تويت
شبِى هوب يا نخلى شبِى
قومى طولك
اوعى ترخى العزم لحظة
شدى حيلك
مدى هامتك فوق وفوقين للسحابة
ما السمى المنشرى هولك
بى جريدك قوى راكوبة الارادة
اصلا الريح ماب تشيلا وما بتشيلك
***
قومى مهما الغم تمكن
لا تخلى الليل يباغتك
او يطول بالآهة ليلك
حتى كان الشوق مشكن
ولا فيكى الهم مدكن
ولا عودك بى شقا الاوجاع مجكن
حومى خلى العافى تسرى
فى البدن تلقالا مسكن
***
ابنى من سعفات جريدك
قشة قشة لى صغار القمرى عشة
من ندى الصبح العليك فجراوى رش
بلى ريقك وبلى ريقا
انت طال شوقك عليها وطال عليك فى الغيبة شوقا
مدى ضلك فوق شتولك
هزى جزعك وارمى من قلب السبيطى
فوق تِقِى الامل الوهيطى
تمرة تمرة
للعوينات التشابى سوى قيسابين تلاتة
هبدى النار بين ضلوعك جمرة جمرة
وطلقى الآه بالتلاتة
مسرى الرجا وافتليهو والعشم حبلو ابرميهو
شدى تالاك وامسكيهو
قوى اوعك تقطعيهو
ماب يضيع فى الله عشمك
وما بيضيع منك شليلك
قومى طولك
اوعى ترخى العزم لحظة
شدى حيلك
مدى هامتك فوق وفوقين للسحابة
ما السمى المنشرى هولك
بى جريدك قوى راكوبة الارادة
اصلا الريح ماب تشيلا وما بتشيلك
***
قومى مهما الغم تمكن
لا تخلى الليل يباغتك
او يطول بالآهة ليلك
حتى كان الشوق مشكن
ولا فيكى الهم مدكن
ولا عودك بى شقا الاوجاع مجكن
حومى خلى العافى تسرى
فى البدن تلقالا مسكن
***
ابنى من سعفات جريدك
قشة قشة لى صغار القمرى عشة
من ندى الصبح العليك فجراوى رش
بلى ريقك وبلى ريقا
انت طال شوقك عليها وطال عليك فى الغيبة شوقا
مدى ضلك فوق شتولك
هزى جزعك وارمى من قلب السبيطى
فوق تِقِى الامل الوهيطى
تمرة تمرة
للعوينات التشابى سوى قيسابين تلاتة
هبدى النار بين ضلوعك جمرة جمرة
وطلقى الآه بالتلاتة
مسرى الرجا وافتليهو والعشم حبلو ابرميهو
شدى تالاك وامسكيهو
قوى اوعك تقطعيهو
ماب يضيع فى الله عشمك
وما بيضيع منك شليلك