أسماء الجنيد «عديلة وزين»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أسماء الجنيد «عديلة وزين»

    عديلة و زين


    يا ود مساحات البلد ..

    مفروش ارض معروش سحاب..

    مبلول مطر راوى الجرف..

    كاسر السراب..

    معقود جواك اخضر رضاب..

    مزروع مجدع فى التراب..

    نواره تفتح كل باب..

    مليانه بى دغش الرزاز..

    رويانه بى نفس العزاز..

    ممطوره بالبلد الهشاب..

    طارح الحنين عبر السنين..

    وارث الدوايه مع الكتاب..

    مشتول مكشح فى الدروب..

    ممزوج مدمدم بالضباب..

    مدفون جوار عمق الفرح..

    مبسوط محكر فى الهضاب..

    *****

    يا ود مساحات الاهل..

    مرشوش عطر مربوط هلال..

    جرتق موشح بالبرش....

    مرصوص سبح حزمة جمال..

    سايقنو لى ست الحسن ..

    مليانه حنه وكوم خصال ..

    ديسا مكحل بالسواد ..

    خدا مورد بالدلال ..

    مسكونة بى ضحكة صغار..

    منسوجة بى صافى الزلال ..

    معروفه بى خاطر الكبار ..

    مرسومة فى واحة ظلا ل ..

    سمحة و عديلة و زين ..

    عزة قبيلة و فا لـ ....
يعمل...
X