تويت
يا غايبة يا حاضرة
يالفى الفجر تسطع
انوارك الباهرة
عين الفجر راجاك
من كم زمن ساهرة
يا غايبة من فجرى
يا حاضرة فى فجرى
انتى الزمن غيرك
سارق سنين عمرى
انتى الزمن بيكى
لحظة شجن نادرة
يا عايشة فى قلبى
يا ساكنة فى فكرى
لو عارفة لو تدرى
يا روح حياة صبرى
يا دمو وانفاسو
روح الزمن وقفت
لا نازلة لا سادرة
يا سر خلود النيل ..
النيل ينين يبكى
دفق الدموع جدول
خانقى الجرف عبرة ..
دلاها بالحنضل
يا غايبة عوديلو
يا حاضرة جوديلو
مديلو مديلو
منديلك الاخضر
امليهو بى ريدك
مديهو بى ايدك
يا حاضرة شريهو
شريهو فوق القيف
الفة وهنا وخضرة
يا غايبة يا حاضرة
يا ضو شموس زحفت
فرسانا شادى الخيل
بين بكرة والليلى
بسراع تعاليلى
الليل هزم حيلى
قمراتى اتلاشت
غرقت خلاص فى الليل
فكيلى قيد ليلى
دارجينى ارجينى
قيلينى قيلينى
من خطوتى العاثرة
يا غايبة يا حاضرة
مكتوب عليك وعلى
منذ الازل فى اللوح
الروح تتوق للروح
نتلاقى زى غيمتين
بين قوس قزح مجروح
تتعانق الانفس
تضوى البروق وتلوح
تتلاحق الآهات
زى الرعود هادرة
تصبح عيون الشوق
ليلا ونهار ماطرة
منذ الازل فى اللوح
مكتوب على قلبك
مكتوب على قلبى
مكتوب على دربك
مكتوب على دربى
سوا فى سفينة نوح
يتلاقو رغم البين
كان زى لقا النيلين
سلكن درب واحد
شاهد على ريدن
وقف النخيل شاهد
ريدتنا زى ريدنا
كالسلسبيل طاهرة
يا غايبة يا حاضرة
يا ساكنة فىْ انسان
فى الذاكرة والنسيان
فى اللاشعور احساس
فى دمى فى الانفاس
يا الفى ملماتى
مدانى صبر ايوب
دثرتى قلبى امان
صبح الحزن مصلوب
حسيتك انتى انا
انا ذبت فى المحبوب
عايش حلول الذات
واتكشََف المحجوب
يا رابعة فى الحضرة
يا غايبة يا حاضرة
سبحانو رب الكون
سبحانو ابدع فيك
بى قدرتو القادرة
يالفى الفجر تسطع
انوارك الباهرة
عين الفجر راجاك
من كم زمن ساهرة
يا غايبة من فجرى
يا حاضرة فى فجرى
انتى الزمن غيرك
سارق سنين عمرى
انتى الزمن بيكى
لحظة شجن نادرة
يا عايشة فى قلبى
يا ساكنة فى فكرى
لو عارفة لو تدرى
يا روح حياة صبرى
يا دمو وانفاسو
روح الزمن وقفت
لا نازلة لا سادرة
يا سر خلود النيل ..
النيل ينين يبكى
دفق الدموع جدول
خانقى الجرف عبرة ..
دلاها بالحنضل
يا غايبة عوديلو
يا حاضرة جوديلو
مديلو مديلو
منديلك الاخضر
امليهو بى ريدك
مديهو بى ايدك
يا حاضرة شريهو
شريهو فوق القيف
الفة وهنا وخضرة
يا غايبة يا حاضرة
يا ضو شموس زحفت
فرسانا شادى الخيل
بين بكرة والليلى
بسراع تعاليلى
الليل هزم حيلى
قمراتى اتلاشت
غرقت خلاص فى الليل
فكيلى قيد ليلى
دارجينى ارجينى
قيلينى قيلينى
من خطوتى العاثرة
يا غايبة يا حاضرة
مكتوب عليك وعلى
منذ الازل فى اللوح
الروح تتوق للروح
نتلاقى زى غيمتين
بين قوس قزح مجروح
تتعانق الانفس
تضوى البروق وتلوح
تتلاحق الآهات
زى الرعود هادرة
تصبح عيون الشوق
ليلا ونهار ماطرة
منذ الازل فى اللوح
مكتوب على قلبك
مكتوب على قلبى
مكتوب على دربك
مكتوب على دربى
سوا فى سفينة نوح
يتلاقو رغم البين
كان زى لقا النيلين
سلكن درب واحد
شاهد على ريدن
وقف النخيل شاهد
ريدتنا زى ريدنا
كالسلسبيل طاهرة
يا غايبة يا حاضرة
يا ساكنة فىْ انسان
فى الذاكرة والنسيان
فى اللاشعور احساس
فى دمى فى الانفاس
يا الفى ملماتى
مدانى صبر ايوب
دثرتى قلبى امان
صبح الحزن مصلوب
حسيتك انتى انا
انا ذبت فى المحبوب
عايش حلول الذات
واتكشََف المحجوب
يا رابعة فى الحضرة
يا غايبة يا حاضرة
سبحانو رب الكون
سبحانو ابدع فيك
بى قدرتو القادرة