عبدالله النجيب «ما غريب»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عبدالله النجيب «ما غريب»

    ما غريب

    ما غريب....
    يا الأندى من طيب الأماسي وأحلى من سحر المغيب
    انت زولنا.. ونور حياتنا.. الما بغيب …
    ما غريب...
    ***
    انت شبيت فى ديارنا ….
    وكنت زولنا وكنت جارنا
    يوم تجينا نقول ربيع الدنيا زارنا..
    ويوم تخاصم شوقنا ليك بيسقى نارنا …
    ما غريب
    ****
    ما حصل بتشوف عيونك ما بنسالم …
    ديل عيونك دنيا واسعه.. وديل عوالم
    قمره سالت فيها خصلة شعر حالم ….
    زار جبينك وزار خدودك كلما تشيله النسايم..
    ونحن شلناك فى عروقنا وبرضو تتباعد تخاصم..
    يا حبيبنا..
    ويا قريبنا.. النادى زى خير المواسم
    ما غريب..
    ***
    سمرتك من أرضى من نيلى ، وبلادى
    بيك بستوحى المعاني وطلعتك فى الغربة زادى..
    وليك سافرت وتعبت ، وكل لحظات من سهادى…
    فيها من وحيك..
    معانى العزه تتجسم قصادى.. ويا معادى ..
    ويا معادى..
    ويا سنينى الزاهية فى غمرة جهادى..
    ما غريب
يعمل...
X