تويت
عبيرك دفق فى الغيوم انهمار
مطر وانسكب
رشع كبَ كبْ
نفض من ضياء النجوم الغبار
نداهو اتحلب فوق رشارش عيون العوين الصغار
غنا وازدهار
فتح كم دروب اندهاش وانبهار
نضح كم جداول تجاه الجروف والنخيل والخدار
رسم قوس قزح
جناحين فرح
للقمارى البتعزف اغانى الرجوع للوطن
مقاطع نشيد لى رجوع الوطن
البخاف ان غفلنا ومرق
تانى وين نلقا وين؟
حرام زى عبيرك بعد ما عزف للوطن اغنيات الرجوع والحنين
يخاصم الوطن
يخاوى الرحيل .. يسيب الديار
يقوم يمشى ينجع يقاسى المحن
يسافر يهاجر بعيداً بعيد
يجوب الفيافى ويكون منتهاهو اقاصى الودار
من مطار لى مطار
يكابد يصارع دواهى الشتات والمنافى
شتاتاً يغرق بيوت القصيد بالدموع
بلا حضن دافى ولا مدة ايد
حشاهو اتحرق بالحسارحشا النيل عليهو اتحرق بق نار
متين الرجوع ؟
متين يا عبيرا الاقيك هناك
نواحى البلد
مع نسمة نايمى ومقالدى الجروف
اقالدك واسالمك
اناضمك واكالمك
اضمك اشمك
بلا ادنى كلفة
ولا ادنى خوف
واعيشك بقية حياتى
برغم الظروف .. الحراب السيوف
طعم من بلدنا يفجر حنينى
يعطر سنينى
بمعنى الحياة
يكسر دروب القطارا التساسق
تشيل جاى وغادى
وتفرتك ملمات فرحنا القبل كل عيد
مطر وانسكب
رشع كبَ كبْ
نفض من ضياء النجوم الغبار
نداهو اتحلب فوق رشارش عيون العوين الصغار
غنا وازدهار
فتح كم دروب اندهاش وانبهار
نضح كم جداول تجاه الجروف والنخيل والخدار
رسم قوس قزح
جناحين فرح
للقمارى البتعزف اغانى الرجوع للوطن
مقاطع نشيد لى رجوع الوطن
البخاف ان غفلنا ومرق
تانى وين نلقا وين؟
حرام زى عبيرك بعد ما عزف للوطن اغنيات الرجوع والحنين
يخاصم الوطن
يخاوى الرحيل .. يسيب الديار
يقوم يمشى ينجع يقاسى المحن
يسافر يهاجر بعيداً بعيد
يجوب الفيافى ويكون منتهاهو اقاصى الودار
من مطار لى مطار
يكابد يصارع دواهى الشتات والمنافى
شتاتاً يغرق بيوت القصيد بالدموع
بلا حضن دافى ولا مدة ايد
حشاهو اتحرق بالحسارحشا النيل عليهو اتحرق بق نار
متين الرجوع ؟
متين يا عبيرا الاقيك هناك
نواحى البلد
مع نسمة نايمى ومقالدى الجروف
اقالدك واسالمك
اناضمك واكالمك
اضمك اشمك
بلا ادنى كلفة
ولا ادنى خوف
واعيشك بقية حياتى
برغم الظروف .. الحراب السيوف
طعم من بلدنا يفجر حنينى
يعطر سنينى
بمعنى الحياة
يكسر دروب القطارا التساسق
تشيل جاى وغادى
وتفرتك ملمات فرحنا القبل كل عيد