تويت
شوفوا الدنيا ياخلاى تلاويك تسعد وتشقى والايام دواليك
تجرى وراها تتملص تخليك وإن خليتا يخدر يزهى واديك
******
ياغايب إن نسيت انا مانى ناسيك وإنت إن ماطريت أنا ديمة طاريك
جات مأساتنا من يوم فرقتك ديك وياسبب الفراق الله يجازيك
ياسيد قلبى وينك ووين اراضيك وياحبى الكبير خاطب معاليك
متين ترجع تعود تنشد غناويك وتسمع فى البكور تغريد قماريك
تعال بعض الامور دايرالا تحريك تعال إشتقنا لى قعدة اماسيك
ينور بيتنا بالأولاد وانا وبيك وقليبك يصفى حين ينجارو حوليك
تلولى اصغر بطانك شايلو فى إيديك وهو قبل النوم تحجيه ويحجيك
خل مويه الملح دى المابتكفيك وتعال فد جقمة من النيل بترويك
خلاص ياسيدى شاكرين لك مساعيك وخلاص الفانا قبل الموت يلافيك
أسأل ربى لينا تجى ونوافيك واقعد بى حداك مسرورة أرضيك
متل خلق الله نتعشى ونعشيك ويجى المقسوم يكفينا ويكفيك
تدخل السوق مع ولدك يباريك وتربطوا البيعة كان بى كاش وكان شيك
نبنى حياتنا توصل فوق عواليك ونزيد فى علاها راصين كم مداميك
دحين شكوانا مابكاها عينيك ورجانا ده كلو يازول مانفع فيك
بلدنا بلدنا يالمحبوب تناديك وتعال حصلنا قبال مانخليك
تجرى وراها تتملص تخليك وإن خليتا يخدر يزهى واديك
******
ياغايب إن نسيت انا مانى ناسيك وإنت إن ماطريت أنا ديمة طاريك
جات مأساتنا من يوم فرقتك ديك وياسبب الفراق الله يجازيك
ياسيد قلبى وينك ووين اراضيك وياحبى الكبير خاطب معاليك
متين ترجع تعود تنشد غناويك وتسمع فى البكور تغريد قماريك
تعال بعض الامور دايرالا تحريك تعال إشتقنا لى قعدة اماسيك
ينور بيتنا بالأولاد وانا وبيك وقليبك يصفى حين ينجارو حوليك
تلولى اصغر بطانك شايلو فى إيديك وهو قبل النوم تحجيه ويحجيك
خل مويه الملح دى المابتكفيك وتعال فد جقمة من النيل بترويك
خلاص ياسيدى شاكرين لك مساعيك وخلاص الفانا قبل الموت يلافيك
أسأل ربى لينا تجى ونوافيك واقعد بى حداك مسرورة أرضيك
متل خلق الله نتعشى ونعشيك ويجى المقسوم يكفينا ويكفيك
تدخل السوق مع ولدك يباريك وتربطوا البيعة كان بى كاش وكان شيك
نبنى حياتنا توصل فوق عواليك ونزيد فى علاها راصين كم مداميك
دحين شكوانا مابكاها عينيك ورجانا ده كلو يازول مانفع فيك
بلدنا بلدنا يالمحبوب تناديك وتعال حصلنا قبال مانخليك