عبدالله محمد خير «آخر الرسائل»

انا ليكا بتمنى السعادة وليك بقول انشاءالله تسعد
وارضى بالمكتوب لى والمكتوب لى انو حبيبى يبعد
يا زمان بالله اشهد يازمان بالله اشهد
هاك اخرت الرسايل ومانى داير منك الرد
فيها اشواقى وحنانى هدية للخد المورد
لا تقول الزول طرانى ولا تقول الشوق تجدد
اصلو كامن فى ضميرى وفى ضميرى كمان مؤبد
كل يوم بطراك ومستحيل انساك والخبر المؤكد
انى شايل ليلى بى زكراك منكد
ومافى يوم ما ابكى لامن ليلى هود
وكيف تقدر تعيش الم العلى الالام تعود
اصلو ياهونصيبى اسهر وجفنى بالالام يسهد
وابنى لى ماضينافوق واحاتنا معبد
وانت فى عشك سعيد هانى وممجد
ما يهمك طرفى عمرو يعيش مهجد
يبقى عشك جنه طيرو غنى وروضو فرهد
فيهو تتهناو تلاقى سعادة ازيد
قلبى من فارق حنانك كم تاوه وكم تنهد
من دريبك شال خطاهوعزاهو يبقى سعيرو يخمد
وانا كم كتمت الشوق وفى جوايا عربد
واختلج فى قلبى زى الغيم وارعد
الوداع مجبور عليهو وليهو ردد
الوداع زولى الوسيم يا ناير الخد
الوداع يا اغلى زول يا احلى مشهد
الوداع يا الفى الفؤاد طيفك مخلد
الوداع خلينى لى سهرى البلا حد
الوداع ومنايا ليكا انشاءالله تسعد