تويت
ليالي الغربة
سرالختم تاج السر علي (زهاوي)
ليالي الغربة ماب تعرف نغم طنبور و لا رنة سِلِكْ
يا ( الشايقي )الممكــــون وراك هاتى و هِِلِكْ
*****
داير أسألك عن دارنا و الحبان جميع
إن شاء الله مبسوطين و دنياكم ربيع
الأمهات حورنا البنات حتى الرضيع
أبواتنا و الشبان و عالمــنا الوديع
*****
مشتاق أشوف باسق النخيل لوبي الجروف
مشتاق أقـالد كـل شتلة و فيها أطـوف
مشتاق أخـود أنزل أعـوم نيلنا العطوف
مشتاق أسالم كل زول بي لهفة تتلاقى الكفوف
*****
كيف حال رمـال حلتنا كيف قمـرن ملالي
وحس طنابيرنا المزغردة فرحة في أُنس الليالي
يا حليله و يا حليل قعـداتنا و أيامنا الخـوالي
و يا حليلي أنا يوم أجيها و فيها يرتاح ضُمة بالي
*****
الغربة ويل و الشوق علي زاد الضنى
حقبة دهور و اليوم تقول زي السنة
خلاني أنين زايـد حنين لى حينا
لكني وين ألقى المنى و طعم الهنا
*****
ساعة الصباح والناس تقوم بي ارتياح
تستقبل اليوم الجديد بهجة و سماح
تتقاسم أفراحها و تعيش في انشراح
وأنا حالي حال مشغول فكر مفتوق جراح
*****
عالم غريب إن شئت سميهو أي شيّ
لا فيهو ليل لا ضو نهار واحد عليّ
وأحـلام غريبة تمُرّبيّ تكويني كيّ
عالم ذهول لا مُتّ فيهو و لاني حيّ
سرالختم تاج السر علي (زهاوي)
ليالي الغربة ماب تعرف نغم طنبور و لا رنة سِلِكْ
يا ( الشايقي )الممكــــون وراك هاتى و هِِلِكْ
*****
داير أسألك عن دارنا و الحبان جميع
إن شاء الله مبسوطين و دنياكم ربيع
الأمهات حورنا البنات حتى الرضيع
أبواتنا و الشبان و عالمــنا الوديع
*****
مشتاق أشوف باسق النخيل لوبي الجروف
مشتاق أقـالد كـل شتلة و فيها أطـوف
مشتاق أخـود أنزل أعـوم نيلنا العطوف
مشتاق أسالم كل زول بي لهفة تتلاقى الكفوف
*****
كيف حال رمـال حلتنا كيف قمـرن ملالي
وحس طنابيرنا المزغردة فرحة في أُنس الليالي
يا حليله و يا حليل قعـداتنا و أيامنا الخـوالي
و يا حليلي أنا يوم أجيها و فيها يرتاح ضُمة بالي
*****
الغربة ويل و الشوق علي زاد الضنى
حقبة دهور و اليوم تقول زي السنة
خلاني أنين زايـد حنين لى حينا
لكني وين ألقى المنى و طعم الهنا
*****
ساعة الصباح والناس تقوم بي ارتياح
تستقبل اليوم الجديد بهجة و سماح
تتقاسم أفراحها و تعيش في انشراح
وأنا حالي حال مشغول فكر مفتوق جراح
*****
عالم غريب إن شئت سميهو أي شيّ
لا فيهو ليل لا ضو نهار واحد عليّ
وأحـلام غريبة تمُرّبيّ تكويني كيّ
عالم ذهول لا مُتّ فيهو و لاني حيّ
