تويت
بسم الله ابتديت متل البرق لاحت
فى الشين والفسل بقينا نتباحت
طال الكان قصير والعالى إتاحت
والصولات حليلن ملكتن راحت
مالك يا زمان شبعتنا هولا
لبست الناس تيابا حاشا مى هولا
يات من كان يجي دماعو مبهوله
ولله راحت بقت البواجهولا
مالك يا زمان شبعتنا وح ووحيح
صح الدون كضب
كضب العوالى صحيح
يات من كان أنا جعلتو لى صليح
عقرب حزّه لى ويا نفسي زين ومليح
فى أحوال الزمن صار الفكر حاير
والياباك خلو عندو شن داير
فوق أهل الفكر كاس الوحيح داير
نفد سوق النفاق سوق السمح باير
تب الشباب إن بقا كواس
تب الصبى ان قطع المروة خلاص
تب الشايب إن بقى وسواس
تب الاقربين الاتفاتتو الامغاص
