أزهري عبدالرحمن أبوشام «يا الفايتَةْ الله يسَلِّمِكْ»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أزهري عبدالرحمن أبوشام «يا الفايتَةْ الله يسَلِّمِكْ»

    يا الفايتَةْ الله يسَلِّّمِكْ

    إذنِكْ دقيقة أكلِّمِـكْ

    يا الفايتةَ الله يسلِّمِـكْ

    يالفايتَة نحنَ نعيشْ عشان …

    بعد الحديث فرصةْ حياتنـا نقدِّمِكْ

    ويطوفْ معانا قمر خجولْ

    فى كل زاوية الليل عيونو بترقبك

    وتحدِثك يا فايتَة عن نجمَ الصباحْ

    عن البريدو الناس وما لاقين صَـراحْ

    وتحدثك عن طيبة المسكين …

    ودَر عقلو فيك يا السمحة راحْ

    من عِزتِك تَبْ ما إستراحْ

    وحرارة الشوق الدفينة …

    داسيها لامن قلبو ساحْ

    يا الفايتة الله يسلمك …

    وأصلو الجِراح ياها الجِراحْ

    بِنضوقْ حلاوة الدنيا …

    لمّن نحنَ نمشى نوصِّلِكْ

    لمّن عيونِكْ يِحرقَنْ القَمرة …

    وتقيفْ تتأملِكْ

    فى خدِّكْ يجرى جَنا السِحابْ

    إلمعْ عشانْ خاطر الشبابْ

    والقَمرة خادِم فى الرِكاب

    زهجانة شان إنتى الملِكْ

    ما القمرة جات تتأمَلِكْ

    تتأمَلْ الخُضرة الندِية

    ندِيةْ زى شتل الجَرِفْ

    تتأملْ النظرة البتَشرُدْ ..

    تايهَة فى ليل الوِلفْ

    والليل يقول مليون حَرِفْ

    ونوصِّلِك يا حلوة تَبْ ما ننكسِفْ

    ونوصِّلك قبل النِجيمات تنكَشِف

    وتقولى شُكراً يا الأهَـل …

    والليل يقول مليون حَرِفْ

    ونقولِك الله يِسلِّمك …

    يا سمحة ما واجِبنا لو قلبِك عِرِف




    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..

يعمل...
X