خالد شقوري " يا بانه ما بتصلى السحاب بالله لا تتطاولى "

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خالد شقوري " يا بانه ما بتصلى السحاب بالله لا تتطاولى "

    يابــانه

    يابــانه مابتصلى الســحاب بالله لا تـتطاولى
    ايه الجنيتى بلاالخراب ما ليك سنين بتحاولى
    قبال يرضرضك الزمن مش كان أخيرلك تسألى
    وتعرفى سر خلي الصبح من الندم صليان صلى
    يابانه غشاهو الأمان خدعو المقام المخملــــى
    ورغم الزمن وراكى ويل ,لكنو قاسى تحصلى

    ماأصلو قبلك كان بريد نجمايه فى قــلب الســمــا
    يرجاها من عصرا بعيد فى تقنت الشوق النـمـا
    يشقىويشق صدرو الاسف يوم تبقى دنيا مغيمه
    وكان الفرح يملاهو يوم يلقى القمر غاب وأحتمه
    ماقصدو بس داير يشوف النجمه واضحه معالمه
    يابانه كان بالجد قنوع تكفيهو شوفت الملهمه
    من الظهور حتى الإفول عينيهو ما بينومــــــه
    كان من بعيد بيسالمه فرحان سعيد بيكالمــــه
    لكن محال ينتم حـال جاء الشوق ملك قلبو وعمه
    وبدا الودار يومو القال النجمه لازم يلسمــــــه

    يابانه لاتستغربىبالله بس شوفى الحــصــــل

    حضر كليمات الحنان زادو الغنى وشوقو الرحل
    وأول محاوله للوصول داير مع النسمات يصـل
    لكنو يركب فى البساط يلقى البساط مـنواتنصل
    فكر وقال عند المساء يرجاها فوق راس الجبل
    وفى حلكة الليل الطويل يابانه لما الليل دخــــــل
    شاف النجيمه معلقه وشاف روحو فى توب الجهل
    براحه لملم أنتو فى ليلو واندرج نــــــزل
    الشى العــجيب رغــم الفـــــــــشــــــــــل
    لامله يوم لاحتى مـــــات فيهو الأمــــــل


    وآخرمحاولة للوصول كانت رحيلو مع الشعاع

    إستنى فى الليل القمر ساب الأرض مقدارضراع

    وإستنى قارب الهم رسى فى مشرع الشوق المطاع
    مسك الشعاع وبدا الطلوع بين الغيوم كان خبرو شاع
    جات غيمه من بلد الندم سايقاها عاصفه من الوداع
    قطعت خيوطو الماسكه واتهاوا فى لجج الضــيـــــاع

    وعشان بريد من قلبو جد لقالو فوق اللجه طـــــوف

    عيدانو من شجر الوفاء وحبالو من غالى الحروف

    وداهو لى ساحل الندم وراهو فى العشاق صـنوف
    قاليهو فكر ياقلب قاليهو عيد المـــاضىطـــــــــوف
    إتواره غاب طوف النجا خلاهو فى إيــد الظــــروف
    فتح عيونو مع المساء شاف النجم دانى القــطوف
    بكى وابتسم وعرف صحيح انو البعيش لابد يشوف


    لو كان صبر يابانه يوم وإتمده فى ضـل اليـقــــان

    لو كان رجى الأقدار تجى وخلى القياده على الزمان

    لو كان عرف انو البسير فوق الدرب يوصـل ضمان
    ماكان شقى القلب الودود و يابانه ماكان اللكــــــان

    وصيتى ليك لمن يقوم غصنك جــديــــد إتــمهــــلى

    أوعك تكررى محنتك أوعك كمان تستعجـــــــلى

    بلاتروحى وتتعبى الغـــيث يجيــكى من العـــــلى
    ولو انتىمــديت الصـبر حتى النجــم تتناولــــى




    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..

يعمل...
X