تويت
دمعة نكد
دسِّيت دموعي ورا العيون .....وتكيت رويسي عشان أنوم
ظنيتو همِّي خلاص بيكون ........... فارقني ما ممكن يدوم
لكنـُّو عــــاود بالظنون ......... والفكرة فوق راسي بتحوم
ما عرفت ليه الناس تكون ....... طوالي داقشين في الهموم
مرَّات أفكـِّـــر في العليْ ......... ألقاهو حالي غريب عجيب
ومن تاني شان ما يبقى نيْ ........ ارجع وأفكـِّر من قريب
ألقاهو حالي الباقي ليْ ........ بين مطــرقة وسندان رهيب
خلاني زي ما حاسِّي بيْ ....... مرضـــــان وكايس للطبيب
لهجة غناي صبحت شقا ......... والبهجة فيني بقت دموع
والسعد روَّح وما اتلقى ........ ضلمة مناي فاقدة الشموع
والفرحة بس كيف الحقا ........... وأنا ديمة فاقد للرُّجوع
لي دنيا نايرة مشارقا ........ وطوَّالي شمسها في سطوع
ألقاهو كلُّو مــن الفكر ........... طوالي كايس للسَّراب
ناسي الإله ناسي الذكر .......... داقش متاهات العذاب
رغم انـُّو في يوم ما سكر....... لا عاقر الشر والشراب
لكنـُّو في الفارغات ودر ......... ضيَّع حياتو الاغتراب
يا ربِّي نرجع للبلد ............... لي صحبة الناس العدول
قبـَّال نخش ودَّ الأحد .............. وباكر يفاجئنا الوصول
لي سكَّة آخرها جد نكد ........ مكروهة من زمن الرسول
بالله كم عملاً صعـــــد ............... لكنـُّو ما وجد القبول
يا رب عفوك في كلِّ حين .......... برجاها رحماتك دوام
ترحمني من همَّ السنين .......... تحفظني من فعل الحرام
تحسبني بس في الصالحين ....... أهل القيام أهل الصيام
وتجمعني بالهادي الأمين ...... في الجنـَّة في أسعد مقام
دسِّيت دموعي ورا العيون .....وتكيت رويسي عشان أنوم
ظنيتو همِّي خلاص بيكون ........... فارقني ما ممكن يدوم
لكنـُّو عــــاود بالظنون ......... والفكرة فوق راسي بتحوم
ما عرفت ليه الناس تكون ....... طوالي داقشين في الهموم
مرَّات أفكـِّـــر في العليْ ......... ألقاهو حالي غريب عجيب
ومن تاني شان ما يبقى نيْ ........ ارجع وأفكـِّر من قريب
ألقاهو حالي الباقي ليْ ........ بين مطــرقة وسندان رهيب
خلاني زي ما حاسِّي بيْ ....... مرضـــــان وكايس للطبيب
لهجة غناي صبحت شقا ......... والبهجة فيني بقت دموع
والسعد روَّح وما اتلقى ........ ضلمة مناي فاقدة الشموع
والفرحة بس كيف الحقا ........... وأنا ديمة فاقد للرُّجوع
لي دنيا نايرة مشارقا ........ وطوَّالي شمسها في سطوع
ألقاهو كلُّو مــن الفكر ........... طوالي كايس للسَّراب
ناسي الإله ناسي الذكر .......... داقش متاهات العذاب
رغم انـُّو في يوم ما سكر....... لا عاقر الشر والشراب
لكنـُّو في الفارغات ودر ......... ضيَّع حياتو الاغتراب
يا ربِّي نرجع للبلد ............... لي صحبة الناس العدول
قبـَّال نخش ودَّ الأحد .............. وباكر يفاجئنا الوصول
لي سكَّة آخرها جد نكد ........ مكروهة من زمن الرسول
بالله كم عملاً صعـــــد ............... لكنـُّو ما وجد القبول
يا رب عفوك في كلِّ حين .......... برجاها رحماتك دوام
ترحمني من همَّ السنين .......... تحفظني من فعل الحرام
تحسبني بس في الصالحين ....... أهل القيام أهل الصيام
وتجمعني بالهادي الأمين ...... في الجنـَّة في أسعد مقام
