقت يلقانا نحنا كرام على نياتنا
حليل حفلا عمر دارتنا وطمبورا غزل غنواتنا
حليل وكتين نفر ونكر على الميالة بى صفقاتنا
حليل فارقنا حضن اماتنا حليل علقتنا من ابواتنا
حليل العرف والتقليد عزتنا وسبب ماساتنا
حليل ليلا ولد قمراتنا حليل صبحا كتل نجماتنا
حليل شاى الصباح البدرى قبل ما تشوف مقلاتنا
حليل من سلسبيل موياتنا ومن بطن الكبيق شرباتنا
ما بيمسخ علينا النيل لو موية المواسير جاتنا
حليل قراصة من قمحاتنا دبكر سووه حبوباتنا
نقوم نلحس اصابعنا ونتم صحن الزيادى الجاتنا
حليل دلينا لى ساقاتنا نحفر بى طورياتنا
لا بنكل لا بنمل ولا بتلين يمين عضلاتنا
حليلنا ويا حليل مخلاتنا وقت نطلع نجيب حاجاتنا
فى الشارع التحت نرجاها عشان سوق الخميس عرباتنا
حليل شيخنا وحليل خلواتنا نصلى ونقرا فى آياتنا
بنكتب فى اللويح آيات وبى سوط البقر جلداتنا
حليل ناس بت حسين جاراتنا حليلو سمرا فى ليلاتنا
حليل الونسى والخاطر يطيب وحليل حديث لماتنا
حليل فوق المراح بقراتنا تكورك للفطور بقراتنا
نشيل اللوبى والبرسيم وليهن نرمى ورتاباتنا
حليل وكتين نزور خالاتنا فى آخر الفريق عماتنا
ونسمع لى حكاوى الغول وفاطنى السمحى فى حجواتنا
حليل حفظ لعباتنا حليل القمرة فى رملاتنا
حليلو كعوت وكم فى الخط شليل وين راح وراحت زاتنا
حليل ابو دوم بنية النيل حليلا نورى ووريف جناتنا
حليل ارض الكرو البسام جمال الدنيا فى اهراماتنا
حليل كورتى الروت تاريخ حليلا مهيرة بت ساداتنا
ارجع ليها تلمح فيها من خلف السنين بصماتنا
حليل تعبت كتير وحليل قلنا تفش غليل ووجعاتنا
الا حليل نحنا بلدنا لو حبست حليل خطواتنا
حليل اهلى وحليل قطر الزمان الفاتنا
***************
ارح نرجع نعيدا لحظاتنا وننسى مع العذاب آهاتنا
ونحزم كل ذرة ريد معانا على الشمال قبلاتنا
ونركب فى جناح الشوق ونقطع لي رمال صحراتنا
ارح قبل الليالى تروح وتتبدد قصير سنواتنا
حليل بلدنا سمع صرختنا حليل بلدنا شهق فرحتنا
من فتناه كترت بينا فى سبل المسير عتراتنا
حليل جرفا حضن نخلاتنا حليل جدول يشق واطاتنا
حليل ابوي مطرق القراع يعزق فى قعور شتلاتنا
حليل حزنا يسيل دمعاتنا حليل حفر الترى بكياتنا
حليل وقت الغبار يندس فى اعمق عميق هدمتنا
حليل وجها صبوح فى بناتنا يريحنا ويزيل كربتنا
حلاتو جمالن الفطرى زايدي على السماحة حلاتنا
حلبل ضلا حضن ونساتنا حليل زولا شرب قهواتنا
حليل الضيف وقت يلقانا نحنا كرام على نياتنا
حليل حفلا عمر دارتنا وطمبورا غزل غنواتنا
حليل وكتين نفر ونكر على الميالة بى صفقاتنا
حليل فارقنا حضن اماتنا حليل علقتنا من ابواتنا
حليل العرف والتقليد عزتنا وسبب ماساتنا
حليل ليلا ولد قمراتنا حليل صبحا كتل نجماتنا
حليل شاى الصباح البدرى قبل ما تشوف مقلاتنا
حليل من سلسبيل موياتنا ومن بطن الكبيق شرباتنا
ما بيمسخ علينا النيل لو موية المواسير جاتنا
حليل قراصة من قمحاتنا دبكر سووه حبوباتنا
نقوم نلحس اصابعنا ونتم صحن الزيادى الجاتنا
حليل دلينا لى ساقاتنا نحفر بى طورياتنا
لا بنكل لا بنمل ولا بتلين يمين عضلاتنا
حليلنا ويا حليل مخلاتنا وقت نطلع نجيب حاجاتنا
فى الشارع التحت نرجاها عشان سوق الخميس عرباتنا
حليل شيخنا وحليل خلواتنا نصلى ونقرا فى آياتنا
بنكتب فى اللويح آيات وبى سوط البقر جلداتنا
حليل ناس بت حسين جاراتنا حليلو سمرا فى ليلاتنا
حليل الونسى والخاطر يطيب وحليل حديث لماتنا
حليل فوق المراح بقراتنا تكورك للفطور بقراتنا
نشيل اللوبى والبرسيم وليهن نرمى ورتاباتنا
حليل وكتين نزور خالاتنا فى آخر الفريق عماتنا
ونسمع لى حكاوى الغول وفاطنى السمحى فى حجواتنا
حليل حفظ لعباتنا حليل القمرة فى رملاتنا
حليلو كعوت وكم فى الخط شليل وين راح وراحت زاتنا
حليل ابو دوم بنية النيل حليلا نورى ووريف جناتنا
حليل ارض الكرو البسام جمال الدنيا فى اهراماتنا
حليل كورتى الروت تاريخ حليلا مهيرة بت ساداتنا
ارجع ليها تلمح فيها من خلف السنين بصماتنا
حليل تعبت كتير وحليل قلنا تفش غليل ووجعاتنا
الا حليل نحنا بلدنا لو حبست حليل خطواتنا