تويت
يا وطني آه يا كل شى
يا الما بيعادل من ترابك ذرة
يا المافى من قبلك دروب
يا المافى من بعدك دروب
تستاهل الهوى والمشى
ما نحن بيك تب ما بنخاف
يا النحن فيك ما اظن نخاف
نكسر قلوبنا ونختشى
يا وطنى آه يا كل شئ
ما الله اهداك لينا ام واهدانا ليك ثمرة وجنا
ما الله جراك لينا نم رددنا بيك لحن وغنا
ما الله لماك بينا لم شتتنا فيك قمحة وسنا
ما الله سواك روح ودم وطرحنا فيك بركة وهنا
ما الله منا عليك كم يا وطنى آه يا كل شئ
يا وطنى آه يا كل شئ
يا وطنى يا ارض وسما عزك بطاول للسما
ونحن بنطول بيك وعشان احساسنا بى حبك سما
راضنك انت هوى وسكن لو فيك نلتحف الارض
راضين تغطينا السما
ونصبح على صوتك نقوم ناسا مكافحين لادى
نتعالى فى افقك سحاب ننزل مع المطر الهمى
نترامى فى ارضك بذور تنبت مع الزرع النما
ننشر فى سوحك امان يحكى السلام الملحمة
يا وطنى ما آليك اما آن ليها ترتحل الليالى
الحالكات المظلمة
يا وطنى آه يا كل شئ
يا وطنى احساس وحس
ياالما تتوجع تئن اعضانا تنبح للصباح سهرانا بالمك تحس
يا الما بتضارى الحق تدس يا العالى صوتك ما همس
لا مرة جيرانك تمس
نيل الحضارة الجارى فيك نادانى صاح يا ولدى حس
الضل كتل فيك الشعور امرق على ضوء الشمس
شوف الولاد القدرك ايه سوولنا امبارح وامس
زفولنا كم مليون شهيد فى كورتى ما غلت النفس
يا وطنى آه يا كل شئ
يا وطنى يا نيلين وقاش يا وطنى يا زهرة وفراش
يا الواضح انت كما الشمس يا الاصلو مابتشاف طشاش
يا ضامى كل غريب وطاش يا اللقمة بالدواء والقماش
ليهن كليماتك مطر ليهن بسيماتك دعاش
قطعت من قلبك غطا ولتقت من لحمك فراش
رغم المصاعب والمحن رسلت غيماتك دعاش
رغم الشقا ورغم الغباش مديت ايديك لى هاش
ارجع تعال لي يا ولد وين غيرى تلقالك بلد
جيتك لقيتك كل شي وانا اصلى منك مانى ماش
يا وطنى آه يا كل شئ